تعديل تنك البنزين !

**shadyawad** · 27-01-2011 02:28 AM

طبعا ممكن الناس تستغرب من الموضوع
وتقول طب ليه مش تعديل الكبوت والحركات دي
انا سؤالي ده عشان حاجه هتنفع ناس كتير جدا خصوصا الناس اللى بتسافر كتير زي حالاتي

القصه ان عربيتي 44 لتر تقريب او اقل مش عارف بالظبط -فيرنا 1.5
وعشان بسافر كتير الواحد محتاج ميفولش اكتر من مره خلال الاسبوع وكمان بما ان الواحد فى بلد شكل
متضمنش البنزينه الكويسه من الوحشه

سؤالي هنا هل ينفع نشيل التنك الصغير ده ونحط مكانه واحد اكبر شويه وبرضه المؤشر يفضل شغال صح
وياترى لو ينفع اجيب تنك عربيه ايه وهل الموضوع ده هيحتاج تعديل على العربيه فى حاجه ؟

ياريت اللى يعرف اي حاجه ياريت يدلني
وشكرا مقدما

**mrghost** · 03-02-2011 05:44 PM

كنت ناوى اعملها عندى ف الشاهين بس كنت هعمل زى تنك صغير اعمل بينه وبين التنك بتاع العربيه الاصلى توصيله بحيث ان العوامه ميحصلهاش اى تغيير

**sayed911** · 03-02-2011 08:10 PM

والله نفس الفكرة اللي عندي برضوا 40 لتر بيتبخروا في خلال 5 - 6 ايام بحد اقصى ... وكنت انا والأستاذ صلاح حكيم بنفكر في كده ولكن بما اننا وجدنا ناس تنية ادينا كلنا بنفكر بصوت واحد ..

**zakiali** · 03-02-2011 08:57 PM

فكره هاية يريت يطبق .. ليه ميكنش التانك 100 لتر مثلا شوف يكفو 3 أسابيع لشهر

**ramremo** · 04-02-2011 12:22 PM

يا جماعه هى نفس فكرة الاوانى المستطرقه يعنى هنحط كذا تانك جنب بعض ونوصل بينهم بتوصيلات بحيث لو مجموعهم 80 لتر مثلا والعوامه جت فى النص ( عوامة فى التنك الاول طبعا) يبقى عندك 40 لتر فاضلين وهكذا... لان العوامه هتعد على كل التانكات ومش التنك اللى هى فيه بس

**sayed911** · 04-02-2011 02:15 PM

طيب ما لو كانت العوامة الرئيسية في التنك الأصلي وعملنا التنك الجديد وليكن في ظهر الكنبة في آخر الشنطة من جوة ووصلناهم ببعض ما كل ما منسوب التنك الأصلي ها يقل التنك التاني ها يرمي فيه وبالطريقة دي اه نمشيها مناسيب من غير ما نعدد العوامات !!! ولكن الفكرة هيا لما ها تيجي تخط بنزين اعتقد ها تطر تفتح الشنطة عشان تملأ التنك التاني لأنه منسوبه ها يبقا اعلى من فتحة التنك اللي في جسم العربية وبالتالي البنزين مش ها يوصلوا !! ده اعتقاد ...

**yoko** · 04-02-2011 02:20 PM

يا جماعة كل الكلام ده فله وميه ميه بس حد فكر في الأمان يعني لو التنك ده سرب أو لا قدر الله حادثة هيحصل إيه؟؟؟

**yoko** · 04-02-2011 03:13 PM

ما انا بفول كل 3 أيام وأوقات يومين كمان بس عمري ما أغامر المغامرة دي لإن العربيه هتبقى قنبلة موقوتة

-

-

الموضوع: تعديل تنك البنزين !

LinkBack

أدوات الموضوع

عرض

-

-

-

-

-

المواضيع المتشابهه

تعديل تابلوه السيراتو (تعديل جديد )بالصور .موضوع 5 نجوم.

تعديل سنتافى 2013 تعديل لن تراه فى مصر

تعديل هيونداى ألنترا - كدة أحسن ولا من غير تعديل ؟

اول تعديل منى تعديل للمتسوبيشى ايفو كوبيه و اريد رائيكم فيه و شكرااا

الكلمات الدلالية لهذا الموضوع

المفضلات

المفضلات

ضوابط المشاركة