تنحـــــى الرئيـــس

**No Comment** · 02-02-2011 04:53 PM

بعد تحليل و قراءة الوضع الحالى الحادث فى ميدان التحرير وبعض المحافظات من مواجهات حامية بين مؤيدى نظام الرئيس ومعارضية ... سيكون قرار التنحى هو القرار القادم أو بعد القادم للرئيس وذلك لحفظ ماء الوجه حتى يقال انه قد تنحى حقناً لدماء مواجهات المصريين بعضهم لبعض .

أعوذ بالله من الشيطان الرجيم

{ وَيْلٌ لِّكُلِّ هُمَزَةٍ لُّمَزَةٍ * الَّذِى جَمَعَ مَالاً وَعَدَّدَهُ * يَحْسَبُ أَنَّ مَالَهُ أَخْلَدَهُ * كَلاَّ لَيُنبَذَنَّ فِى الْحُطَمَةِ * وَمَآ أَدْرَاكَ مَا الْحُطَمَةُ * نَارُ اللَّهِ الْمُوقَدَةُ * الَّتِى تَطَّلِعُ عَلَى الاْفْئِدَةِ * إِنَّهَا عَلَيْهِم مُّؤْصَدَةٌ * فِى عَمَدٍ مُّمَدَّدَةِ }

صدق الله العظيم

**FunnyMickey** · 02-02-2011 05:03 PM

+1
هوا ده القرار السليم دلوقتي

**No Comment** · 02-02-2011 05:24 PM

متهيألى الناس المدفوعة لتاييد الرئيس دول واللى متأكد بنسبة 100% أن معظمهم ما بين
- بعض الناس الموالين للحزب ... يعنى مستفيدين منه بشكل او بأخر فمن مصلحتهم انه يستمر .
- مجموعة من الوزارات والهيئات الحكومية .... ودولت رايحيين معظمهم غصب عنهم لانه بيتاخد اسماء بعضهم للترهيب .
- مجموعة مصرية خايفة على مصر من نتائج اللى حتوصله المظاهرات والاعتصمات ديت ... ودول اقلية من الناس وطبعهم يغلب علية الاستقرار المادى والمعنوى .
- مجموعة من البلطجية بشكل متجدد دائماً زى بتوع الخيالة ... ودول للاسف من كلاب النظام اللى لسة بياخدوا اوامرهم لعمل بلبلة وبلطجة غرضها بث الخوف فى المتظاهريين السلميين واهاليهم اللى بيتفرجوا عليهم فى التليفزيون علشان يقولوا ليهم ارجعوا كفاية بقى كدة .

ودول كلهم علشان يعملوا مواجهات بين معارضى ومؤيدى النظام وتكون نتائجه دموية .
فيطلع الرئيس بكرامة ويقول أنه حيتنحى حقناً للدماء وبالمرة يبقى شكله انها جت منه مش بظغوط الجماهير اللى بتطالبه بالرحيل من يوم 25 .

وربنا يســــــــــتر على مصـــــــــــــر .

**No Comment** · 02-02-2011 06:14 PM

الموضوع مش موضوع انه بيقاتل علشان يفضل على الكرسى ولا لا .... الموضوع بالنسباله دلوقتى موضوع كرامة .
يعنى كرامته نأحة عليه انه يسيب الحكم بعد 30 سنة بالطريقة دى .
هو هيمشى بس مش عاوز يمشى بالطريقة دى .... اللى زى بتاعت زين العابدين .
ودى كرامة للاسف عسكرية .... بتبقى موجودة عند كل القادة العسكريين ذو النزعة الأنوية .

**A.Saad** · 05-02-2011 06:27 PM

ويا ترى مشيانه هيفيد بأيه
وجوده هيساعد على التغيير الجاد
لو هو عايز يضرب بنار وحديد كان ضرب

**dr-mohamed** · 05-02-2011 06:32 PM

رحيل الرئيس الان كما يطالب البعض سيجعل التعديلات الدستورية تتوقف
او البديل انك تلغي الدستور وفي الحالة دي نبقي تحت حكم عسكري حقيقي
الله يهديكم اصبروا علشان التعديلات الدستورية والتشريعية تتم بشكل سليم و ده اللى لمح له احمد شفيق وعمر سليمان

اخر الاخبار طرد صفوت الشريف وجمال مبارك ومفيد شهب وزكريا عزمي من الحزب الوطني
اظن كدة الحزب الوطني الله يرحمه حصل اخوه الاتحاد الاشتراكي