قأئمـــة بأسعـــار قطـع غيــــار اللانـــــوس

**dr.s** · 20-04-2014 12:52 AM

سعر سيرفو لانوس 2002 كام لو سمحتم وبييجى جديد ولا إستيراد وازاى أتأكد انه سبب المشكلة _مفيش فرامل خالص- والمشكلة ظهرت بعد تغيير مساتر الدبرياج

**الحجـــاج** · 20-04-2014 01:44 PM

المشاركة الأصلية كتبت بواسطة dr.s

سعر سيرفو لانوس 2002 كام لو سمحتم وبييجى جديد ولا إستيراد وازاى أتأكد انه سبب المشكلة _مفيش فرامل خالص- والمشكلة ظهرت بعد تغيير مساتر الدبرياج

انا جبتو قبل كدة استراد ب 275 جنية وكان هو السبب وكانت المشكلة ان الفرامل بتحجر يعني تقيلة وفي صوت زي هوا كده او ما تدوس علي الفرامل وطبقا مبتمسكش خالص يعني دايس زي مش دايس ومعنديش فكرة الجديد بكام او في منة جديد ولالأ لاني مسألتش علية الصراحة

طالما المشكلة ظهرت بعد تغير الماستر يبقي من باب اولي قبل ما تفكر في السيرفو شيك علي الماستر الي ركب ده واتاكد من انة شغال كويس

**dr.s** · 20-04-2014 03:03 PM

المشاركة الأصلية كتبت بواسطة الحجـــاج

انا جبتو قبل كدة استراد ب 275 جنية وكان هو السبب وكانت المشكلة ان الفرامل بتحجر يعني تقيلة وفي صوت زي هوا كده او ما تدوس علي الفرامل وطبقا مبتمسكش خالص يعني دايس زي مش دايس ومعنديش فكرة الجديد بكام او في منة جديد ولالأ لاني مسألتش علية الصراحة

طالما المشكلة ظهرت بعد تغير الماستر يبقي من باب اولي قبل ما تفكر في السيرفو شيك علي الماستر الي ركب ده واتاكد من انة شغال كويس

تسلم ياباشا

**@Ahmed@** · 20-04-2014 03:37 PM

ممكن بس اعرف سعر حساس التكييف لانوس2

**mahmoud labeb** · 26-04-2014 04:31 PM

سعر طقم مساعدينkyb يابانى380جنيه

**starlanos** · 26-04-2014 11:36 PM

المشاركة الأصلية كتبت بواسطة mahmoud labeb

سعر طقم مساعدينkyb يابانى380جنيه

انا كنت جايب الخلفي ٢٥٠ مش فاكر سئلت علي الامامي بكام
الف مبروك

**starlanos** · 26-04-2014 11:38 PM

بطارية كلورايد جافة ٧٠ ب ٣٢٠ ج لسة جايبها النهاردة

**hany saeed** · 27-04-2014 03:41 PM

على فكرة سعر البطارية دى حلو جداً عن السنة اللى فاتت انا اشتريتها ب 390 + القديمة .

**hany saeed** · 27-04-2014 03:48 PM

انا يا اساتذة اللانوس لسة لاحم شرخ فى الزجاج الامامى بس مش مطمن عالشان الشرخ لسه باين بنسبة كبيره ودفعت 70 جنية على الفاضى فى حين ان الزجاج عند د/جريش ب 340 جنيه انا حاسس انى اتسؤعت
فى حد عنده تجربة فى علاج شروخ الزجاج

**Mr.Mhdy** · 27-04-2014 08:19 PM

يا اهل العلم والمعرفة اخواتنا خبراء الدايو

انا غيرت ماستر عمومى لعربيتى اللانوس 99 جبته اصلى بتاع نوبيرا 22 مم ب 520 جم وبعد ماركبت لسه مشكلة الفرامل مستمرة التيل بيقفش على الطنابير والجنوط بتولع من السخونية من اقل مشوار ده غير السحب بتاع العربية اللى فى الضياع

غيرت الميكانيكى وروحت لواحد تانى غيرلى 2 خرطوم امامى gm الخرطوم جبته ب 70 جم و قالى كاوتش مساطر العجل كويسين وحرام نغيرهم علشان بتوع الفابريكة

جربت وبرضه المشكلة قائمة -- روحت جبت سيرفو استيراد لان بصراحه الفلوس كانت بتودع جبته ب 200 جم من عند واحد فى امبابه اسمه الشيخ مكى فى شارع الوحدة

ركبنا الجديد وجربت تمام بس البدال تقيل سنه قولت امشى واخدها مشوار طويل وروحت بيها من امبابة لحد التجمع الخامس و مقولكش السحب تمام والدنيا جميله بس للاسف الفرامل فى لحظه لقيت البدال تقل اوى اوى ومش قادر افرمل لازم كانى هقوم اقف على البدال علشان العربية تقف

وش كده قولت السيرفو تعبان -- لان التيل جديد و الماستر العمومى جديد و الخراطيم الامامية جديده وكلهم متركبين امبارح اوريجنال GM -- ده غير انى بحط زيت موبيل DOT 4 .

استشارتكم ليا :-

طبعا هبدل السيرفو بواحد تانى استيراد -- بس ايه اللى ابص عليه وانا بجيب السيرفو الاستيراد ؟؟
علشان ما اجيبش واحد تعبان زى اللى لبست فيه امبارح

اسف للاطالة بس حبيت اوضح علشان اخد منكم الراى السليم الشافى الكافى