الموضوع: اعراض تلف طلمبة البنزين

بسم الله الرحمن الرحيم

ازاى اعرف ان طلمبة البنزين بايظة لان لسة اول مرة اركب اللانوس وشاكك فى حاجات وحاسس انها من الطلمبة
زى انها -سحبها ضعيف
-وتنتيش على الغيار الاول واول التانى يعنى 30 k\m فاقل
-وكمان حاسس ان الشكمان صوتة عالى وانا بكبس بس دا اكيد بعيد عن الطلمبة بس قولت اذكرها مع انى سديت اخر الشكمان والعربية مبطلتش
وشكرا واسف للاطالة

اعراض تلف طرمبه البنزين :
1 - لما تلاقى العربيه بتقطع منك فى المشى يعنى لو جيت تدوس بنزين تلاقى عاوزه تطفى او تطفى فعلا كده الطرمبه ضعفت ومش هتقوم العربية.
2 - لما تفتح الكونتتاكت قبل ماتدور بتسمع صوت زنه من الطرمبه وده طبيعى لكن بعد تشغيل للعربيه لو استمر الصوت ده كده الطرمبه باظت وغالبا الصوت ده بيكون عالى كده وتسمعه وانت بره العربيه من تاحيه اليمين .
3- ممكن تدور العربيه الصبح متلقطش معاك خالص وده حصل من 10 ايام ومكنتش عارف للحل ايه بس الحمدلله جبت طرمبه استيراد ب250 جنيه .

عاوز تتاكد العطل اللى فى للعربيه ده طرمبه ولا لا فك خرطوم البنزين اللى داخل للفلتر وطلعه بره العربيه وافتح الكونتتاكت من غير ما تدور لو اندفاع البنزين من الخرطوم قليل يبقى طرمبه ودى يعرفها الميكانيكى اكتر .

ونصيحه أبعد عن الاستيراد خااااااااااالص لأنى جبت طرمبه أستراد ومطلعه عينى خليك فى الجى أم الاصلى تقريبا سعرها 550 جنيه
أو ممكن تغير الموتور بس لو الطرمبه نفسها سليمه