هل سعر الشارك ده كويس؟؟

**khaledmekawy2008** · 09-02-2011 05:59 AM

الحمد لله لسه شاري عربية لانسر شارك مستعمله فول اوبشن ماعدا الصب والبصمة وغطاء المحرك ووصلة الaux والمواصفات دي كلها علي ما اعتقد موجودة فالكويتي ....وهي خليجي ولونها اسود ميتالك وماشية 50 الف كيلو موديل 2008 وفابريقة بره وجوه ماعدا شوية خرابيش عالكبوت والابواب لكنها مش ظاهره اوي
انا اشترتها علي 100 الف فهل كده سعرها كويس مع العلم انها كانت بتعمل الصيانة بتاعتها فالتوكيل والكوتشات لسه جديدة والاستبن لسه منزلش ؟؟؟
مع العلم اني سالت علي واحدة تانية وكانت علي 95 الف بس لونها شامبين وكانت كاملة كويتي وعاملة 60 الف كيلو فهل سعر اللي انا اشترتها مظبوط علي اساس انها لونها اسود وعدادها اقل؟؟

**kar!m** · 09-02-2011 08:20 AM

أنا شايف ان سعرها كويس .. هى العربيه دى كويسه بس مش مرغوبه أوى عشان كده فى ناس بتنزل فى سعرها .. بس السعر ده كويس.

**hossam20102010** · 09-02-2011 08:42 AM

100 ده سعر شارك 2008 اعلى فئة فتحة سقف و جميع الكماليات

لو كاملة يبقى 100 الف ده سعرها العادل

**M.Elgergawy** · 09-02-2011 11:25 PM

متهيألي غالية أوي حولي 6 الآف عن سعر السوق او يمكن اكتر

**khaledmekawy2008** · 10-02-2011 01:16 PM

المشاركة الأصلية كتبت بواسطة puyol

متهيألي غالية أوي حولي 6 الآف عن سعر السوق او يمكن اكتر

بس خد بالك ان العربية مش رشة اي حاجة واللون الاسود بيبقي اغلي من اي لون تاني كمان الاستبن لسه منزلش ولسه فيها ضمان 7 شهور وحالتها حلوة اوي بس ينقصها بعض الكماليات عن الكويتي لانها خليجي اماراتي