استسمحكم اكتوبر من شبرا بشكل عاجل جدااااا

**beshomilan** · 10-02-2011 03:27 PM

ازيكم يا اخواتى

كنت عايز اروح العنوان من دوران شبرا او من رمسيس بالعربية

16 ش اللوادر - قطعة رقم 19 - المنطقة الصناعية التالتة - 6 اكتوبر

علما بانى ضعيف فى الطرق فمعلش استسمحكم اللى يقولى يشرحلى بالتفصيل الممل جدا ويعذرنى فغبائى معلش

وعايز اعرف الطريق لهناك امان ولا فيه بلطجية فى الطرق زى مابيقولو ؟؟؟
والمنطقة اللى انا رايحها دى صحرا واحذر منها ولا امان ومليانه ناس؟؟؟
والمفروض متخطاش سرعة كام على الطريق؟؟

طب وحد ليه ملاحظات على الطريق والمنطقة؟؟ لو فيه حاجة قولولى ومتقلقوش عشان اخد بالى

معلش انا عارف ان اسالتى كتير بس انا لسة جديد فى السواقة

**beshomilan** · 11-02-2011 01:01 AM

محدش عبرنى خااااااااااالص!!!!!

**mohamed_selim** · 11-02-2011 01:08 AM

معلش الظروف مش هيه :)
حضرتك تاخد كوبرى اكتوبر و تدخل تانى يمين بعد ما تعدى من فوق رمسيس ... هتمشى فوق كوبرى 15 مايو فى اتجاه المحور و خليك دايما على الشمال
و تفضل ماشى طوالى على المحور سرعه 90 و اول ما تعدى من فوق الصحراوى السرعه 60 و تفضل ماشى هتوصل اشارة ميدان جهينه كده انت على اول اكتوبر ... اسأل هناك لأنى معنديش فكره جوه اكتوبر

**pepsi007** · 11-02-2011 01:44 AM

خلي بالك اكتوبر مش امان

**beshomilan** · 11-02-2011 12:42 PM

اشكركم بجد اوووووووى اساتذتى على ردودكم وانا عارف ان الظروف مش هية فعلا :) بس اعمل ايه غصب عنى...

بس ليه اكتوبر مش امان زى ما استاذ pepsi007 قال؟؟؟؟؟

هو الواحد ممكن فعلا يالاقى بالطجية على هيئة كماين فى السكة؟؟؟

انا رايح الاحد الساعة 11 الصبح وراجع بعديها بساعة يعنى كله فى النور ولا برضه فى مشاكل؟؟؟ ارجوكم دلونى لانى لو كده ممكن مروحش خالص

**ramremo** · 13-02-2011 01:54 AM

لو خلاص رحت وخلصت مشورارك يبقى نقولك حمد الله على السلامه اذا لسه مروحتش -- بقولك اكتوبر امان انا عايش فيها والمرور ابتدى ينزل الشوارع من 3 ايام وظباط محترمين مش زى زمان --- بعد ما توصل لنادى 6 اكتوبر ( امتداد ميدان جهينه وانت ماشى ) هتسأل على ميدان الحصرى ومنه هتفضل ماشى على طول هايقابلك اول ميدان بعده اسمه ميدان فودافون تفضل ماشى كمان هايقابلك ميدان ليلة القدر وتنزل تانى يبقى انت فى المنطقه الصناعيه ومنطقة البنوك وهناك تسال عل المنطقه او القطعه اللى انت عاوزها .. وربنا يوفقك