Kia Rio vs. FSV

**zemanovaxxx** · 10-02-2011 09:49 PM

السلام عليكم ورحمة الله وبركاته

أعضاء المنتدي الحبيب فعلا محتاج مساعدتكم
ناوي أجيب عربية في حدود ال 80000 ومحتار بين
1 - Brilliance FSV 1.5 GLS Manual
2 - Kia Rio 1600 Manual Full Options
يا ريت الناس اللي عندها العربيات دي أو حتي عندهم فكرة عن أدائها يقترح عليا مشكورا مع بيان وجهة نظره.
العربيتين كلنا سمعنا عنهم كل خير ولا غبار علي أي منهم, أنا بس عامل الموضوع عشان مساعدتكم ليا في إتخاذ القرار, لدرجة إني قررت إن أول 10 هيقولولي إشتري كذا هانزل واشتري فورا.
بس معلش ياريت بلاش عضو يقترح عليا حاجة تانية لإني فعلا مشتت ومصدقت إستقريت علي حاجتين عشان أختار م بينهم.

**M.Alaa92** · 10-02-2011 11:53 PM

بص يا باشا حضرتك اخترت عربيتين لا غبار عليهما فالبيرلنس " معلش الاملاء بعافية" من اجود السيارات الصينية فى السوق المصرية و البافارية توكيلها و الكيا برضه من العربيات التحفة
تمتاز ال fsv بكماليات قد لاتتوافر فى الريو و لكن الريو تمتاز بانتشارها النسبى و كمان من ناحية قطع الغيار" اجتهاد لانى مسالتش قبل كدة عنها" انها منتشرة نظرا لانتشارها مما يضمن لها سعر اعادة بيع جيدة مقارنة بالfsv "و الحجة دى صينى" و ده لا يعيب السيارة بل هى ثقافة مرتبطة ببعض العقول نتيجة لاستيراد سيارات على غير الجودة
اسف على الاطالة
و السلام عليكم

**zemanovaxxx** · 11-02-2011 12:55 AM

المشاركة الأصلية كتبت بواسطة M.Alaa92

بص يا باشا حضرتك اخترت عربيتين لا غبار عليهما فالبيرلنس " معلش الاملاء بعافية" من اجود السيارات الصينية فى السوق المصرية و البافارية توكيلها و الكيا برضه من العربيات التحفة
تمتاز ال fsv بكماليات قد لاتتوافر فى الريو و لكن الريو تمتاز بانتشارها النسبى و كمان من ناحية قطع الغيار" اجتهاد لانى مسالتش قبل كدة عنها" انها منتشرة نظرا لانتشارها مما يضمن لها سعر اعادة بيع جيدة مقارنة بالfsv "و الحجة دى صينى" و ده لا يعيب السيارة بل هى ثقافة مرتبطة ببعض العقول نتيجة لاستيراد سيارات على غير الجودة
اسف على الاطالة
و السلام عليكم

مـ هو ده اللي مجنني

شكرا لمرورك, بس لحد دلوقتي لا زالت الأصوات صفر لصالح البريليانس : صفر لصالح الريو

**yaso12** · 11-02-2011 11:37 PM

اركب اللى نفسك فيه اولا وثانيا سعر اعادة البيع بعد خمس سنوات مثلا سوف يكون متقارب نظرا لسمعة البرليانس الجيدة فى السوق وثالثا الكماليات الكتير فى البرليانس تخلى ركوبها مريح نفسيا اكثر وانك واخد حاجة كويسة واوبشن راقى

**zemanovaxxx** · 13-02-2011 09:23 AM

المشاركة الأصلية كتبت بواسطة yaso12

اركب اللى نفسك فيه اولا وثانيا سعر اعادة البيع بعد خمس سنوات مثلا سوف يكون متقارب نظرا لسمعة البرليانس الجيدة فى السوق وثالثا الكماليات الكتير فى البرليانس تخلى ركوبها مريح نفسيا اكثر وانك واخد حاجة كويسة واوبشن راقى

كلام مقنع وعام لكن بشكل مفصل
أنا مقتنع برأيك وإسمحلي أضم صوتك لمؤيدي البريليانس
يبقي كده 1 للبريليانس : صفر للريو
شكرا لإهتمامك