الى الخبراء واهل الثقة ..... افيدونىىىىىىىىىىىىىى

**tom_gr** · 14-02-2011 03:21 PM

معايا عربية مازدا 323 موديل 82
العربية ظهر فيها عيب خطير جداااا كان هايهدد حياتى اكتر من مرة

العربية بتعوم بطريقه خطيرة جداااااااااااا على السرعات البطيئة حتى
ولو حصل ودخل يادوب نقرة بسيطة الاقى العربية تحدف يمين وشمال اكنها مركبة بالظبط

اما بقى لو حصل ودخلت فى ارض عليها رملة او حصى صغير او مياه الاقى العربية اكنها بتتزحلق مع نفسها وبسيطر عليها بصعوبة

وديتها عند 2 عفشجية

الاول قالى ان الشاسيه فيه لحمات مفكوكة ولازم تتعمل وان دراعات الاسكاتره لازم تتخير وجلب المقصات كمان
غيرتهم وعملت اللحمات الى قال عليها

العيب فضل زى ماهو بكل اسف ولم استفيد غير انى دفعت فلوس سواء قطع غيار ( مش مشكله اهى اتحطط فى العربية ) المصنعية ( مبالغ فيها جداااااااا ) ربنا ياخدلى حقى منه ويعوضنى لو كان ضحك عليا

تانى عفشجى قالى ان الاسكاتره نفسها عاوزلها جلب داخليه وتتشحم كمان

العيب زى ماهو

مش عارف اعمل ايه تانى بجد والاهم ان انا محتاج العربية فى مشاوير كتير وسفر كتير لزوم الشغل ونفس الوقت وانا سايقها بكون خاييييييييف جدااااااااااااا واعصابى مشدودة ولما انزل منها اكنى كان عليا ضغط عصبى هائل

افيدونى افادكم الله

العيب ده ممكن يكون من ايه ؟

**ahmed_h_g** · 15-02-2011 07:47 PM

العيب مش هيتعرف غير لما يتكشف عالعربية
روح لعفشجى فاهم

**tom_gr** · 16-02-2011 12:35 PM

مهو انا ذكرت يا جماعة انى وديتها لاتنين قبل كده

مهو لو انا اعرف واحد عنده العيب بتاعى وعرف ايه هو العيب

هاروح للعفشجى واقوله شوف كذا او شوف كذا الصنايعية دلوقتى حسبى الله ونعم الوكيل

**mahamede** · 17-02-2011 11:03 PM

المشاركة الأصلية كتبت بواسطة tom_gr

معايا عربية مازدا 323 موديل 82
العربية ظهر فيها عيب خطير جداااا كان هايهدد حياتى اكتر من مرة

العربية بتعوم بطريقه خطيرة جداااااااااااا على السرعات البطيئة حتى
ولو حصل ودخل يادوب نقرة بسيطة الاقى العربية تحدف يمين وشمال اكنها مركبة بالظبط

اما بقى لو حصل ودخلت فى ارض عليها رملة او حصى صغير او مياه الاقى العربية اكنها بتتزحلق مع نفسها وبسيطر عليها بصعوبة

وديتها عند 2 عفشجية

الاول قالى ان الشاسيه فيه لحمات مفكوكة ولازم تتعمل وان دراعات الاسكاتره لازم تتخير وجلب المقصات كمان
غيرتهم وعملت اللحمات الى قال عليها

العيب فضل زى ماهو بكل اسف ولم استفيد غير انى دفعت فلوس سواء قطع غيار ( مش مشكله اهى اتحطط فى العربية ) المصنعية ( مبالغ فيها جداااااااا ) ربنا ياخدلى حقى منه ويعوضنى لو كان ضحك عليا

تانى عفشجى قالى ان الاسكاتره نفسها عاوزلها جلب داخليه وتتشحم كمان

العيب زى ماهو

مش عارف اعمل ايه تانى بجد والاهم ان انا محتاج العربية فى مشاوير كتير وسفر كتير لزوم الشغل ونفس الوقت وانا سايقها بكون خاييييييييف جدااااااااااااا واعصابى مشدودة ولما انزل منها اكنى كان عليا ضغط عصبى هائل

افيدونى افادكم الله

العيب ده ممكن يكون من ايه ؟

أخى العزيز مشكلتك واضحة زى الشمس أنتا محتاج تغير علبة الدركسيون ( الاسكترة ) وبعدها العربية هتبقى تمام معاك وهتحتاج ميكانيكى لتركيبها وليس عفشجى , ولابد من الاسراع فى تغيرها لان البوش اللى فيها ده وبيخليها تعوم بيعمل على تآكل الكاوتش . تحياتى : محمد سمير .

**aYaBooY** · 18-02-2011 12:11 AM

العومان ليه سببين
1. جلب مقصات
2. سوء حالة علبة الدركسيون و ملحقاتها

**tom_gr** · 18-02-2011 02:54 AM

شاكر ليكم مساعدتكم ليا

ليكم الف الف الف شكر

وشكلى فعلا هاغير الاسكاترة كلها وهاجيبها جديده كمان وامرى لله مع انها غاليه
بس المهم العيب يروح علشان بحتاجاها كتير فى مشاوير مسافات كبيره وغالبا بكون لوحدى فاعاوز احس بالامان وانا ماشى

دعواتكم ليا

**mahamede** · 18-02-2011 03:01 AM

المشاركة الأصلية كتبت بواسطة tom_gr

شاكر ليكم مساعدتكم ليا

ليكم الف الف الف شكر

وشكلى فعلا هاغير الاسكاترة كلها وهاجيبها جديده كمان وامرى لله مع انها غاليه
بس المهم العيب يروح علشان بحتاجاها كتير فى مشاوير مسافات كبيره وغالبا بكون لوحدى فاعاوز احس بالامان وانا ماشى

دعواتكم ليا

ربنا يوفقك فى تركيبها وتبقى العربية زى الفل ان شاء الله . وانا بقترح ليك أنك تروح عزبة شلبى أولا ثم الحرفيين ثانيا وأنتا ان شاء الله هتلاقيها فى حتة من الاتنين دول بس تتفق مع ميكانيكى الأول وتخده معاك وأنتا بتشترى .

**tom_gr** · 21-02-2011 01:04 AM

شكرا ليك محمد جدا جدا

بس انا فى اسكندرية دلوقتى ولمده كبيرة

انا نزلت سالت عليها امبارح لقيتها ب 360 جنيه جديدة وكاملة بيقولى صناعة تايوانى والله اعلم طبعا

وسلمت امرى لله وقت اشتريها الباشا بعت ييجبها من المخزن قالوله دى مش موجوده دلوقتى

وقالى اصبر يومين واجبهالك المشكلة انى متعطل بسببها جدااااااااااااااااااااا ونفس الوقت خايف امشى بالعربية كده

ربنا يسهل بقى

**mahamede** · 21-02-2011 01:35 AM

المشاركة الأصلية كتبت بواسطة tom_gr

شكرا ليك محمد جدا جدا

بس انا فى اسكندرية دلوقتى ولمده كبيرة

انا نزلت سالت عليها امبارح لقيتها ب 360 جنيه جديدة وكاملة بيقولى صناعة تايوانى والله اعلم طبعا

وسلمت امرى لله وقت اشتريها الباشا بعت ييجبها من المخزن قالوله دى مش موجوده دلوقتى

وقالى اصبر يومين واجبهالك المشكلة انى متعطل بسببها جدااااااااااااااااااااا ونفس الوقت خايف امشى بالعربية كده

ربنا يسهل بقى

أخى العزيز , أنا راجل فى السوق وفاهم , بس من الأفضل ليك متجبش أسكاترة جديدة لأنها بتكون مضروبة وبتبقى مطبوخة , وأنا شفت عملية طبخ القطع الغيار كتير قدام عينى . أنتا من الأفضل تشتريها من نص أمامى متقطع وبتكون أصلية يابانى وده غالبا تجيبه من القاهرة من حتة من الاتنين اللى قولتلك عليهم . وأنا لسة والدى جايب اسكاترة من الحرفيين من نص استيراد وركبناها وزى الفل , بس بتاعت اللانسر بتبقى عاملة 1500 بس عشان الراجل تباعنا وخالى ليه محلات هناك وعارف الراجل ده خدناه ب 1000 وكان اسمه الحاج صبرى وده معروف فى الحرفيين وركبناها هناك عند ميكانيكى معرفة اسمه وجدى والعملية بقت زى الفل . وأرجو أنك تستفيد من نصيحتى وتجيب اسكاترة من نص امامى استيراد بدل التايوانى المضروب اللى هيتعبك , وفى مكان تالت ممكن تلاقى فيه انصاص قديم استيراد وده يبقى فى وكالة البلح الجزء بتاع العربيات . وأتمنى لك التوفيق . تحياتى لك : محمد كابو .