استفسار لكل الناس الى عندها جولف 2

**dabosh** · 15-02-2011 01:49 PM

بسم الله الرحمن الرحيم وبه نستعين ولا حول ولا قوه الا بالله العلى العظيم

ياجماعه انا عايزكم تساعدونى انا عايز اشترى مساعدين حلوه للعربيه كل لما اروح لحد بتاع قطع غيار يقولى راى شكل غير الميكانيكى بيقولى هاتى المساعدين البرازيلى علشان هى احسن نوع وفى ناس بتقولى هات الالمانى بس بتوع فطع الغيار بيقولى الامانى مش اصلى الى فى مصر ياجماعه من فضلكم لو حد عنده خلفيه او غير مساعدين وجاب مساعدين ممتازه يقولى منين وبكام واسمها ايه علشان عايز اغير المساعدين ضرورى عندى مساعد امامى ضارب خالص ومبرجل العربيه وبيعمل صوت وعايز ارتاح من قصه المساعدين دى
وربنا يكرمكو

**dabosh** · 16-02-2011 01:37 PM

ايه ياجماعه هو مفيش حد راكب جولف 2 غيرى ولا ايه؟؟؟ الرجاله فين!!

**Abody1985** · 19-02-2011 12:59 PM

يا باشا عليك وعلى الاستيراد ويا سلام لو اشتريتهم من حد انت واثق فيه او الميكانكي نفسه نزل معاك الحرفيين اشتراهم يبقى فعلا تمام يعرهم بيعمل من 250 ل 300 بالسوست كمان

**behman** · 28-02-2011 05:00 PM

هات جوز مساعدين بالسوست بالبطاحات و التيل و الديسك و الكليبر و الشمعدان .... كل ده استيراد ب 500 جنيه تقريبا

**aid904** · 04-03-2011 10:01 PM

انا جبت بلشتين ألماني من سنه ونص تقريبا في حدود ال 480 -500 الجوز بس هما تمام لكن ناشفين شويه . بصراحه مجربتش الاستيراد لاني محبتش أروح الحرفيين لاني معنديش خبرة . لكن أصحاب الخبرة بردة نصحوني بالاستيراد

**ata7daki** · 29-03-2011 01:28 AM

و اللة انا اخترت برضوا فالموضوع ده ،، ركبت مونرو جاب زيت ،،، ركبت مايلي طلعوا ناشفين فالاخر العفشجي جابلي جوز من اللي بيتملوا دول ب 220 جنية و الحمد لله احسن