الله ينور يا سبعاوى و ربنا يباركلك فيها ... بس أرجو انك تكمل جميلك و تكتب الفرق بين الموديل الـ ex و الموديلين الآخرين
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
معلومات خاصة بالأداء:
المحرك:1600 سى سى، ثنائى الكامة ذو 16 صباب
تغذية الوقود: حقن إلكترونى متعدد النقاط(رشاشات ووحدة كومبيوتر)
نظام الإشعال: شمعات احتراق(بوجيهات) ذات ملفات رفع جهد منفصلة لكل شمعة( كل بوجيه له بوبينة صغيرة لوحده)
القدرة الفعالة: 108 حصان( البياعين بيقولو 118 بس الرقم اللى هم بيقولوه دا قدرة خرج المحرك اللى بيروح منها جزء فى نظام الجر)
نظام الجر: ناقل حركة يدوى ذو خمسة سرعات امامية وواحدة خلفية، او اوتوماتيك ذو اربعة سرعات امامية وواحدة خلفية، الجر أمامى باستخدام محرك مثبت بعرض السيارة، وناقل حركة مزود بعلبة تروس تفاضلية(كورونا) فى علبة واحدة مع ناقل الحركة، وعمودين جر غير متساوييى الطول ووصلات سرعة ثابتة (كبالن) (ببساطة هذا الكلام هو اللى موجود فى كل سيارات الجر الامامى)
نظام التعليق: مكفرسون ذو نوابض حلزونية(سوست) وروادع ارتجاج(مساعيدن) وقضبان توجيه(مقصات) وقضيب منع الإنقلاب(ميزان)) من الأمام، وروادع ارتجاج ونوابض حلزونية ووصلة تعليق متعددة النقاط فى الخلف
نظام التوجيه: علبة التوجيه من نوع الجريدة والبنيون مزوة بدعم التوجيه الآلى(باور ستيرنج) يشمل بالإضافة للعلبة مضخة زيت وخزان الزيت
طول السيارة: 450 سم
عرض السيارة: 170 سم
اقل ارتفاع عن الأرض: 18 سم
حجم الشنطة الخلفية: 450 لتر تقريبا
الوزن الفارغ:1180 كجم
السرعة القصوى 180 كم /ساعة تقريبا
ملامح عن أداء السيارة:
تسارع السيارة ممتاز من السكون الى السرعات المتوسطة(حتى 50 او 60 ك/ساعة) تقل كفائة التسارع من 60 الى 100 الى حد ما ثم تتحسن بشدة بعد 100 ك/ساعة
افضل مساحة لاداء المحرك هى 3500 الى 4500 RPM
المحرك صوته مرتفع الى حد ما اثناء التسارع، لكن فى السرعات الثابتة لا صوت له،حتى على السرعات العالية لا صوت له طالما انت ماشى على سرعة ثابتة مش بتكبس
الثبات ممتاز على كل السرعات، مع ملاحظة انه تحسن جدا بعد تليين السيارة، بتاخد بيها غرز على 130-140 ك/ساعة بكل اطمئنان، العفشة ذات طابع رياضى، يدعم الثبات على الأرض على حساب تخفيف الصدمات عن الركاب
ادوات السيارة مريحة جدا فى التعامل وموضوعة فى اماكن تسهل استخدامها تماما، الرؤية الأمامية والخلفية معقولة جدا، يعيبها فقط عدم امكانيه رؤية نهاية الكبوت نظرا لطول السيارة وشكل انحاناءتها
الكراسى الامامية مريحة جدا وقابلة للتعديل لكافة احجام السائق، يعيب الصالون ضيق مسافة الأقدام بين الكنبة الخلفية والكرسى الامامى
المكونات المصرية فى السيارة: الموكيت، الكراسى، الزجاج، الكاسيت والسماعات، كاوتش الأبواب، الخراطيم، ضفيرة الكهرباء، الردياتير، البطارية ، الشكمان
كماليات السيارة: (الحديث هنا عن الموديل ex-saloon ): عدد4 زجاج كهرباء مع تحكم من باب السائق او الأبواب الجانبية مع زر فى باب الساق يلغى تحكم الأبواب الجانبية، سنترال لوك مع زر اضافى فى باب السائق يسمح بغلق الثلاثة ابواب الأخرى وابقاء باب السائق مفتوح، مرايات كهرباء، فتح الشنطة من داخل السيارة او من الريموت كونترول كهربائيا، فتح التنك من الداخل(شداد)، رفع وخفض الديريكسيون، رفع وخفض نقطة تعليق احزمة الامان، مكيف باربعة سرعات، عداد كيلومتر ديجيتال مع عدادين رحلات، عداد RPM، ساعة ديجيتال فى التابلوه، امكانية التحكم فى زيادة او انقاص السرعة البطيئة للمساحات الامامية، سلك إزالة الشبورة على الزجاج الخلفى،ايرباج امام السائق،حامل أكواب، باور ستيرنج، كاسيت و4 سماعات، مقابض خارجية نيكل،إنذار وريموت كونترول
الألوان المتاحة للسيارة: فضى، ذهبى، نبيتى ميتاليك، ابيض،جنزارى غامق ميتاليك
مميزات اعجبتنى فى السيارة:
قضيب حماية محترم اسفل المحرك ، وصلة تعليق العفشة الخلفية مميزة تماما عن السيارات المماثلة،لا توجد بها قطعة البلاستيك التى ابتلانا بها كل صناع السيارات الجديدة والتى تغطى المحرك وتعيق اى صيانات ولا هدف من ورائها سوى اضفاء منظر حديث على المحرك، إطارات بريدجستون يابانى 15 بوصة، التابلوه انيق جدا متعدد الألوان وخصوصا البيج ، نسب تخفيض الجيربوكس ممتازة(الموتور بيكون 3000RPM لما العربية بتكون ماشية 120 كم/ساعة) ، اماكن تخزين متعددة بالتابلوه
اشياء لم تعجبنى فى السيارة:
الصاج الخارجى خفيف زى كل اليابانى (نفس صاج اللانسر والكورولا)، المفتاح مش بيخرج من الكونتاكت غير والفتيس على وضع البارك(بالنسبة للأوتوماتيك فقط)، استهلاك البنزين عالى شوية(مع ملاحظة ان سيارتى اوتوماتيك)بتعمل ال 200 جوة البلد بالعافية،الكاسيت صوته عادى جدا، الإيريال يدوى،الكنبة الخلفية مافيهاش مخدع، لما بيكون راكب معايا واحد قدام و 2 ورا الشكمان بيحك فى المطبات ، بس برضه انا لما شفت العربية وهى مرفوعة مقلقتش من الحك لأن الشكمان هو اللى بيحك وهو متركب على حوامل كاوتش بتاخد وتدى، صوت الهواء اسفل السيارة يكون مسموع فى السراعت العالية(بعد 110 )
سبعاوى
_______________________________________________
رقم العضوية : 37
تاريخ التسجيل : 17Apr2007
المشاركات : 902
النوع : ذكر
الاقامة : الاسكندرية
السيارة: Fiat Brava
السيارة[2]: Honda City 1.5
دراجة بخارية: None
الحالة :
الله ينور يا سبعاوى و ربنا يباركلك فيها ... بس أرجو انك تكمل جميلك و تكتب الفرق بين الموديل الـ ex و الموديلين الآخرين
الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
الف شكر يا استاذ سبعاوى و ربنا يباركلك فيها
بس فعلا كنت عاوز اعرف الفرق بين EX SALOON و SUPER SALOON
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 117
تاريخ التسجيل : 23Apr2007
المشاركات : 69
النوع : ذكر
الاقامة : dubai
السيارة: كامرى
السيارة[2]: صنى
دراجة بخارية: دراجة نارية
الحالة :
استاذ سبعاوى المكونات المصريه فى الصنى حسب ما ذكرتها هل من الممكن ان تساوى 45% من ثمن السياره ولا فى مكونات مصريه اخرى مثل جسم السياره مثلا
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
على فكرة حكاية ال45% دى خمة كبيرة جدا
مافيش شركة بتكمل ال45% من مكونات السيارة مصرى ولا حتى شركة النصر
يعنى احنا لو حسبناها بالنسبة للسيارة الشاهين اللى انا فكيتها حته حته ممكن اقول لك على المكونات المصرية اللى فيها اللى لو اتشالت واتهبدت لا يمكن تكمل 45%
يعنى فى الشاهين كانت المكونات المصرية هى: الزجاج، الموكيت، الكراسى، جزء من فرش الأبواب،فرش السقف، كاوتش الأبواب، الخراطيم، الضفيرة، الشكمان،البطارية ، كارتيرات الرفرف البلاستيك، الباكتات الجانبية،تانك البنزين ،الإطارات النسر عار الصناعة المصرية
فى الشاهين كل المكونات الآتية كانت تركى: المحرك، الجيربوكس، عمود الكردان والكورونا واعمدة الجر، كل العفشة، كل الطنابير بملحقاتها الصاج بالكامل، الشاسيه بالكامل، كل الفوانيس، كل الإكصدامات، الشبكة الامامية والخلفية، المساعدين، كل بلاستيكات المحرك(قربة المياه، قربة المطر الخ) كل تغذيات المحرك(كاربراتير دينامو اسبراتير الخ) كل بلاستيكات الصالون، التابلوه بالدريريكسيون بعداداته، دوسات البنزين والفرامل والدبرياج،
طب بذمتك ، دا احنا حتى لو شلنا الموتور والجيربوكس برضه اللى فاضل تركى هايكون اكتر من 55% قصاد المصر اللى مفروض يكون 45% ودى اسمها الشاهين بتاعة شركة النصر
يبقى 45% ايه اللى هتتكلم عليها فى النيسان
الموضوع يتم تسويته بطريقة أخرى عن طريق شراء المكونات المستوردة من مستوردين آخرين داخل مصر بالعملة المحلية واثباتها بفواتير بالجنيه المصرى وتبقى كدة اتسوت واتظبتت 45% ، ويطلع المسئول الفخم فى التلافازيون يقول عندنا 45% مكون محلى
ياراجل دا احنا بنعمل رفرف ال127 بالعافية ومصنع واحد بس فى مصر اللى بيعمله اسمه مشمش، ولما حصل فى وقت من الأوقات ان اسطمبة رفرف ال127 اليمين اللى عند مشمش انكسرت بقى العثور على رفرف 127 اصعب من الحصول على كيلو هيروين
تقوللى النيسان جسمها بيتصنع فى مصر؟ ساعتها ولا كنت هاحط فيها قرش صاغ، كلها كراتين جاية من برة وكل شغلة المصنع هنا هو التقفيل والدهان، والعبرة بالمصنع اللى عنده كواليتى كويسة فى اللحامات والدهانات، لكن حكاية ان العربية بيتعمل فيها 45% هنا دى، معلش، إنسى، دا كلام لصفحة الصناعة فى الأهرا وخلاص
سبعاوى
سبعاوى
_______________________________________________
رقم العضوية : 117
تاريخ التسجيل : 23Apr2007
المشاركات : 69
النوع : ذكر
الاقامة : dubai
السيارة: كامرى
السيارة[2]: صنى
دراجة بخارية: دراجة نارية
الحالة :
شكرا ياستاذ سبعاوعى على التوضيح بس لانى كنت مستغرب حكايه 45% وطيب مش ممكن مثلا يرفعوا قيمه المكونات المصريه ويقللوا قيمه المكونات المستورده علشان يوصلو لنسبه 45% يعنى على سبيل المثال عند تقديم بيانتهم لوزاره الصناعه يقولوا ان الكراسى مثلا قيمتها 7000 جنيه بدلا من قيمتها الفعليه ولتكن 2000 جنيه وان ثمن الماتور مثلا 8000 جنيه بدلا من قيمته الفعليه وهى 15000 جنيه وبالطريقه يرفعوا نسبه المكون المصرى تفتكر ممكن حاجه زى كده ممكن تتعمل ولا ايه رايك
رقم العضوية : 475
تاريخ التسجيل : 05May2007
المشاركات : 8,407
النوع : ذكر
الاقامة : الأسكندرية
السيارة: I30 & Megane estate
السيارة[2]: E36 Coupe 328i
دراجة بخارية: .
الحالة :
شكرا على التوضيح
الحمد لله[sor2]http://farm3.static.flickr.com/2639/3939929853_4547d6e150.jpg[/sor2]
رقم العضوية : 305
تاريخ التسجيل : 28Apr2007
المشاركات : 591
النوع : ذكر
الاقامة : cairo
السيارة: 206
السيارة[2]: 406
دراجة بخارية: لا
الحالة :
ماشاء الله الصنى عموما عربية جميلة ربنا يباركلك فيها يا باشا.
بس كان عندى استفسار بالنسبة لموضع المفتاح هو غالبا كل الاوتوماتيك الى ركبته المفتاح مش بيخرج الا وهى على البارك
ليا صديق معاه صنى 2002 هى ماشاء الله حلوة وسقتها كتير عربية ناعمة وجميلة رغم انها 1300 مش 1600 وبرضه المفتاح مش بيخرج الا وهى على البارك بس ممكن تمور العربية بعد ماتشيل المفتاح بتدوس على زرار احمر تحت فى الفتيس مع زرار الفتيس فى نفس الوقت وتجيبها على ال n .
ياترى حضرتك تقصد انها مش بتمور فعلا ولا بس انه مش بيخرج الا على البارك وهل الحركة بتاعة الفتيس اللى انا قلت عليها دى مش موجودة فى ال 2007 ؟
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
الزرار الأحمر موجود وممكن تمورها فعلا، بس فى بلد زى بلدنا بتحتاج تمور العربية كتير ، فبستعمل الزرار الأحمر دة كتير مع انه مفروض انه معمول للطوارئ بس
سبعاوى
سبعاوى
_______________________________________________
رقم العضوية : 305
تاريخ التسجيل : 28Apr2007
المشاركات : 591
النوع : ذكر
الاقامة : cairo
السيارة: 206
السيارة[2]: 406
دراجة بخارية: لا
الحالة :
يعنى العيب فينا مش فى اللى عملوا العربية .
عموما رضا احسن من مفيش فى عربيات مفيهاش الزرار ده اساسا.
المفضلات