محتاج مساعدة اخواني الوحوش - لمبة abs

**Mohd_Adel_Amin** · 21-02-2011 08:18 PM

السلام عليكم ورحمة الله وبركاته

ازيكم يا جماعة يا رب تكونو بخير وصحة , كان نفسنا نشوفكم في المقابلة اللي لم تتم بسبب الثورة بس تتعوض بإذن الله ..

انا غيرت الطنابير الخلفية عندي بطنابير رمسا الاسباني , بس للأسف الشديد مكانش عندي وقت اروح لميكانيكي رينو وغيرتها عند ميكانيكي جنب الشغل (بس المفروض انه بيفهم ومتخصص في المرسيدس!)
وتم التغيير كالتالي : بعد ما فك الطنابير القديمة فك البلية منها عن طريق مكبس هيدروليك وركب البلية في الجديدة وبعدين غسل مكان الطنابير بالبنزين و كان فيه كابل مش عارف هو بتاع ايه بيمسك في التيل وآخره حاجة زي ترس (فيه شبه من الموجودة في الصورة) ربطه بالمفتاح , وبعدين ركب الطنابير.

لاحظت بعد التركيب ان لمبة ال abs نورت قالي ان ده بسبب البنزين وان مع الوقت هتطفي بس بقالي يوم كامل على كده ولسه مطفتش مع العلم ان الفرامل شغالة كويس جدا ومفيهاش اي مشاكل ..

هل كده يكون حصل حاجة في حساس ال abs ولا الموضوع محتاج reset للكمبيوتر , وهل لو كان فعلا محتاج كده ممكن يكون عن طريق فصل البطارية ووصلها ثاني ولا لازم جهاز كشف الاعطال ؟؟

معلش طولت عليكم بس حبيت اوضح الصورة ليكم بالضبط, انا دلوقتي فعلا ندمان اني مرحتش لميكانيكي رينو من الأول عموما حصل خير , في انتظار رأيكم ..

**karimooo** · 22-02-2011 12:35 AM

جرب تدوس فرامل جامد في رمل او مية لو حسيت بتخبيط دواسة الفرامل تحت رجلك يبقي الabs شغال لازم في كلتا الحالتين تكشف بالجهاز

**SoFiMaN** · 22-02-2011 12:43 AM

المشاركة الأصلية كتبت بواسطة karimooo

جرب تدوس فرامل جامد في رمل او مية لو حسيت بتخبيط دواسة الفرامل تحت رجلك يبقي الabs شغال لازم في كلتا الحالتين تكشف بالجهاز

نفس الرد اللي كنت هقوله لحضرتك.. مع اني مش عارف ايه ميكانيزم الموضوع ده يعني مش فاهم ليه الفرامل تحس ان فيها تخبيط بتحصل لدرجة اني في الاول شكيت ان عندي حاجة بايظة لولا الاخوان هنا كتر خيرهم قالولي ده الايه بي اس.

**Ahmed Selim** · 22-02-2011 08:08 AM

جرب زى ما العضو قالك و برضه لازم كشف عند حد فاهم رينو و يفضل يكون عنده كمبيوتر.

هو ممكن يكون نسى يركب الحساس فى مكانه.

**momo10000** · 23-02-2011 12:05 AM

مدام اللمبه منوره يبقي abs مش شغال

اي حد ( بتاع رينو ) يتاكد من تركيبه ويفضل ينظفه ب سبراي كهرباء ويركبه تاني.

سهله يا عم محمد.

**Mohd_Adel_Amin** · 23-02-2011 06:40 AM

المشاركة الأصلية كتبت بواسطة momo10000

مدام اللمبه منوره يبقي abs مش شغال

اي حد ( بتاع رينو ) يتاكد من تركيبه ويفضل ينظفه ب سبراي كهرباء ويركبه تاني.

سهله يا عم محمد.

متشكر يا أيمون , طمنتني , بإذن الله النهارده هيتم زي ما قلت واطمنكم .

**Mohd_Adel_Amin** · 01-03-2011 01:00 AM

الحمد لله رحت النهارده لميكانيكي رينو وطلعت المشكلة ان الطنابير القديمة كان فيها حلقة مش عارف اسمها بصراحة مش موجودة في الجديدة , وبالتالي تم فك الحلقة من القديمة والتركيب في الجديدة و فورا طفت اللمبة ,
بالمناسبة الحمد لله غيرت النهارده البطارية وحسيت بفرق ملحوظ في نعومة الفتيس ..

**ISLAMNOSSIR** · 04-03-2011 11:38 AM

المشاركة الأصلية كتبت بواسطة mohd_adel_amin

الحمد لله رحت النهارده لميكانيكي رينو وطلعت المشكلة ان الطنابير القديمة كان فيها حلقة مش عارف اسمها بصراحة مش موجودة في الجديدة , وبالتالي تم فك الحلقة من القديمة والتركيب في الجديدة و فورا طفت اللمبة ,
بالمناسبة الحمد لله غيرت النهارده البطارية وحسيت بفرق ملحوظ في نعومة الفتيس ..

يا ريت يا باشا تعرفنى مكان الحلقه دى عشان انا فى نفس المشكله

**Mohd_Adel_Amin** · 04-03-2011 11:30 PM

المشاركة الأصلية كتبت بواسطة islamnossir

يا ريت يا باشا تعرفنى مكان الحلقه دى عشان انا فى نفس المشكله

بص حضرتك لما تيجي تطلع البلية من الطنبورة هتلاقي الحلقة دي حوالين المكان بتاع البلية , المفروض انها بيدق عليها بمفك علشان تطلعها الأول وبعدين تطلع البلية من الطنبورة بمكبس هيدروليك وترجع تركبها في الجديدة , يعني الحلقة دي بتبقى اول حاجة بتتفك من القديمة وآخر حاجة بتركب في الجديدة ..

يا رب اكون قدرت افيدك ..

-

الموضوع: محتاج مساعدة اخواني الوحوش - لمبة abs

LinkBack

أدوات الموضوع

عرض

محتاج مساعدة اخواني الوحوش - لمبة abs - انشر الموضوع فى :

-

-

-

-

-

-

المواضيع المتشابهه

محتاج رأى الوحوش

عضو جديد و محتاج مساعدة من الوحوش

مساعدة عاجلة من اخواني في المنتدي

محتاج مساعدة من كل الوحوش ومناقشة حرة عامة واقفوا جنب اخوكم ؟

شوية اكسسوارات للياريس ... و محتاج مساعدة من الوحوش

الكلمات الدلالية لهذا الموضوع

المفضلات

المفضلات

ضوابط المشاركة