الموضوع: الدايو اليجانزا

انا كنت عايز أسال عن العربية الدايو ليجانزا هي حلوة ولا لا و كمان قطع غيارها و سعرها و ثبتها و تكلفنها في البنزين و كل حاجة عنها فممكن المساعدة و ياريت كمان سعرها كام

المشاركة الأصلية كتبت بواسطة ramez0000

انا كنت عايز أسال عن العربية الدايو ليجانزا هي حلوة ولا لا و كمان قطع غيارها و سعرها و ثبتها و تكلفنها في البنزين و كل حاجة عنها فممكن المساعدة و ياريت كمان سعرها كام

لو كانت النوبيرا هي بيجو الدايو او اسد الدايو
تبقي الليجانزا مرسيدس الدايو و ممكن تقول مرسيدس الكوري كلة
قطع غيارها معقولة معظمها قريبة من النوبيرا و هناك بعض القطع النادرة زي الفوانيس و الحاجات المختلفة عن اختها الصغري النوبيرا
ثباتها جامد جدا خد ملفات علي 180 كيلو و ميهمكش
السعر العربية دي مظلومة جدا في سعرها بالنسبة لأمكانيتها هتلاقية بيلعب في الخمسينات حسب الحالة
استهلاكها قريب جدا من النوبيرا ممكن يكون زية بالضبط
نصائح عامة
يفضل قبل شراء العربية رفعها في بنزينة و الكشف عليها بالكومبيوترو الكشف علي الصاج لمعرفة نسبة تأثير الحوادث اللي كلتها العربية من يوم ما جت و حط في اعتبارك انة مفيش عربية اسمها فبريكة بس في عربية اسمها متحافظ عليها زي الفبريكة
بعد الشراء يفضل تغيير كل ماهو جلد في العفشة و العجل طبعا و الأطمئنان علي حالة الفرامل و تغيير الرشاشات اذا لزم الامر و تركيب بوجيهات بلاتينيوم برقم يبدأ ب bkr5e
وبعد كدة اطلع قفل امبيرك يامعلم