الموضوع: أنا المجد

طبعا أنا عارف إن اللي اتفرج عالخطاب بتاع القذافي جاله شلل أو ضغطه علي وراح المستشفى أو لاقدر الله جراله حاجة تانية

عشان كده أنا هاقول للشوية اللي فاضلين فالمنتدى بصحتهم. شوية من مضمون الخطاب على قد مافهمت

* أنا المجد الذي لا يتخلوا عنه أحد لا ليبيا ولا الدول العربية ولا الاسلامية ولا الافريقية ولا امريكا اللاتينية
*أنا لو الرئيس كنت رميت استقالتي فورا في وش هؤلاء الجرذان
*أنا لم استعمل القوة حتى الآن ولم أمر بستعملها
*كنتوا فين يامقملين" ياللي عندكم قمل" لما قمت بالثورة
*المصريين والتونسى هم اللي بيده الشباب حبوب عشان يعملوا ثورة
*أنا الذي حارب امريكا وبريطانيا وايطاليا والسادات وبرقيبة "السادات إيه ده بعتلك شوية من الجيش لحد بني غازي ملقوش حد يستقبلهم السادات الهم ارجعوا "
*أنا الليي عدى من فوق العرب كلهم 170 طيارة عشان تدق الخيمة بتاعتي وماحدش منهم اتكلم
*القذافي مش هيهرب أنا ما عنديش قصور أنا معنديش إلا البندقية بتاعتي بس وهادافع بيها عن نفسي لاخر مش عارف إيه كده

*أنا المجد أنا الثورة أنا كل حاجة فالبتنجان

ملاحظات
-الراجل أصلا مش هو الحاكم هو سايب كل الناس تحكم نفسها بنفسها وخلاص عن طريق حاجة اسمها الشعبية
أنا مش عارف هو بيعمل إيه يعني إيه ماهم وظيفته يخطب بس ؟؟؟
-الراجل متصور إن الثورة اللي هناك دلوقتي امتداد لثورته من 40 سنة
-مش مصدق إن فيه حاجة ضده وفعلا متخيل إنهم 100 واحد بس


ماحدش فيكم شافه وهو بيقول بيتين الشعر ؟؟
واللهِ خراب

آه متنسوش عايزين نعمل موضوع "الراجل اللي كان بيعدي ورا القذافي ويجيبله الورق"

أجمد حته في الخطاب لما مرة واحدة سخن و قاعد يصرخ

هذا وقت الزحف...هذا وقت النصر....لا تراجع...الي الاماااام....الي الأماااام