افيدوني لانسر ولا صني

**medociv** · 22-02-2011 11:56 PM

بسم الله الرحمن الرحيم
السلام عليكم ورحمة الله وبركاته
كنت فتحت هذ الموضوع في قسم ميسوبيشي بس قلت افتحه هنا افضل عشان كله يفيد
انا محتار مابين الصني اوتو abs وما بين ميتسوبيشي لانسر اوتو كلاسيك خليجي كويتي من غير abs وكيل بالضمان (سمارت كار)
الصني 93 الف - اللانسر 112
اجيب صني ولا لانسر ؟ وهل سعر اللانسر كويس ولا مبالغ فيه؟ (وانا شايف ان فرق ال 20 الف برضه كبير)
وهل ممكن اسعار اللانسر تنزل؟
وهل اشتري اليومين دول ولا استنى لما الدنيا تهدي قد شهر ولا اتنين لحد ما الامن والامان والمرور يشتغل
في انتظار ردودكم يا شباب وربنا يجزيكم خير

**omar-saad** · 23-02-2011 12:20 AM

حضرتك عملت مقارنة مابين عربيتين المقارنة صعبه فيهم جدا
انا ماعايا نيسان صنى وركبت اللانسر
الثبات نيسان بفارق ضئيل
السحب والتجميع على السرعات الواطية النيسان ولكن الانسر تتفوق فى السرعات العالية
التقفيل لصالح اللانسر لانه تقفيل يابانى كامل
الوسع اللانسر وفى الكنبة الخلفية فقط
سرعة اعادة البيع اللانسر والنيسان بدات يبقى ليها سوق وبقت مطلوبة
السعر لصالح النيسان ولو انى برشحلك السوبر صالون
وعن تجربة متعة القيادة فى النيسان احسن بكنير من اللانسر

**SonaSteel** · 23-02-2011 12:42 AM

السلام عليكم
MEDOVIC كيف حالك يافندم
انا شايف ان الفرق ده انت اولي بيه لان فعلا سعر اللانسر مبالغ فيه اوووووووي ..مع انها عربية محترمة جدا بس نقول ايه بقي لاستغلال التجار والتوكيلات
انا ليا اصحابي اشتروا صني علشان اللانسر بقيت oVER COST بطريقة مش معقولة
حضرتك بتتكلم علي الخليجي لكن العاديه 125000 وسألت عليها
انا عايز اعرف هي تستحق الرقم ده ولا لا...... هي حلو وكل حاجة بس متوصلش للرقم ده
وغالبا بسبب السعر ده الناس كلها بقت تتجه نحو الصني وخاصة الشركات اللي كان شغلها كله لانسر
في ميزة في الصني .... والله لو كانت اللانسر ارخص حتي من الصني مكنتش هاجيبها
(سير الكاتينة بتاع الصني جنزير ) ........... ماشاء الله لا قوة الا بالله .ميزة مبيحسش بيها الا اللي ادعك من العربيات المستعملة وسير الكاتينة الكاوتش
انت متضمنش الظروف
في النهاية ... انا برشحلك الصني وعلشان التوكيل بتاعها كمان
ومتنساش الاستخارة وربنا ييسرلك الخير
تقبل مروري

**medociv** · 23-02-2011 12:47 PM

مااتحرمش منكم يا جماعة
وفي انتظار المزيد من الردود

**bero0o0o0** · 23-02-2011 02:37 PM

بص يا باشا العربيتين دول اصلا قريبين جدا من بعض و المقارنات مش بترشح واحدة فيهم في الاخر
لكن مادام حضرتك لقيت واحدة فيها abs و التانية لا و كمان اللي فيها ال abs ارخص و بكتير يبقى خليك فيها
بس خليك في السوبر صالون و ان شاء الله هتعجبك اوي
تحياتي يا باشا

**mememsaid** · 23-02-2011 02:43 PM

انا من راي اللانسر
بس فرق السعر كبير

**medociv** · 23-02-2011 03:52 PM

م حسين الله يكرمك يا رب واخبار سعادتك ايه

**SonaSteel** · 23-02-2011 06:09 PM

المشاركة الأصلية كتبت بواسطة medociv

م حسين الله يكرمك يا رب واخبار سعادتك ايه

ربنا يعزك يا فندم ويبارك في عمرك
انا الحمد لله رب العالمين تمام بفضل الله
الف الف شكر علي سؤالك الجميل ده ....... والله اتبسطت بيه
وان شاء الله اي حاجة شوف انت ناوي تعمل ايه وأومرني هتلاقيني معاك ان شاء الله
ولو عايزني اجي معاك تتفرج علي الصني مفيش مشكلة
توكل علي اله وصلي الاستخارة وربنا يعينك وريزفك الخير ان شاء الله
تقبل مروري :)))