الموضوع: استفسار بخصوص نوبيرا الون 98

المشاركة الأصلية كتبت بواسطة ellhosam

السلام عليكم جميعا بفكر اشتري نوبيرا وعجبنى شكل النوبيرا الون بس معنديش خلفية عنها عشان كدة عندى شويه استفسارات وارجو من اصحاب النوبيرا الون يفيدونا بخبرتهم ولكم وافر الشكر 1 - في شكوي من العفشه الامامية ( مقصات والجلب )في النوبيرا 2 هل الشكوي دي فعلا موجودة وهل النوبيرا الون فيها نفس العيب ( ضعف العفشة ) ؟ 2 - هل النوبيرا الون فيها عيوب تخلي الواحد يبعد عنها 3 - لو عربيه نوبيرا ون حلتها متوسطة سعرها يكون كام ؟

عربية جميلة و امكانيتها حلوة جدا
1- العفشة معقولة جدا ومريحة جدا و هية قريبة جدا من عفشة النوبيرا التفيل المصري مش هتغلب فيها هتلاقي كل حاجتها متوفرة وقطع غيارها زي الرز اكتر من الأكسنت
2- مفيش اي عيوب علي حد علمي لانها عندي و انا شخصيا مشتكتش في حاجة فيها
بصراحة انا بستغرب علي عربيتي انها مستحملاني انا عندي بعض خفية في الموتور و ما شاء الله بطلع من عربيات كتير و مفيش غير بعض العربيات الحديثة اللي بتقطعني انا بجيب بيها 180 علي انها موديل 97 اوتوماتيك "بظلمها و الله"
3- سعرها يلعب في نهاية التلاتينات و بداية الأربيعنات و دة طبعا سعر ظالم جدا لأمكانيات العربية اللي موتورها 1500 سي سي 110 حصان يعني اشد من موتور النوبيرا المصري 1600 سي سي 106 حصان
قبل ما تجبها قيس قوة الكبس بتاع الموتور واكشف علي حالة العربية عموما برفعا في بنزينة و شوف في اي زيت متسرب اوي اي لحامات في الشاسية او انصاص او ارباع العربية
بعد ما تشتري غير كل ماهو جلد في العربية كاوتش و عفشة و خلافة اذا لزم الأمر و اكشف علي الرشاشات و غيرها اذا لزم الأمر وركب بوجيهات بلاتينيوم برقم يبدأ ب BKR5E و انطلق بالعربية و ادعيلي

شكرا ياباشا علي الرد وربنا يباركلك في عربيتك وفعلا هي سعرها معقول جدا مع انها عربية صلونها واسع ولو ايدك فيها ومتهملهاش بيكون شكلها جميل و معظم النوبيرا الون وارد معاقين وتقفيلة احسن بكتير من النوبيرا 2 التقفيل المصري وياريت يا جماعة لو حد عند اضافة في الموضوع ينورنا وميبخلش علينا

المشاركة الأصلية كتبت بواسطة moko_2004

موتورها 1500 سي سي 110 حصان يعني اشد من موتور النوبيرا المصري 1600 سي سي 106 حصان

اللى اعرفة انها 108 حصان

المشاركة الأصلية كتبت بواسطة ellhosam

السلام عليكم جميعا بفكر اشتري نوبيرا وعجبنى شكل النوبيرا الون بس معنديش خلفية عنها عشان كدة عندى شويه استفسارات وارجو من اصحاب النوبيرا الون يفيدونا بخبرتهم ولكم وافر الشكر 1 - في شكوي من العفشه الامامية ( مقصات والجلب )في النوبيرا 2 هل الشكوي دي فعلا موجودة وهل النوبيرا الون فيها نفس العيب ( ضعف العفشة ) ؟ 2 - هل النوبيرا الون فيها عيوب تخلي الواحد يبعد عنها 3 - لو عربيه نوبيرا ون حلتها متوسطة سعرها يكون كام ؟

شوف الموضوع ده
http://www.nilemotors.net/Nile/173509-1.html

البوجيهات البلاتينيوم شرارتها اقوي و اسرع من العادية فبتدي اداء افضل مع الrpm العالي و زائد هتوفر في البنزين لنفس السبب لأن كل ما يخرج من الرشاشات من بنزين يتم حرقه بدون هدر فيديك احساس بتحسن فس اداء العربية وبيكون واضح في السرعات العالية اما في السرعات القليلة او rpm المنخفض لا يوجد اختلاف كبير
ميزة اخري علشان هي شمعة واحدة لا ترهق الموبينة و لا تعجل بتلفها فهي بتحافظ عليها برضة
يعيب النوع ده من البوجيهات حاجتها المستمرة للنظافة علشان تفضل علي ادائها و دي مش صعبة