لمبة الشحن والفرامل بتنور!!!

**beshomilan** · 28-02-2011 10:48 AM

سؤال بس يا اخواتى

هو لما تنور لمبة البطارية واللمبة اللى جنبها اللى بتطفى لما تنزل فرامل اليد فى التبلوه معناه ايه؟؟؟
وولعوا حوالى 10 دقايق وطفوا لوحديهم فده معناه ايه؟؟

علما انها اول مرة تنور لمبة فرامل اليد دى وانا ماشى..ولمبة البطارية بقت فى الاونة الاخيرة تنور وانا ماشى وهى بترعش كده ولما ادوس بنزين تطفى يعنى بتنور وانا واقف بس او على سرعة بطيئة فده معناه ايه؟؟؟

علما كمان ان بطاريتى 44 امبير وسائلة وقديمة ومش عارف كده العيب منها ولا مش منها؟؟؟
..ولو حبيت اجيب جديده اجيب 55 ولا 70 امبير وايه افضل ماركة وبكام؟؟

بس خوفى الاكبر من الموضوع ده ان يكون فيه مشكلة فى الدينامو من اللى بيحصل ده..ارجوكم طمنونى

وشكرا ليكم

**saadelden** · 28-02-2011 01:57 PM

قيس شحن الدينامو عند اي كهربائي

**beshomilan** · 28-02-2011 02:29 PM

يعنى كده المشكلة من الدينامو مش البطارية؟؟

**mrastra** · 28-02-2011 08:40 PM

السلام عليكم
اخى الكريم كدة السير بتاع الدينامو عاوز يتشد شوية او يتغير ولو السير تمام خلى السلانسية عالى شوية لو عندك ار بى ام اظبط على 750 لفة / دقيقة ..... لو عملت الحجتين دول والعيب ما زال موجود يبقى تقيس شحن الدينامو وهو الطبيعى 14 فولت فى كل ظروف التشغيل يعنى من اول السلانسية لغاية عدد لفات 4000 لفة / دقيقة المفروض ان الفولت ثابت 14 وبالتوفيق