الجنط الاسبور اتكسر و الحمد لله

**ahmedyehia515** · 28-02-2011 11:42 AM

صباح الخير

امبارح و انا على طريق الاسماعيلية و ماشى على أقصى الشمال على 100-110 كم/س جيه ميكروباص الله يسامحه و كان بيحاول ياخد غرزة مش مقفولة ده كانت مش موجوده أصلاً من قدامى و النتيجة انه خبط جنب العربية الأمامى اليمين و نزلنى بره الأسفلت

العربية اتهبدت كام هبدة كويسيين و ابتدت تتهز بطريق مش طبيعية اديت يمين و بدأت احضن على اليمين عشان أشوف إيه اللى حصل و إيدى على قلبة عشان قلت ده أكيد المقصات اتكسرت عشان مكونتش عارف اسيطر على العربية خالص.

المهم نزلت لقيت الجنط الاسبور مكسور و مش عارف يقه الكوتش نام لما الجنط اتكسر و لا حصله حاجة و دلوقتى ماشى بالجنط الحديد.

دلوقتى سؤالى : انا اعرف ان الجنوط الاسبور بتتباع أطقم مش بالواحدة فهل فى مكان أقدر أجيب منه فرده واحدة حتى لو مستعملى و ازاى اكشف على الجنط. اللى أغرفى انو الشكل اللى عندى منتشر فى الاسكودا و الفولكس، مش شكل نادر يعنى و هل الكاوتش يعتبر باظ عشان مشيت عليه و هوا مريح بتاع 10 متر كده

و شكراً

و ده صورته: نتيجة بحث Google عن الصور حول http://www.lesvos-safaritours.com/images/fabia.jpg

**hpxp** · 28-02-2011 11:51 AM

اتكسر ولا اتعوج علشان تفرق
انا كان عندي الجنت اليمين معوج من مطب وعدلته
مبدائيا انزل الحرفين ولو حته صغيرة مكسورة ممكن تعمل كفر مش تيوبلس بس اوعي اوعي اوعي اوعي تحطه قدام

**ahmedyehia515** · 28-02-2011 11:59 AM

المشاركة الأصلية كتبت بواسطة hpxp

اتكسر ولا اتعوج علشان تفرق
انا كان عندي الجنت اليمين معوج من مطب وعدلته
مبدائيا انزل الحرفين ولو حته صغيرة مكسورة ممكن تعمل كفر مش تيوبلس بس اوعي اوعي اوعي اوعي تحطه قدام

لأ هوا اتكسر، فيه حته بتاع 15سم كده مش موجودة

**ahmedyehia515** · 28-02-2011 03:57 PM

يا جماعة حد يقولى على اسم محل بيبيع جنوط سبور بالفردة او بيبيع مستعمل

**rasim** · 28-02-2011 05:05 PM

السلام عليكم
حمد لله على سلامتك والحمد لله ج
أت سليمة
ممكن تروح ورشة الاستاذ كريم منير وشوف رائه ايه

**prisoner** · 28-02-2011 05:31 PM

الف حمد الله على سلامتك ممكن تنزل شارع احمد سعيد انشاء الله تلاقى بالواحد لو واحد عنده واحد او اثنين ممكن يديهولك وبالتوفيق.

**ahmedyehia515** · 28-02-2011 06:02 PM

المشاركة الأصلية كتبت بواسطة rasim

السلام عليكم
حمد لله على سلامتك والحمد لله ج
أت سليمة
ممكن تروح ورشة الاستاذ كريم منير وشوف رائه ايه

المشاركة الأصلية كتبت بواسطة prisoner

الف حمد الله على سلامتك ممكن تنزل شارع احمد سعيد ان شاء الله تلاقى بالواحد لو واحد عنده واحد او اثنين ممكن يديهولك وبالتوفيق.

أول حاجة شكراً على ردودكم بس ممكن توصفولى فيين الورشة و فين شارع احمد سعيد من مصر الجديدة

شكراً على المجهود

**Moe86** · 28-02-2011 08:15 PM

لو الجنط الأصلى بتاع سكودا , يبقى مش هتلاقيه فى محلات الجنوط العادية خالص, و ان شاء الله تلاقيه فى الحرفيين
يا ريت برضو تحط صورة ليه علشان الناس هنا يدوك رأيهم اذا كان ينفع يتصلح أو لأ, لأن فى ورش بتصلح الجنط حتى لو مكسور, على حسب الكسر قد اية و مكانه فين

**rasim** · 01-03-2011 10:32 PM

مشروعي لدهان وتجديد السيارات - :: نــايــل مــوتــورز:: - :: NileMotors.net ::

**ahmedyehia515** · 09-03-2011 01:40 PM

المشاركة الأصلية كتبت بواسطة rasim

مشروعي لدهان وتجديد السيارات - :: نــايــل مــوتــورز:: - :: NileMotors.net ::

مشكور لمجهود حضرتك بس انا اكتشفت انو الجنط اللى ورا برضع الشفة فييها حتة مكسورة فقلت الصح صح و الغلط غلط، أيوه انا هبيع العربية قريب ان شاء الله بس لو اللى اشتراها حصله حاجة هكون انا الغلطان فاتكلت على ربنا و اشتريت طقم جديد و فرديتين كاوتش قدام عشان امشة بالعربية و انا مستريح