الموضوع: من الدائري الي مساكن الشيراتون ؟

حضرتك هتيجى من ناحية المعادى ولا شبرا؟
المهم طالما حضرتك عارف منزل المطار تبقى عارف منزل طريق السويس ... لو من المعادى هتعدى من فوق طريق السويس و تاخد المنزل اللى بيلف علشان تروح فى اتجاه الماظه ... لو من شبرا هتفوت مدخل المطار و تنزل يمين ... هتفضل ماشى و عند كوبرى الجيش متطلعش و تخش يمين هتوصل للاوتوستراد و المطار على يمينك ... هتلف اول يوترن (هى بعيده شويه) و تخش اول يمين من عند كشك المرور (بعد لما تلف اليوترن بحاجه بسيطه هتلاقى منزل من كوبرى المطار جنبك ... اليمين اللى بعده على طول) هتفضل ماشى فى الشارع و هتلاقى نفسك مضطر تخش يمين او شمال ... هتخش يمين و بعد حاجه بسيطه هتلاقى شريط مترو جنبك و بنزينة موبيل على الشمال .... انت مكمل طوالى و المركز هتلاقيه على يمينك (بس المدخل فى الشارع الجانبى مش الشارع اللى انت ماشى فيه ... يعنى هتخش يمين قبل المركز)

المشاركة الأصلية كتبت بواسطة mohamed_selim

حضرتك هتيجى من ناحية المعادى ولا شبرا؟
المهم طالما حضرتك عارف منزل المطار تبقى عارف منزل طريق السويس ... لو من المعادى هتعدى من فوق طريق السويس و تاخد المنزل اللى بيلف علشان تروح فى اتجاه الماظه ... لو من شبرا هتفوت مدخل المطار و تنزل يمين ... هتفضل ماشى و عند كوبرى الجيش متطلعش و تخش يمين هتوصل للاوتوستراد و المطار على يمينك ... هتلف اول يوترن (هى بعيده شويه) و تخش اول يمين من عند كشك المرور (بعد لما تلف اليوترن بحاجه بسيطه هتلاقى منزل من كوبرى المطار جنبك ... اليمين اللى بعده على طول) هتفضل ماشى فى الشارع و هتلاقى نفسك مضطر تخش يمين او شمال ... هتخش يمين و بعد حاجه بسيطه هتلاقى شريط مترو جنبك و بنزينة موبيل على الشمال .... انت مكمل طوالى و المركز هتلاقيه على يمينك (بس المدخل فى الشارع الجانبى مش الشارع اللى انت ماشى فيه ... يعنى هتخش يمين قبل المركز)

جي من ناحية المعادي ..


انا هاقولك الخطوات الي فهمتها

1. منزل السويس من الدائري = الي هو هو منزل المطار صح ؟
2.هالف اول يوتيرن .. هو بعيد شويا .. هافضل ماشي هلاقي علي شمالي منزل المطار ( الي نزلت منة من شويا )
3.هاخش اول يمين بعد كشك المرور ( بس اية هو كشك المرور ده * )
4. بعد كدا طريق اجباري يا اخش يمين يا شمال .. هاخش يمين بعد كدا هلاقي شريط المترو والمركز ..



صح كدا .. وشاكر جدا جهودك .. بس ياريت توضح لي النقط الي مش فاهمها :)

المشاركة الأصلية كتبت بواسطة yoko

أسهل حاجة ليك إنزل مصر الإسمعليه لف الu-turn هتمشي أول كبري تاني كبري تطلعهم هتمشي على طول هتلاقي الكليه الحربيه في وشك ويا يمين يا شمال تخش شمال على طول هتلاقي المركز على شمالك (أنا ساكن هناك)

شكل الوصفة سهلة .. بس معلش استحملني ..


1. انزل مصر الاسماعيلية من الدائري ( الا صحيح هو فين المنزل ده * )
2.هالف اول يوتيرن بعد المنزل ..
3.هاسيب اول كوبري .. وتاني كوبري اطلعة ..
4.هافضل علطول لحد ما لاقي الكلية الحربية في وشي .. واخش شمال وهلاقي المركز


صح ؟ انا حاسس اني مافهمتش النقطة رقم 3 كويس .. مش فاهم ازاي ( هتمشي أول كبري تاني كبري تطلعهم ) اطلع 2 كوبري ازاي

صحيح وانا راجع بقي .. عايز اخد دائري المعادي كمان :)

انسى موضوع نزلة الاسماعيليه علشان الزحمه ... لو الزحمه مش مشكله خليك فى صلاح سالم احسن ...


1. منزل السويس من الدائري = الي هو هو منزل المطار صح ؟
هو فى 2 مدخل للمطار من الدائرى ... واحد على الدائرى نفسه و ده علشان توصله من ناحية المعادى بتكمل و تلف يوترن بعيده قوى ... التانى من طريق السويس ... لو قصدك على التانى يبقى ايوه مخرج المطار .... بص بسهوله ... بعد ما تعدى jw mariot فى نزله يمين كأنك رايح على اتجاه السويس و الشروق ... متنزلهاش و النزله اللى بعدها على طول (مجرد ما تعدى من فوق طريق السويس) هتلاقيها بتلف و تنزلك فى اتجاه القاهره و هتعدى من تحت الدائرى ...

2.هالف اول يوتيرن .. هو بعيد شويا .. هافضل ماشي هلاقي علي شمالي منزل المطار ( الي نزلت منة من شويا )
فى حته قبل كده ... بعد منزلت الدائرى و مشيت فى اتجاه الماظه ... هتعدى على مدخل المطار على يمينك و مكمل طوالى و هتعدى على الهيئه العربيه للتصنيع على اليمين و برضه مكمل ... هتلاقى نفسك داخل على كوبرى (اسمه كوبرى الجيش) متطلعوش و من جنبه هتلاقى يفط و تخش يمين و هتمشى فى الوصله دى حوالى كيلو و هتخلص انك لازم تخش يمين فى شارع واسع (الاوتوستراد فى اتجاه مساكن شيراتون) ... و تكمل فيه و تاخد اول يوترن (بعيد) ... (و انت ماشى هتلاقى كوبرى معدى من فمقك و اليوترن بعده ... و وانت راجع هتعدى من تحته تانى و المنزل بتاعه هيكون جنبك على اليمين و طبعا ده كوبرى تانى خالص جاى من جوه المطار ملوش دعوه بالحته اللى هتيجى منها) و تاخد يمين بعدها (فى كشك مرور على الناصيه)
3
.هاخش اول يمين بعد كشك المرور ( بس اية هو كشك المرور ده * )
كشك كده هتلاقيه فى وسط الصحرا و ممكن تلاقى جنبه موتوسيكل مرور :) و هو علا ناصية اليمين اللى المفروض تخش منه

4. بعد كدا طريق اجباري يا اخش يمين يا شمال .. هاخش يمين بعد كدا هلاقي شريط المترو والمركز ..
تمام كده

الله ينور عليك انا كدا فهمت .. واليك الخطوات الي عرفتا للتاكيد فقط ..


1. منزل الدائري بتاع المطار وانتا فهمت قصدي .. الي هو فعلا التاني الي فية نزلة بتلف جامد
2.هافضل ماشي لحد كوبري الجيش ومش هاطلعة .. هاخش يمين ..
3.هافضل ماشي فية لحد مالاقي طريق اجباري يمين ..
4.هاافضل ماشي في الشارع لحد ما لاقي اول يوتيرن واخدة
5.هاخش الناصية الي بعد منزل المطار .. الي علي ناصيتها كشك المرور
6.هامشي حاجة بسيطة والاقي يمين او شمال اجباري .. انا هاخش يمين والاقي شريط المترو والمركز ..


صح كدا ؟

ارجع ازاي بقي .. معلش تعبتك معايا :)

المشاركة الأصلية كتبت بواسطة nistelrooy

الله ينور عليك انا كدا فهمت .. واليك الخطوات الي عرفتا للتاكيد فقط ..


1. منزل الدائري بتاع المطار وانتا فهمت قصدي .. الي هو فعلا التاني الي فية نزلة بتلف جامد
صح كده

2.هافضل ماشي لحد كوبري الجيش ومش هاطلعة .. هاخش يمين ..
هتخش من جنبه (كانك ماشى طوالى من تحته) و تاخد اول شارع يمين

3.هافضل ماشي فية لحد مالاقي طريق اجباري يمين ..
صح .. هى وصله بين طريق السويس و الاوتوستراد
اعتبر ان فى مثلث و حضرتك ماشى على الوتر بتاعه (الوصله دى) ... لو لأاى سبب مدخلتش الوصله تقدر تمشى على الضلعين و هتوصل لنفس النقطه :)))

4.هاافضل ماشي في الشارع لحد ما لاقي اول يوتيرن واخدة
ايوه اليوترن البعيد و هتكون عديت من جنب مدخل المطار اللى على الاوتوستراد و من تحت كوبرى جاى من جوه المطار

5.هاخش الناصية الي بعد منزل المطار .. الي علي ناصيتها كشك المرور
تمام

6.هامشي حاجة بسيطة والاقي يمين او شمال اجباري .. انا هاخش يمين والاقي شريط المترو والمركز ..
لأ مش حاجه بسيطه ... بتاع 2 كيلو مثلا و الشارع مش مكمل ... تخش يمين و بعد حاجه بسيطه هتلاقى المترو على شمالك و بعديها ب كيلو او 2 تقريبا المركز


صح كدا ؟
ايوه صح ...

ارجع ازاي بقي .. معلش تعبتك معايا :)

علشان ترجع .... و انت خارج من المركز لف مع السور بتاعه ... هتمشى شويه فى الشارع الجانبى اللى فيه الباب و تطلع تمشى مع السور فى الشارع اللى فيه المترو و تلف مع السور كده انت مسكت الاوتوستراد من اوله ... تفضل ماشى فيه طوالى و هيلف بيك و انت معاه و هتعدى من تحت الكوبرى اللى جاى من المطار و جنب كشك المرور و تفضل فى الطريق طوالى ... هتلاقى كوبرى (بيعدى الاوتوستراد من فوق اول طريق السويس) ما تطلعوش و خش من تحته يمين و لف يوترن و ارجع ... كده انت انت فى اتجاه السويس ... هتمشى و تطلع كوبرى الجيش (اللى ما طلعتوش و انت رايح) و تنزل بعده بشويه فى شرطه عسكريه على اليمين و بعدها طلعة الدائرى فى اتجاه المعادى ...