ياريت حد يفيدني علشان انا جديد هنا والغريب اعمي

**cazanova555** · 07-04-2008 03:56 AM

:D السلام عليكم ورحمه الله وبركاته
انا اسمي محمد او ميدو الي يريحكو
انا بصارحه ناوي اجيب عربيه جديده بس انا مش خبره اوي:(
انا نفسي في فيرنا 2008 وانا ناوي اجيبها قسط
انا ناس كتير قلقتني منها لانها واطيه اوي وتحك مني في الارض بصراحه مش عارف ده صح ولا لا
كمان الي يقولي التوكيل وحش ويدوخوك هناك بس انا عن نفسي بحب هيونداي جدا وكمان علي قد لحافي امد رجلي
انا واحد صحبي معاه اسبرانزا 1600 سي سي 2008 هي جامده وموت ومريحه وبتسحب معايا واول لما ركبتها كنت ماشي ع التاني وبتسحب مني خوفت اجيب التالت :D اصل انا مش سويق اوي

ياريت حد يقولي عيوب الفيرنا بس عن تجربه ومكان كويس اجيبها منه قسط وفايده قليله وباشا في معاملته
انا داخله دماغي الاسبرانزا بس مش ممكن اجيبها لانها صيني مع ان موتورها بيقولو ياباني تقريبا والعفشه كمان وتقفيلها هنا في مصر عند دايوموتورز مش عارف بقي صح ولا ؟؟

واتمني مش اكون تقلت عليكو:o

**hazem_khidr** · 07-04-2008 05:58 AM

اهلا بيك يا محمد معانا في المنتدي:)
بالنسبه للعربيه يا ريت تقول انت محدد مبلغ كام
و ايه المواصفات اللي عاوزها
و ايه اللي عاوزه من العربيه.
علشان نعرف نوسع الاختيارات و نقدر نفاضل اي عربيه احسن ليك :)

**cazanova555** · 07-04-2008 06:11 AM

بصراحه انا ناوي اجيب عربيه قسط معايا مقدمه في حدود 20 الف وهقسط الباقي بس علي 3 سنين ان شاء الله علشان انجز

انا سمعت ان الهيونداي قطع غيرها رخيصه وفي المتناول وصيانتها مش مكلفه وسهله وكتير حببوني فيها

وكتير برده حزروني من عيوبها :(

انا عاوز عربيه 2008 وتكون لزيزه معايا وتستحمل الشباب

وياريت تشرحلي افرك بيها ازاي علشان نفسي افرك بالعربيه :d

وشكرا كتير علي ردك واهتمامك :)