انا معايا لانسر بومة موديل 2008 جاي معاها سماعتين قدام في البابين بس ,,, والكاسيت اللي فيها بايونير DEH-3050MP ودا اللينك بتاعه

DEH-3050MP - CD Receivers - Mobile Electronics : Products :: Pioneer

المهم انا بحب البيييييز جدا جدا جدا ,,, ونفسي من زمان في حاجة تهز العربية ,,, انا كنت ناوي اركب بازوكا وسماعتين ورا دبل بييز وطبعا جي ام ,,,, بس للأسف اتصدمت عند ادريان لما قالي ان الكاسيت لازم يتغير عشان مفيهوش مخرج صب ووفر ,,, انا دلوقتي مش هقدر اغير الكاسيت خالص فقدامي حلين يا اما اجيب سماعتين دبل بيز وجي ام وبعد كدا لما تيجي فلوس تانية هغير الكاسيت مع انه جميل جدا وهجيب حاجة تشغل صب ووفر واجيب معاه بازوكا ,,, والحل التاني ان انا اغير الكاسيت دلوقتي واجيب سماعتين بس من غير جي ام !!!!!! انا مش عارف اعمل ايه ؟؟ ,,, اتمنى ان تختاروا لي وتحددولي الانواع ... مع الاخذ في العلم ان انا كدا كدا هحط بازوكا في المستقبل القريب ,, فعشان مدفعش على الفاضي واجيب حاجة واندم عليها ,,, وردا على اللي هيقولي استنى شوية لغاية لما تجيب حق الكاسيت ,, هقولوا انا الفلوس بتطير اليومين دول وانا عايز اخلص من الموضوع دا ....

هل في امكانية بردوا ان اجيب حاجة مستعملة ,,, سماعات او جي ام او بازوكا ؟؟؟ ولا الجديد احسن ,,, انا الميزانية هتكون ان شاء الله في حدود 1200-1500 جنيه !!! اسف على الاطالة