بسرعه ارجووووووووكم اروح بنها ازاااااااااى

**ahmmedbingo** · 06-03-2011 09:34 PM

السلام عليكم ورحمة الله وبركاته

انا مسافر بكرة من القاهرة لبنها بالتحديد جامعه بنها انا لسة شارى العربيه جديد ومش عارف اروح ازاى اللى اعرفة ان الطريق بيبقى من المؤسسه وانا اعرف اوصل للمؤسسه بسهوله بس امشى ازاى من المؤسسه واوصل ازاى لجامعه بنها كليه تجارة بالتحديد ياريت حد يوصفلى بسرعه ارجوووووووووووووكم

**m3touk_85** · 06-03-2011 09:56 PM

انا عارف طريق بنها ومن هناك اسأل

عندك طكطريقين :

الاول من ناحية التحرير وتخلي مبني لاالذاعة على يمينك وامشي علطول لغاية ما تطلع على شبرا وكمل علطول لمدة 40 كيلو تقريبا واسأل

التاني من الدائري وتنزل نزلة شبرا وتكمل ال 40 كيلو

**m_elkhishin** · 06-03-2011 10:05 PM

طالما تعرف توصل للمؤسسة، كمل طريق مصر اسكندرية الزراعي
بعد حوالي 40 كيلو حتوصل بنها
حتلاقي على شمالك مصانع توشيبا العربي
كمل في اتجاه اسكندرية واطلع الكوبري اللي قدام توشيبا العربي
بعد حوالي كيلو حتلاقي كوبري تاني، اطلعه
أول ما تنزل من الكوبري التاني ادخل يمين ولف من تحت الكوبري
أول تقاطع حيقابلك اللي عند موقف بنها سيبه وكمل على طول
تقريبا تاني تقاطع ادخل يمين ( هو تقريبا أول شارع رئيسي بعد الموقف)
بعد حوالي 400-500 متر حتلاقي كلية التجارة على اليمين

بالسلامة

**ahmmedbingo** · 07-03-2011 12:28 AM

بجد يا جماعه مش عارف اشكركم ازاى الف مليون شكر بجد

**themyth999** · 09-03-2011 12:12 PM

في طريق تاني كمان
بعد ما تلاقي مصانع توشيبا العربي على شمالك هتلاقي كوبري
اطلع الكوبري و بعد ما تنزل هتلاقي يو ترن كأنك راجع تاني القاهره
بعد ما تلف هتلاقي بعد حوالي 400 متر دخله يمين مكتوب عليها بنها قبل ما تطلع الكوبري تاني
ادخل منها هتلاقي الطريق بيلف معاك شويه يمين
كمل في الطريق ده على طول هتلاقي المصنع الحربي على يمينك جنب كوبري بيعدي من فوق الرياح التوفيقي
كمل و اطلع الكوبري
و بعد ما تنزل هتبقى في شارع الأهرام و بعد حوالي 500 متر من نزله الكوبري هتلاقي جامعة بنها على يمينك
و حمدلله على السلامه
على فكره الطريق ده اسهل و مفيهوش لف جوه بنها