الموضوع: مشكلة في تدوير التمبرا

أهلا بكل الاخوة في المنتدى , انا عندي تمبرا كاربيراتير موديل 1997 و لكن فيها مشكلة غريبة لما بأدورها سواء ساعة الصبحية أو آخر النهار و هي باردة بتدور زي الحلاوة بدون أي مشاكل لكن لو كانت سخنة و جاية من مشوار و طفيتها لا يمكن تدور تاني الا لو بردت .

الموضوع ده مجنني يعني كذا مرة أدخل أمون في محطة بنزين و بأطفيها و بعد ما أمون و أجي ادورها ما تدورش غير زق و لو عمال المحطة مش عاجبهم البقشيش و رافضين يزقوا أفضل راكنها على جنب في المحطة عشر دقائق تبرد و بعد كدها أدورها و أمشي بيها .

الكهربائي قاللي ده عيب جلب المارش , فكيت المارش و خرطت جلب جديدة و برضه نفس المشكلة و لما رحت له تاني قاللي تلاقيه تقسيم سير الكاتينة مقدم و لازم تأخره شوية أو الاسبيراتير عالي .

أنا اللي شايفيه أن الاسبيراتير فاضي و ما فيهوش ابلاتين و كوندنسور و كله في ال digiblix و هي مضبوطة بضبطة الفابريكا
يعني ما فيش حد بيلعب فيها .

رحت للميكانيكي قاللي ما فيش حاجة اسمها تقسيم سير الكاتينة في التمبرا ده كان زمان ايام ال 128 القديمة بتاعتي لان تقسيم سير الكاتينة فابريكا و ما حدش بيلعب فيه .

أنا مش لا قي حل عند الاثنان و بأفضل سايب العربية دايرة و لا أطفيها في الاشارات علشان ما تعملهاش معايا تاني في وسط الشارع و باسيبها دايرة حتى لو سخنت .

ايه الحل في رأيكم ؟؟؟؟؟؟؟؟؟ أنا عراف ان في اساتذة هنا في التمبرا على سبيل المثال الاخ هشام زكي و الاخ جاليليليو و الدكتور ضياء و غيرهم و سامحوني لو ماذكرتش باقي الاخوة لكن أنا دخت مش لاقي حل .

ميشيل سليم

شوف يا باشا غي غالبا البوبينة او المارش وياريت تغير الميكانيكي اللي بتتعامل معاه اصلا لأن اسبراتير التمبرا لا بيتقدم ولا بيتأخر ده اسبراتير الكتروني على مشط بيظبط نفسهجرب كده غير البوبينة لو لسه المشكله غير المارش