نيسان صنى 2004.1300 اوتو ولا شيفورليه اوبترا 2005.1600 اوتو

**sherif309** · 10-03-2011 08:16 AM

يا جماعه انا معايا اوبترا 2005 كامله اوتو 1600 راشه كلها برة وعامله 80000 وكان فى خبطه بسيطه فى الشنب و البنزين بتعها زى الزفت بتعمل حوالى 160 كيلو فى الصفيحه فى الداخلى ومعروض عليا ادخلها فى نيسان صنى 2004 /1300 اوتوماتيك راشه معظمها برة وعامله 118 الف كيلو بس حالتها نضيفه مع العلم انى معييش فرق ادفعه فى عربيه احسن والنيسان دى صحبها بيتكلم فى 60000 وانا قولتله انى بتكلم فى 63000

ارجو الافادة سريعا

**omar-saad** · 11-03-2011 12:48 AM

اولا سعر النيسان غالى اوى
السعر دة لو قرصت عليه شوية يجيب حاجة نفس الموديل او اعلى 1600 اوتو
نصيحة بلاش1300 اوتو خالص
دور على حاجة 1600 علشان تكون احسن
وبعدين انتا عايز تبيع عربيتك ليه؟

**bero0o0o0** · 11-03-2011 11:31 AM

لا يا باشا النيسان دي كده غالية
لو معاك ال 60000 هات واحدة نفس الموديل 1600 نضيفة

**sherif309** · 11-03-2011 01:34 PM

انا اصلا كان معايا نيسان صنى 2001/1300 قبل الاوبترا وكانت عربيه محترمه جدا بس غيرتها عشان كانت مانوال وكانت ضعيفه جدا على الطرق
ولما جبت الاوبترا لقيتها حلوة فى سحبا اوى بس صناعتها رديئه من الداخل والصاج بتعها خفيف جدا وبنزنها ناااار بتعمل حوال 170 فى الصفيحه فى الداخلى بعد لما رحت التوكيل اكتر من مرة وقالولى هوا دة المعدل الطبيعى

لما لقيت الاخ دة عارض النيسان بتاعته على 60000 انا عارف انها كدة غاليه شويه وانها تعمل 55000 مثلا فقولت لو خت منه فرق 5000 وانا اصلا عربيتى 62000 يبقه وقفت عليا ب 57000 وانا اصلا بعت عربيتى النيسان ب 53000 يبقه دفعت على النيسان بتعتى 4000 بس وجددت فرق موديل وفرق اوتوماتيك وكمان لانى مش لاقى ابدا نيسان 1600 ب60000 خالص ولا على النت ولا فى السوق كل الناس بيبتدو من 66000 وانا بصراحه معييش فرق اكمل
واصلا لو معايا هجيب لانسر بل66000 دول

ارجو الافادة لانى بكرة هقابل الراجل دة

مع العلم ان عربيتى راشه بالكامل من برة وفى خبطه بسيطه فى الشنب مردودة على البارد ومحتاجه كاوتش ورخصتها قربت تخلص

اما عربيته فابريقه بلكامل وكامتشها جديد ورخصتها لاخر السنه

وانا استخدامى داخل البلد خفيف لانى ساكن فى العاشر من رمضان انا وزوجتى وبنتى بس ومبسافرش كتير