صوت غريب في المنافول

**kga613** · 10-03-2011 11:52 AM

السلام عليكم
فية مشكلتين عندي وانا موضحهم في الصورة

1- في صوت غريب في المنافول بس لما اشيل الخرطوم اللي متركب الصوت بيختفي

2- الخرطوم اللي متركب ده فيدتة ايه لانة عندي بايظ

**MMamdouh** · 10-03-2011 07:29 PM

معرفش ايه سبب الصوت فى المشكلة الاولى بس دة خرطوم تشغيل الVGIS

الخرطوم التانى بتاع تهوية الكارتيرة و شغلتة تصريف ابخرة الكارتيرة الى منافولد السحب

MMamdouh

**bao_die** · 12-03-2011 10:59 AM

انا كمان لسه شارى موتور استيراد وسامع نفس الصوت كانه ونه او صفاره ولما بشيل الخرطوم الرفيع الصوت بيروح يا ترى ايه الحل ارجع الموتور انا لسه فى فتره التجريب

**kga613** · 16-03-2011 12:06 PM

ياريت حد يوضحلنا الصوت ده بيأسر في حاجة

**moko_2004** · 17-03-2011 02:38 AM

المشاركة الأصلية كتبت بواسطة mmamdouh

معرفش ايه سبب الصوت فى المشكلة الاولى بس دة خرطوم تشغيل الvgis

الخرطوم التانى بتاع تهوية الكارتيرة و شغلتة تصريف ابخرة الكارتيرة الى منافولد السحب

mmamdouh

ماهو نظام vgis ؟
ماهي فائدتة ؟
كيف يعمل ؟
وهل هناك فائدة من وجودة او عدم وجودة؟
هل هناك انظمة اخري مشابهه او متطورة عنة؟؟
و اسف علي الأطالة وتقبل مروري

**MMamdouh** · 17-03-2011 03:19 PM

المشاركة الأصلية كتبت بواسطة moko_2004

ماهو نظام vgis ؟

VGIS stands for Variable Geometry Intake System

و يقصد بيه نظام منافول السحب المتغير الطول

ماهي فائدتة ؟

فائدتة تتلخص فى الحصول على عزم جيد على لفات المحرك المنخفضة و الحصول على قدرة حصانية عالية على لفات المحرك العالية

كيف يعمل ؟

النظام بيعتمد على مشترك سحب فية ممرين للهواء... واحد بيبقى ممر طويل و بيبقى شغال فى حالة اللفات المنخفضة... الممر التانى ممر قصير و بيستخدم فى اللفات العاية... التحويل بين الممر القصير و الممر الطويل بيبقى عن طريق قرص او عدة اقراص زى قرص البوابة و بيتحكم فيه سلينويد بياخد اشارتة من الكونترول

فى اللفات المنخفضة بيبقى البوابة او البوابات فاتحة الممر الطويل و اول ما لفات الموتور توصل حوالى 4000 لفة الكونترول بيدى امر للسيلينويد يفتح و بالتالى البوابة او البوابات بتفتح الممر القصير مما يتيح لكمية هوا اكبر بالدخول الى المكنة

وهل هناك فائدة من وجودة او عدم وجودة؟

طبعا.... وجود النظام بيحسن عزم المحرك على لفات قليلة و القدرة الحصانية على لفات عالية بالتالى تعطلة او غيابة حياثر على العزم او القدرة حسب الوضعية اللى هو عليها فى حالة التعطل

هل هناك انظمة اخري مشابهه او متطورة عنة؟؟

لا

MMamdouh

**kga613** · 20-03-2011 09:30 AM

انا بتشكرك يابشمهندس علي المعومات الجمده
بس انا لما اشيل الخرطوم اللي في الصورة رقم 1 الصوت بيروح من المنافولد انا عايز اعرف الصوت ده فية مشكلة ولا عادي

**MMamdouh** · 20-03-2011 12:45 PM

المشاركة الأصلية كتبت بواسطة moko_2004

انا عاوز اعرف اعراض تلفة وهل ممكن يتغير لو باظ و طالما هو مؤثر علي الأداء هل فية منة حاجات after market

لو باظ العربية ادائها حيتاثر... سواء دة ظهر فى شكل ضعف العزم على لفات قليلة او ضعف القدرة على لفات عالية حسب البوابات معلقة على انهى وضع

مفيش حاجة after market للنظام دة لانة ببساطة بوابة بتفتح و تقفل فى توقيت معين بالتالى مفيش اى مجال لتطوير او تحسين الاداء بتاعة

MMamdouh