ركبت زينون و كل الشكر لــ Mohamedaghali

**ahmedhossam86** · 10-03-2011 01:45 PM

شبـــاب... اخيرا ركبت زينون.. بعد فترة من السؤال و التدوير.. و بصراحة بعد ما محمد غالي شجعني..اتصلت بيه و اداني نصيحته.. بجد انسان قمة في الذوق... مش حاقولك يا استاذ محمد اهو :)

روحت ارابكوم اللي ورا عمارات رامو - قدام سيتي ستارز - و كنت اول مرة اروحه الحقيقة.. محل كبير.. تخصصه في الكاوتش - الجنوط - الزينون - النيتروجن و بعض الكماليات.. سألت علي الزينون.. عندهم نوعين:

كوري بــ 850 جنيه و صيني بــ 650 جنيه... بعد الخصم 750 و 550... الكوري يدي علي ازرق (لونه بلدي شوية).. الصيني ابيض و افضل.. بالرغم ان مكنش عندي مشكلة في فرق السعر بصراحة..

السيراتو بتحتاج 3 اطقم ... فوجات + لمض سهاري , واطي , و عالي..... قالولي ان السيراتو بعد موديل 2009 مش بتستحمل 3 اطقم مع بعض.. العالي حايعمل مشاكل كتير و يفصل الــ USB و يعلق في الترعيش..

ركبت طقمين للفوجات و الواطي و ركبت لمض اضاءة بيضاء للسهاري و العالي.. الموضوع اتكلف 1400 و مش بياخد اكتر من نص الي ساعة الا ربع...

مش بيقربوا من ضفيرة الكهرباء - الشغل كله في الفانوس - بيربطوا الــ Xenon Modules بالقرب من الفوانيس بأفيز (احزمة بلاستيكية) - بتلاقي 4 شغالين في العربية و شغلهم نضيف جدا جدا.. و بيحافظوا علي لمض و حاجة العربية الاصلية..

زودت نيتروجين كمان للكاوتش و مارضوش ياخدوا مقابل :)

حانزل الصور عن قريب ان شاء الله :)

**Mshawky** · 10-03-2011 01:50 PM

مبروك عليك يباشا بس مفيش حاجه اسمها متستحملش 3 اطقم مع بعض وبعدين كل مايكون الزينون نضيف مش هيعملك مشاكل فى العربيه لان فعلا الصينى مشاكله كتير اوى فى السيراتو بالذات لكن لو نوع يابانى او المانى انسى الكلام ده

ومبروك عليك وربنا يستر طريقنا جميعا ان شاء الله

**FunnyMickey** · 10-03-2011 01:52 PM

الف مبروك ياباشا
ولو اني كنت افضل فيليبس الالماني
بس الف مليون مبروك عليك

**mohamedaghali** · 11-03-2011 06:15 PM

الف مبروك يابوحميد وانا تحت امرك انت والشباب فى اى حاجه و اى وقت والعربيه تستحمل 3 اطقم من غير مشاكل بس عموما العالى مش هايفرق فى حاجه وبالنسبه لموضوع الصينى ياشباب الصينى درجات واللى عند ارابكوم يعتبر اعلى درجه ونضيف جدا ومش محتاج عدسات ولا حاجه انا مركبه من 4 سنين ونقلتوا من عربيه لعربيه تانيه و مافيش مشاكل الحمدلله وعلى فكره كل اللى فى السوق صينى حتى لو مكتوب انه يابانى او المانى ولو عايز المانى صح يبقى هتعد يا معلم مش اقل من 3000 او 4000 الطقم وهاتجيبو من بره