ملف كمبرسور تكيف لانوس 2 مفصول عن الكهرباء

**ma7moud2010** · 11-03-2011 04:43 PM

السلام عليكم ورحمة الله

انا معايا لانوس 2 موديل 2000 الشكل الجديد من فترة التكيف مش شغال, شغال مروحة فقط مش بيبرد روحت لكهربائى
قالى انة الكمبروسر مش وصلة كهرباء فذهبت لكهربائى تكيف وقام بقياس الفريون ووجد انة مشحون ولكن الملف اللى فوق الكمبروسر مش وصلة كهربة وقالى انة مكانة ديق اوى ولازم يفك الكمبروسر ودة معناة انة الشحن هيروح
وقالى الشحن هيتكلف 120 ومصنعية 30 و الملف هيتغير بالكامل ب 150 جنية ولو الكمبروسر طلع بايظ فهيتكلف 450
ارجو الافادة لو في طريقة اوصل بيها كهربة التكيف من غير اعادة شحن ولا ملف
وشكرا

**ma7moud2010** · 19-03-2011 03:08 PM

مفيش ولا مشاركة واحدة !!!!

**sala7** · 19-03-2011 07:10 PM

حضرتك بتقول المكيف مش شغال غير مروحة فقط بس هو مشحون يبقا لازم تشيك على كهربة الكمبريسور و لو مش هتعرف يبقا لازم متخصص :
.... شيك على الكتاوت و الفيوز الخاصة بالكمبريسور

ملحوظة : الكمبريسور الخراب بتاعه انه بيقفش او بيبقا مافيش كبس (ضغط فريون ضعيف )

يبقا الاول لازم تشيك على الكهربة المكيف بالكامل لما تتأكد انها سلمة ابتدي بقا فكر في الكمبرسور .

بس في حاجه مستغرب لها .. المكانيكي بيقولك ملف الكمبرسور هيتكلف 150 جنية و لو الكمبريسور بايظ هتكلف مش عارف ايه ؟؟؟ انا اول مره اسمع ان الكمبرسور ليه ملف !!!! و المفروض انه لو ليه ملف يعني و اتصلح المفروض ان الكمبرسور يشتغل بقا و يبعتلنا فريون صح ؟؟؟ يعني مش بعد ما نغير الملف بتاعه يطلع بايظ بردوا و نغيرة بـ 450 جنية ؟؟؟؟ ملف ايه ده بالظبط ؟؟؟؟؟؟؟
هو انت متأكد انك رحت لفني تكييف ولا الراجل ده بيلف مواتير ؟؟؟؟؟