عايز اغير اللانوس ومحتاج النصيحه

**shaddadfalcon1** · 11-03-2011 09:00 PM

السلام عليكم

انا معايا لانوس 99 بقالها 3 سنين وشويه وبصراحه عايز اغيرها واجيب حاجه تانيه ومحتار

المبلغ هيبقي تمن اللانوس وممكن اكمل عليه واوصله 45

بصراحه بفكر في كذا اتجاه

- فيرنا 1.6 عشان اجري بس محتاج اراء الناس بخصوص الموضوع ده وخصوصا الناس اللي كانت معاها لانوس وغيرت لفيرنا

- اجيب لانوس برده موديل احدث شويه

- اجيب لانوس ضايعه بس تكون فابريكه دواخل والصاخ حالته كويسه واجيبلها عفشه سبور وموتور 1.6 واعدل الفرامل وكل ده في الأخر شايف انه مش هيعدي ال 45 لان المفروض العربيه تمنها يبقي قليل عشان حالتها

عربيتي ماشيه 213 الف وحالته حلوه قوي ورشه خوارج والرفرف اليمين والباب اليمين ورا متمعجنين عشان حكتهم اول مااشتريت العربيه
كوتش جديد - بطاريه جديده - عفشه لسه مظبطها ومفيشها الهواء - التكييف عايز يتشحن - كاسيت - باور
يعني الحاجات اللي في اي لانوس

عايز اعرف عربيتي تجيب كام ومحتاج اراء الخبراء

جزاكم الله كل خير

**moko_2004** · 11-03-2011 09:14 PM

هات نوبيرا احسن من كل دة
وفرق مش كتير قوي في السعر
ثبات اعلي اسرع من الفرنا - المانيوال طبعا-
قطع غيار شبة معمرة وببلاش ماعدا بعض اجزاء العفشة
وكل مشاكلها محلولة و معروفة
والله الموفق

**acounter012** · 11-03-2011 09:14 PM

لو حضرتك عاوز تغير الدايو عموما هات فيرنا عربية مش وحشه بس هيا تخوف في الجري لان موتورها شديد
اما لو مش عاوز تغير الداية هات لانوس موديل اعلي وانا افضل اللانوس عن الفيرنا

**shaddadfalcon1** · 11-03-2011 09:27 PM

النوبرا مش بستلطفها وبحس انها هتبقي كبيره قوي عليا

انا عايز حاجه اعرف العب فيها وفي نفس الوقت انا بحب الجري قوي بس في الطرق المفتوحه لما ابقي مسافر او ماشي علي طريق عالي

النوبيرا علي حد علمي هتبقي فوق ال 50 لو حاجه كويسه وانا مش عايز اصرف كتيير عشان بحوش لشقه فمش عايز ابعزق القرشين اللي معايا

لو حد غير من لانوس لفيرنا يريت يقولي تجربته

وفي نفس الوقت ياريت فكره عن سعر اللانوس لو حبيت ابيعها وايه رايكم في موضوع اللانوس لما تتعدل

**moko_2004** · 11-03-2011 10:40 PM

المشاركة الأصلية كتبت بواسطة shaddadfalcon1

النوبرا مش بستلطفها وبحس انها هتبقي كبيره قوي عليا

انا عايز حاجه اعرف العب فيها وفي نفس الوقت انا بحب الجري قوي بس في الطرق المفتوحه لما ابقي مسافر او ماشي علي طريق عالي

النوبيرا علي حد علمي هتبقي فوق ال 50 لو حاجه كويسه وانا مش عايز اصرف كتيير عشان بحوش لشقه فمش عايز ابعزق القرشين اللي معايا

لو حد غير من لانوس لفيرنا يريت يقولي تجربته

وفي نفس الوقت ياريت فكره عن سعر اللانوس لو حبيت ابيعها وايه رايكم في موضوع اللانوس لما تتعدل

والله دي ازواق و العب في النوبيرا ممكن وسهل كمان بس اللي يعرف يظبط
الفرنا حرام عليك انت بتقول انك لسة عاوز تخش دنيا مش خايف علي عمرك انتا عاوز تخشها و العياز بالله بعاهة او كسر الفرنا يسموها برة مصر هونداي اكسدنت "هونداي الحادثة " الفرنا ممكن تقفل امبيرها بسهولة علي الطوالي ولكن لو اخدت غرزة بعد سرعة 120 هتتقلب بيك فورا او تعوم لحد متتطلع برة الطريق دي موت حرام عليك وفكر كويس
حط عامل الامان قبل اي شيء
يا فرحتي بعربية تقفل امبيرها بسهولة بس خوانة ومالهاش امان

**shaddadfalcon1** · 11-03-2011 10:53 PM

المشاركة الأصلية كتبت بواسطة moko_2004

والله دي ازواق و العب في النوبيرا ممكن وسهل كمان بس اللي يعرف يظبط
الفرنا حرام عليك انت بتقول انك لسة عاوز تخش دنيا مش خايف علي عمرك انتا عاوز تخشها و العياز بالله بعاهة او كسر الفرنا يسموها برة مصر هونداي اكسدنت "هونداي الحادثة " الفرنا ممكن تقفل امبيرها بسهولة علي الطوالي ولكن لو اخدت غرزة بعد سرعة 120 هتتقلب بيك فورا او تعوم لحد متتطلع برة الطريق دي موت حرام عليك وفكر كويس
حط عامل الامان قبل اي شيء
يا فرحتي بعربية تقفل امبيرها بسهولة بس خوانة ومالهاش امان

انا معرفش اي حاجه عن الفيرنا غير ان موتورها عفي وجرايه وانا ثباتها مش حلو
وعامل الموضوع مخصوص عشان اعرف

السوال هل مفيش اي حاجه تظبط ثبات الفيرنا مثلا؟ يعني انا شفت ناس في المنتدي قالو ان بعد الجنط ال 15 والشداد الدنيا كانت متظبطه والثبات اتحسن

بفكر برده في لانوس تكون ضايعه واجيبلها موتور 1600 مع تعديل الفرامل الشهير وساعتها حاسس انها هبقي اجمد من الفيرنا وتعلم عليها

علي فكره انا مش بحب الغرز والحوارات دي يعني جري في خط مستقيم وبحرص بس

**moko_2004** · 12-03-2011 12:51 AM

الجنط الكبير هينقص عزم العربية انت كدة معملتش حاجة اكتر من انك هتضحي بقوة الموتور قصاد الثبات
انت ممكن تجيب نوبيرا ون مش تو عشان الفلوس و ممكن تجيبها حالة كويسة من معاق مخلص ورقها او من واحد محافظ ودي هتلاقيها بالكتير ب 40000 حالة نادرة او 35 متبهدلة شوبة و تركب موتور 2000 و تعدل الفرامل اللي ورا فقط لسكاكين و دي تكلفتها 5500 جنية و شد جنب المرسيدس الزلمكة او البي ام الفئة التالتة و انت مستريح

**moko_2004** · 12-03-2011 03:01 AM

طيب لية ما فكرتش تسقظ موتور 2000 علي عربيتك وتغدل الفرامل

**shaddadfalcon1** · 12-03-2011 08:54 AM

المشاركة الأصلية كتبت بواسطة moko_2004

طيب لية ما فكرتش تسقظ موتور 2000 علي عربيتك وتغدل الفرامل

عربيتي فيها شوية بارومه وانا بصراحه اتخنقت منها ونفسي اغير لمجرد التغيير

**shaddadfalcon1** · 12-03-2011 08:56 AM

طيب انا عايز اعرف لو حبيت اجيب جديد ايه نظام التقسيط؟ والمقدم؟
يعني لو معايا 45 وعايز اقسط الباقي بيبقي ايه القسط والفوايد وكده؟

يعني بدل مااوجع دماغي في قديم تاني