اتخبطت مرتين امبارح

**mailo** · 14-03-2011 12:12 PM

امبارح وأنا رايح الشغل فيه واحد ابن حلال خبطني بس فالمراية والمراية اتفتحت معاه وبعد ماكحت عربيته هو بالكامل راح واقف طبعا نزلت وقلتله رأيي الشخصي فيه وفي أهله وسبته ومشيت

المصيبة بقى في بالليل في امتداد اللاسلكي قدام موبيل فيه ميدان وأنا ماشي في أمان الله لقيت واحدة بنت 60 تييت بتلف الميدان وماشيه بالراحة ومطفية نور العربية المهم أنا كده كده ماشي على طول وقدامها بكتير فمرة واحدة ألاقيها راحت داخلة فالرفرف اللي ورا وال عربية بتاعي من قوة الخبطة لفت وكانت هتطلع على الرصيف رحت عادل الدركسيون يمين وألاقي الخبطة التانية في الاكصدام اللي ورا
نزلت ابص عالعربية لقيت العربية مخبوطة فالرفرف بس أصل الخبطة كان في العجلة نفسها إزاي معرفش بس الطاسة متفرتكه والرفرف مخبوط

المهم نزلت من العربية تقولي "حضرتك ....." ولسة هتكمل الكلام بقى وإن أنا كان المفروض أعمل إيه مش عارف
رحت مزاعقلها وفهمتها إن اللي هي عملته ده سواقة سكرانين وبصراحة معرفتش اعملها إيه تاني بس استفزتني قوي
يعني العربية كلها معدية قدامك وإنتي مش شايفاها مثلا وأنا اللي ماشي على طول مش باخد ملف وبعدين خبطي العربيه مرة تدوسي فرامل مش تكملي وهي أصلا عربيتها كلها مداشدشا ومتمعجنا وشكلها كده ماضيها حوادث رحت سايبها وماشي

المهم أنا عايز اكشف عالعجلة اللي ورا دي عشان الوسواس القهري اشتغل وبيتهيالي إنها ميلا شوية بدل مكانت كده | بقت /
فكشف زي ده يبقي فين سمكري ولا بتاع زوايا ؟ ولا حد تاني

وحسبي الله ونعم الوكيل فالغجر اللي بيمشوا يلبسه الناس مصايب دول

**mahmoudysf** · 14-03-2011 01:41 PM

قدر الله ما شاء فعل
بالنسبة للعجلة شوف بتاع زوايا كويس هيعرف لو فيها حاجة

**dr.hany** · 14-03-2011 02:37 PM

المشاركة الأصلية كتبت بواسطة mahmoudysf

قدر الله ما شاء فعل
بالنسبة للعجلة شوف بتاع زوايا كويس هيعرف لو فيها حاجة

11111111111111111111111111111111111111111111111

**mailo** · 14-03-2011 02:58 PM

شكرا يا رجالة على المساعدة
بس أنا كنت فاكر إن التظبيط ده بيبقى قدام بس
طب حد يعرف حد بتاع زاوية كويس فالمعدي الجديدة ومحيطها وال أفضل طبعا بنزينة عندها جهاز الظبط

**mustafavet** · 15-03-2011 07:37 PM

نصيحه ابقي رصص بعدها علشان مليون في الميه هتلاقي العربيه هتعوم منك

**mailo** · 15-03-2011 09:10 PM

هي لسة معملتهاش بس علم وجاري التنفيذ بس فالويك اند بقى

**tiger451** · 15-03-2011 11:56 PM

الف حمد الله علي سلامتك

**mhmdalsaadany** · 16-03-2011 04:21 AM

حمد لله على السلامه يا باشا ونصيحه اكشف على المساعدين والعفشه الخلفيه كلها كويس عند حد مضمون وفاهم وربنا يسترها معاك

**ahmed_mido1889** · 16-03-2011 04:39 AM

اهلا يا زميل الكفاح

في محطه كالتكس اللي قبل الاوتو ستراد بعد ماكدونلز علي اليمين

بروحلوهم بظبط هناك زوايا

بس في واحد رايح اجربه يوم الخميس ان شاء الله في المعصره او حلوان

خال واحد صاحبي

علشان عندي في حدفه يمين نتيجه النقر والبلعات والمطبات الفجائيه

واخر ظبط زوايا كان في 2009

سنوافيكم بالتقرير بعد التجربه

**mailo** · 16-03-2011 10:43 AM

المشاركة الأصلية كتبت بواسطة tiger451

الف حمد الله علي سلامتك

الله يسلمك ويباركلك

المشاركة الأصلية كتبت بواسطة mhmdalsaadany

حمد لله على السلامه يا باشا ونصيحه اكشف على المساعدين والعفشه الخلفيه كلها كويس عند حد مضمون وفاهم وربنا يسترها معاك

شكرا للنصيحة هروح ابوص عالعفشة انل الزاوية وربنا يستر

المشاركة الأصلية كتبت بواسطة ahmed_mido1889

اهلا يا زميل الكفاح

في محطه كالتكس اللي قبل الاوتو ستراد بعد ماكدونلز علي اليمين

بروحلوهم بظبط هناك زوايا

اللي في شارع النصر ؟

بس في واحد رايح اجربه يوم الخميس ان شاء الله في المعصره او حلوان

خال واحد صاحبي

أنا تعبت من المعصرة وحلوان دي مشوار جزمة أنا السمكري اللي برحله هناك

علشان عندي في حدفه يمين نتيجه النقر والبلعات والمطبات الفجائيه

واخر ظبط زوايا كان في 2009

سنوافيكم بالتقرير بعد التجربه

مستني تقاريرك وربنا يستر :)

الموضوع: اتخبطت مرتين امبارح

LinkBack

أدوات الموضوع

عرض

-

-

-

-

-

المواضيع المتشابهه

كنت هموت مرتين فى يوم واحد

لا يلدغ مؤمن من جحر مرتين

أيه اللخبطه دى.....( الظهر أذن مرتين )

خرطوم الباور ضرب مرتين

الكلمات الدلالية لهذا الموضوع

المفضلات

المفضلات

ضوابط المشاركة