زيت الباور بينقص بشكل غريب

**hamada_5034** · 16-03-2011 06:41 PM

السام عليكم
انا عندى مشكلة فى علبة البور والمشكلة هى ان الزيت بتاع الباور بينقص جامدة لدرجة ان كنت مالى القربة بتاعت الزيت من ثلات ايام والقربة فضيت ولما فتحت الكبوت وبصيت لقيت ان فى 3مواسير تحت علبة البور والمواسير دى عليها زيت بس مش عارف الزيت بينزل منين وكمان لقيت فى زيت بينزل جوة العربية عند الدوسات
وانا مش عارف اية السبب وكمان اية الحل المناسب اصلح العيب دا ولا الاسهل انى اجيب واحد استراد ولا انت اية رايكم فى الموضوع دا

معاه العلم ان العربية لانوس2 موديل 2000 اوتوماتيك

**أبو صلاح** · 16-03-2011 06:47 PM

انا عندي نفس المشكلة في الريو

وطلع التسريب من خرطوم الباور الظغط العالي
عرفت ان سعره 190 ومش لاقيه خالص

**ASD peugeot** · 16-03-2011 07:25 PM

كان عندي نفس المشكله و التسريب كان جوه عند الدواسات فيه حاجه اسمها اولسيه جبته ب 10 جنيه و تركيبه سهل جده في دقيقه واحده و من وقتها مش بزود زيت خالص

**mustafavet** · 16-03-2011 07:39 PM

انت محتاج تغير اولسيه علبه الدركسيون

**hamada_5034** · 16-03-2011 07:43 PM

طيب اولسية لو باظ يخلى الزيت ينزل من برة ومن جوة عند الدوسات

**ASD peugeot** · 16-03-2011 09:58 PM

اكيد طبعا و بيبهدل عند الدوسات اوي تصليحه سهل جدا و الموضوع بسيط

**hamada_5034** · 17-03-2011 02:28 PM

شكرا على النصحية

**jojowork1** · 18-03-2011 01:05 AM

اويل سيل الاسكترا لو باظ بيسرب جوه وبره العربيه بس مش عارف ازاي تغيره ساهل ياريت حد يقول عشان لما غيرته الراجل اخد 3 سعات فك الاسكترا وتغير واعاده تركيب وانا واقف بتفرج شغلانه كبيره جدا لدرجه ان الراجل طلب 60 جنيه شغل ايده بس

**ehabnew2004** · 22-03-2011 10:40 PM

حصل عندى الموضوع ده فى لانوس2 مو 2003 كان خرطوم الضغط لزيت الباور بيسرب تمنه 85 جنية الاصلى gm و غيرته فى التوكيل و من فترة قبل كده لاحظت وجود زيت بور فى الدواسة داخل السيارة و كان السبب اولسيه بيركب فى عمود الدركسيون و الموضوع كله ماخدش وقت خالص و كله بقى تمام المهم يكون الصنيعى فاهم أنا بفضل التوكيل لأنهم حافظين العربية الدايو وفاهمين هما بيعملوا أيه و كمان بيدوا ضمان على قطعة الغيار المتركبة عندهم لمدة سنة .

**M.Elgergawy** · 23-03-2011 01:02 AM

المشاركة الأصلية كتبت بواسطة jojowork1

اويل سيل الاسكترا لو باظ بيسرب جوه وبره العربيه بس مش عارف ازاي تغيره ساهل ياريت حد يقول عشان لما غيرته الراجل اخد 3 سعات فك الاسكترا وتغير واعاده تركيب وانا واقف بتفرج شغلانه كبيره جدا لدرجه ان الراجل طلب 60 جنيه شغل ايده بس

الموضوع فعلا مش سهل خالص انا كان عندي نفس المشكلة والدواسات من جوة ادبهلت وغيرت اللبات وهو فعلا اولسية ب 5جنيه بس لازم تتفك الاسكاترا عشان يغير الاولسيه وانصح صاحب الموضوع انو يعملوا بسرعة عشان ميغيرش الدواسات واللبات زي ما حصل عندي