عاجل وهام لكل موافق او معترض علي التعديلات -المؤقتة -

**ahmedbatoos** · 17-03-2011 02:36 AM

في خبر جديد

رصـد | اللواء ممدوح شاهين "عضـو المجلـس العسكـري" : فى حالة رفض التعديلات سيتم عمل إعلان دستوري بتعديلات جديدة مؤقتة وسيتم بدون استفتاء ولا يوجد إمكانية حاليا لعمل مجلس رئاسي

يعني الان اذا رفضت
1-البقاء في حكم عسكري بدون تحديد مدة
2-لا يوجد مجلس رئاسي
3-القبول بتعديلات لا اعلم ما هيتها راغما بدون اي استفتاء وترقيع في النهاية
4-عدم وجود اي اطار زمني ولا كيفي لوضع دستور جديد
5-ذيادة احتمالية وحدة عدم الاستقرار الا اذا سيطر الجيش بقوة علي الشعب

اظن ان الاخبار الاخيرة تهم المعترضين اكثر من الموافقين اظن ان الامر اصبح اكثر وضوحا في صالح الموافقة علي التعديلات المؤقتة
وشعرت من نبرة الجيش من مدة طويلة انه يريد التفرغ والوصول لحالة استقرار باسرع وقت بسبب التطورات الدولية السريعة من كل الحدود المصرية -ايطاليا تتحدث عن حرب عالمية ثالثة -

فما الرأي الأن الاقرب للنجاح والافضل

**د.أبونضال** · 17-03-2011 02:39 AM

طيب ووجعوا دماغنا ليه ما كانوا يعملوه من غير استفتاء من الأول .... لا أصدق الخبر

**FunnyMickey** · 17-03-2011 02:41 AM

لما قريت الخبر حسيت بحاجه واحده
الجيش بيقول ياتقولوا نعم ياحنوريكو شغلكو
:(

الخبر ده ممكن يقلب الموازين ويخلي اللي عاوز يقول لا يقول نعم مجبرا
يبقي استفدنا ايه
مكنتو عدلتو بالعافيه وخلاص

**casperinoo** · 17-03-2011 03:35 AM

خبر ده اي كلام...انا اثق في الجيش ولا اتق في رئيس منتخب
الجيش من اول يوم لو كان عايز ينط علي الثوره كان عمل كده

**misoalex** · 17-03-2011 03:59 AM

الخبر ده اكيد غلط طبعا كانو قالو كده من زمان

وهو لوالخبر صح كده تبقى هى دى الديمقراطيه المصريه

**فتح الباب** · 17-03-2011 04:01 AM

رغم قسوة الاحكام العرفيه للجيش الا انها اهون بكثير من اننا نقول نعم وانا افضل ان اقول لا او نعم للاحكام العرفيه وده رد على عنوان الموضوع ( على فكره انا قرأت الدستور بأكمله مما جعلنى لا اعمل اى عمل اخر للكسب)

**migo9898** · 17-03-2011 04:06 AM

ياجماعة حتى لو الخبر صح كل واحد خد قراره وبرده هاقول لا

**a7madramadan** · 17-03-2011 05:10 AM

الخبر ده غير صحيح بالمرة .....ده مش تفكير الجيش و مش منطقي ...دا عاوز يخلص مش عاوز يعمل بلبلة و هيصه ضدهم .... انتم معتقدين يعني ان في حد فالدنيا يسكت لو الجيش فرضت تعديلات بدون استفتاء ؟؟ الكلام غير صحيح بالمرة