مشكلة في التدوير للعربية و هي سخنة

**M_selim** · 17-03-2011 10:34 AM

أهلا بكل الاخوة في المنتدى , انا عندي تمبرا كاربيراتير موديل 1997 و لكن فيها مشكلة غريبة لما بأدورها سواء ساعة الصبحية أو آخر النهار و هي باردة بتدور زي الحلاوة بدون أي مشاكل لكن لو كانت سخنة و جاية من مشوار و طفيتها لا يمكن تدور تاني الا لو بردت .

الموضوع ده مجنني يعني كذا مرة أدخل أمون في محطة بنزين و بأطفيها و بعد ما أمون و أجي ادورها ما تدورش غير زق و لو عمال المحطة مش عاجبهم البقشيش و رافضين يزقوا أفضل راكنها على جنب في المحطة عشر دقائق تبرد و بعد كدها أدورها و أمشي بيها .

الكهربائي قاللي ده عيب جلب المارش , فكيت المارش و خرطت جلب جديدة و برضه نفس المشكلة و لما رحت له تاني قاللي تلاقيه تقسيم سير الكاتينة مقدم و لازم تأخره شوية أو الاسبيراتير عالي .

أنا اللي شايفيه أن الاسبيراتير فاضي و ما فيهوش ابلاتين و كوندنسور و كله في ال digiblix و هي مضبوطة بضبطة الفابريكا يعني ما فيش حد بيلعب فيها .

رحت للميكانيكي قاللي ما فيش حاجة اسمها تقسيم سير الكاتينة في التمبرا ده كان زمان ايام ال 128 القديمة بتاعتي لان تقسيم سير الكاتينة فابريكا و ما حدش بيلعب فيه .

الاخوة في منتدى الفيات قالو لي أن المشكلة بسبب البوبينة و أنها تحتاج تغيير لكن نفسي أعرف السبب ايه اللي بيخلي البوبينة تفصل كهرباء لما تسخن ؟؟؟؟؟؟؟؟؟؟؟؟؟؟؟؟؟؟

ميشيل سليم

**mahmoudbadr** · 17-03-2011 01:01 PM

المشاركة الأصلية كتبت بواسطة m_selim

أهلا بكل الاخوة في المنتدى , انا عندي تمبرا كاربيراتير موديل 1997 و لكن فيها مشكلة غريبة لما بأدورها سواء ساعة الصبحية أو آخر النهار و هي باردة بتدور زي الحلاوة بدون أي مشاكل لكن لو كانت سخنة و جاية من مشوار و طفيتها لا يمكن تدور تاني الا لو بردت .

الموضوع ده مجنني يعني كذا مرة أدخل أمون في محطة بنزين و بأطفيها و بعد ما أمون و أجي ادورها ما تدورش غير زق و لو عمال المحطة مش عاجبهم البقشيش و رافضين يزقوا أفضل راكنها على جنب في المحطة عشر دقائق تبرد و بعد كدها أدورها و أمشي بيها .

الكهربائي قاللي ده عيب جلب المارش , فكيت المارش و خرطت جلب جديدة و برضه نفس المشكلة و لما رحت له تاني قاللي تلاقيه تقسيم سير الكاتينة مقدم و لازم تأخره شوية أو الاسبيراتير عالي .

أنا اللي شايفيه أن الاسبيراتير فاضي و ما فيهوش ابلاتين و كوندنسور و كله في ال digiblix و هي مضبوطة بضبطة الفابريكا يعني ما فيش حد بيلعب فيها .

رحت للميكانيكي قاللي ما فيش حاجة اسمها تقسيم سير الكاتينة في التمبرا ده كان زمان ايام ال 128 القديمة بتاعتي لان تقسيم سير الكاتينة فابريكا و ما حدش بيلعب فيه .

الاخوة في منتدى الفيات قالو لي أن المشكلة بسبب البوبينة و أنها تحتاج تغيير لكن نفسي أعرف السبب ايه اللي بيخلي البوبينة تفصل كهرباء لما تسخن ؟؟؟؟؟؟؟؟؟؟؟؟؟؟؟؟؟؟

ميشيل سليم

أعتقد ده بيكون عيب رشاشات

لما تكون الرشاشات بتسيل

العربية بتتأخر فى الدوارة و هى ساخنة

خللى الميكانيكى يجرب لك طقم رشاشات

أو تروح لحد بتاع إستعمال تتفق معاه

و تأخد الرشاشات تركبهم لو إتظبطت تحاسبه

لو مظبطتش ترجعهم له

**SAMEH_FOUAD** · 19-03-2011 08:06 AM

اول حاجة هتشوف الموبينا لما العربية تسخن وتمشى بيها مشوار بطلها ودور لو مادارتش هات قطعة قماش مندية وحطها على الموبينة بحيث انها تبرد بسرعة لو دارت يبقى اتاكدت ان العيب منها لان دة احد عيوب الموبينة بس دة اختبار ليها

وفية بردة سبب تانى ممكن يعمل كدة وهو كتاوت بنزين بس لو عندك طلمبة بنزين كهرباء هتبقى الكتاوت دية موجودة لو ميكانيكية مش هتلاقيها

دة لما بتسخن خلاص مابترضاش دور غير لما تبرد شوية

**hemalotfy** · 19-03-2011 09:30 PM

جرب فوطة مبلوله على الموبينة لو اشتغلت يبقى عيب موبينه ومحتاج تتغير

**saadelden** · 20-03-2011 05:56 PM

احتمال كبير الموبينه

**M_selim** · 21-03-2011 12:22 PM

الاخوة في المنتدى شكرا لكل من ساهم بخبرته

لقد جربت تركيب البوبينة الجديدة و على فكرة هي ب 140 من الكيلاني و تركي برضه مش ايطالي و لكن العيب مازال ليس منها , يعني العربية لما بتكون سخنة ما بلتقطش أصلا .

يعني بأسمع صوت تكتكة المارش بدون ما الموتور أصلا يدور و المارش بيكون معلق و مش راضي يدور العربية فيه واحد صاحبي قال لي أن ده عيب أوتوماتيك المارش و أنه بيفصل عند السخونة .

أنا عايز أعرف ايه حله هل ممكن الاتوماتيك فعلا يعلق مع السخونة و ايه السبب و هل ممكن أصلح الاوتوماتيك و الا بيتغير و الا المارش كله لازم يتغير ؟؟؟؟؟؟؟؟؟؟؟؟؟؟؟؟

رجاء الافادة من الاخوة

ميشيل سليم

**hemalotfy** · 21-03-2011 08:49 PM

خلي كهربائي كويس يكشفلك على المارش اعتقد انه محتاج جلب

**M_selim** · 22-03-2011 11:09 AM

شكرا للأخ هيما أنا فعلا رحت للكهربائي من فترة بسيطة و خرطت جلبتين جداد و غيرت شربونات و رحت له امبارح
و استنيت عنده لما العربية سخنت و طفيتها و جيت أدورها تاني مادارتش فكشف على المارش و هو سخن و طلع العيب من موبينة المارش و كان فيها جزء محتاج لحام لانه عامل سيريال .

الحقيقة أنا شفته بيلحم الجزء الخلفي من موبينة المارش و بعدها العربية بتدور بسرعة رهيبة حتى و هي سخنة حد عنده فكرة هو عمل ايه علشان نبقى فاهمين و الكل يستفيد ؟؟؟؟؟؟؟؟؟؟

ميشيل سليم