+11111111111111111111111111111111السلام عليكم
عندى شوية كلام للمصلحة العامة وبلاش حد يزعل منه
طبعا اى حد بيشارك فى المقارنات نيته الخير ومساعدة الزملاء بس احيانا يتحول حسن النيه الى عذاب وحيرة لصاحب الاستفسار
تلاقى ناس داخلة تقول العربية الفلانية مية مية واوعى تشترى غيرها وهتريحك قوى وواحد تانى داخل يقوله اوعى دى عربية زبالة وكلها مشاكل ومالهاش قطع غيار وكل عربية تكون قطع غيارها غالية الناس تقول غالية بس بتعيش يا جدعان خلاص ما اتبقاش غير 128 اللى ما اتقالش عليها كده
طبعا كلنا عارفين ان كل عربية فيها ميزات وعيوب حتى السيات 133 اكيد فيها ميزة او اثنين عن مرسيدس200 موديل 2011 وحتى البى ام فيها عيوب وبلاش كلمة "بيقولو "
اهم حاجة توضيح صريح لكل المميزات والعيوب وصاحب القرار يرى ايهم لا يشغله عيوبها ويحتاج مميزاتها حسب استخدامه و طريقة سواقته
فليا عند اخوتى كام رجاء اللى بيهم فعلا صاحب المقارنة هايستفيد
المقارنة بين السيارات بصورة حيادية يعنى الفلانية تتميز ب كذا كذا والعلانية كذا كذا
توضح كامل العيوب والميزات لكل سيارة
توضيح مصدر المعلومات ان كان اقتناء او سماعى او مع شخص مقرب
وضع امثلة قدر الامكان لاسعار قطع الغيار ومدى توافرها ونسبة السعر / العمر الافتراضى جيدة ام لا
موضوع الشكل الخارجى ده اكيد ما حدش المفروض يبدى رايه فيه الا صاحب القرار
توضيح العيوب الثابتة لتصميم للسيارة مثل كبالنها بتبوظ بسرعة او عفشتها ضعيفة الخ
توضيح الميزات الثابتة للتصميم زى الحوض واسع للشغل او فراملها قوية
المفروض تكون الافادة فى بعض الحاجات بسئ او متوسط او جيد
الاتزان الثبات
السحب
الاتساع
استهلاك البنزين ونوعه80/90/95
توافر قطع الغيار وسعرها
سهولة الصيانة
التكييف
العزل
السخونة
القابلة للتعديل
نعومة العفشة
الكماليات الاصلية المتوفرة
سمعة التوكيل
قوة الصاج
مستوى الامان
سعر السيارة / مستواها
وضوح الروئية لابعاد السيارة
وختاما احب اشكر اى حد بيساهم فى مساعدة غيره وجزاكم الله خير على ثواب النصيحة للغير
المفضلات