نداء الى كريم منير محل رائع للفيات (مفاجأه من العيار الثقيل )

**khaled_bibo** · 19-03-2011 02:46 PM

السلام عليكم

من غير مقدمات كنت امبارح في شارع فيصل الشارع الفاضي خالص ده و مافيهوش زحمه (يا رب سامحني ) و كنت بدور على محلات قطع الغيار لقيت محل ...................

دخلت المحل طبعا محل كبير و فخم و عنده كل قطع الغيار من اول ال 124 لغاية اجدد عربية في فيات و عنده كمان للألفا روميو طبعا انا كنت سألت على كام حاجة كده تخص ال 128 اولا طقم الدراعات لقيته ب 120 سعر حلو جدا لأن الدراع ده قليل شوية و الدينامو سألت عليه و يا ريتني ما سألت لقتيه ب 850 جنيه !!! و المارش ب 1000 جنيه طبعا الاسعار ديه غاليه عشان قطع الغيار ديه نادرة و مش
كتير بيجيب جديد عشان كده انا طبعا عجبني المحل جدا لأنه عنده كل حاجة فكنت عاوز الاستاذ كريم منير يعملنا تخفيض معاه بأي نسبه عشان نستفيد كلنا كأعضاء
..........................................

يمنع وضع الإعلانات التجاريه
مشرف ١٤ ب

**yoko** · 19-03-2011 02:53 PM

ممكن تطلب منهم ونجيب العرض تديه لكريم وتشوف رأيه ومعلش الموضوع لازم يتحذف لإنه يعتبر إعلان تجاري

**yoko** · 19-03-2011 03:01 PM

تمام ممكن نشوف حد من الأعضاء بس ياخد موافقة كريم الأول

**khaled_bibo** · 19-03-2011 03:53 PM

المشاركة الأصلية كتبت بواسطة khaled_bibo

\
..........................................

يمنع وضع الإعلانات التجاريه
مشرف ١٤ ب

و الله انا كنت حاسس يا مشرف القسم المحترم انا و لا اعرف صاحب المحل ده و لا ده يعتبر اعلان تجاري ديه مجرد نصيحه يعني زي اما حد بيقول على صنايعي كويس و بيكتب عنوانه و تليفونه ده يعتبر نفس القصه و اكيد حضرتك هتقولي اطلع على قواعد المنتدى و انا قرتها كويس 100 مره قبل اما اكتب الكلام ده يا ريت قرارات الاداره متكونش سريعه

مبدأيا يمنع التعليق على قرارات الإدارة وأحب الفت نظر حضرتك إنه لم يتم تنفيذ أي عقوبة للتأكد من نيتك ولكن ذلك لا يمنع إن وضع العنوان ورقم الهاتف يعتبر دعايا إعلانيه وإن كانت عن غير قصد
مشرف 14ب

**khaled_bibo** · 19-03-2011 05:37 PM

شكرا للادراه و انا اسف اني اغفلت موضوع التعليق على قرارات الاداره

و انا برضه هستنى كريم منير يدخل الموضوع و ابعتله العنوان في الخاص و انا اسف على سوء الفهم اللي حصل مني

**ahmedelnahal** · 20-03-2011 12:43 AM

هو ده المحل اللى فى الطوابق ؟؟؟؟

**khaled_bibo** · 20-03-2011 11:57 AM

تقريبا كده بس انا معرفش اي حاجة في فيصل خالص

**ahmedelnahal** · 20-03-2011 05:06 PM

ايوه انا ساكن قريب منه بس المحل ده اه ممكن تلاقى قطع غيار قديم ماشى لكن جديد مظنش
لانى سألته مره على الفوج عندى قالى لو عاوزه ممكن اطلبه من بره ..
فهو ممكن تلاقى عنده الحاجات الأساسية بس .