الزيت التخليقي افضل وبيقعد فترات اطول و بيقلل التاكل بشكل كبير مثلا موبيل ون
الزيت المعدني يستخدم في العربيات الأقدم و عمرة مش كبير في العربية مثلا موبيل xhp
لو عربيتك زيرو تستعمل تخلقي علاطول
لو جايبها مستعملة متعرفش صاحبها عمل بيها اية يبقي معدني
مينفعش تبدل ما بينهم لو بطلت تحط تخليقي و حطيت معدني معدش ينفع ترجع للتخلقي لأنك مش هتستفيد اي حاجة
انا شخصيا بستعمل زيوت معدنية لأن عربيتي قديمة موديل 97 وبغير الزيت قبل المعاد بفترة
وعشان تكشف علي الزيت و تعرف اخبارة تعمل الأتي
1- ترفع المقاس و تمسحة بفوطة و تقيس تاني والعرية باردة
2- تاخد نقطة زيت علي ايدك وتشمها هل ريحتها محروق
3 لو الزيت خفيف قريب من المية ولونة غامق و ريحتة محروقة لازم يتغير
4- لو الزيت لية لزوجة بس غامق و مفهوش رائحة حريق يبقي قرب معادة
5- لو فاتح و لزوجة كويسة و مفهوش روائح يبقي لسة بدري
اتمني اكون افتدك و تقبل مروري
المفضلات