تيل فرامل فيات بونتو 2002

**killypunto** · 20-03-2011 10:13 AM

ممكن حد يفيدنى فى اسرع وقت النهارده ايه نوع تيل الفرامل اللى ينفع للفيات بونتو 2002 - 5 باب و منين و بكام
بس بلييييييييييييز ضرورى عشان لازم اشتريه النهارده

**Moe86** · 21-03-2011 03:37 AM

أشهر واحد لقطع غيار الفيات الجديد هو الكيلانى فى شاررع شامبليون قريب من محكمة القضاء العالى فى وسط البلد, القاهرة طبعا

**killypunto** · 21-03-2011 08:39 AM

شكرا يا باشا ......... هو ممكن يعمله كام التيل ده؟ و لو قلتيلو عليه هو هيديهولى على طول ولا لازم اخد القديم معايا يجيبلى زيه؟

**Moe86** · 22-03-2011 04:32 AM

لأ هو عارف على طول, ممكن يسألك بس العربية 8 صباب ولا 16
و فى ميكانيكى فيات لازق فيه لو احتاجته يبصلك على حاجة و تديله 5 ولا 10 جنية , و ممكن يركبلك التيل كمان
تمنه مش فاكر كام بصراحة , لأنى غيرته مرة فى التوكيل من سنة و نص , بس هو فى حدود 220 جنيه

**killypunto** · 22-03-2011 11:56 AM

lعلش لنا عارف ان انا بزعجك باسألتى الكتير بس كنت عايز اسأل بردو هو الكيلانى او لو فى مكان تانى كويس ممكن يتعامل بالفيزا ولا لأ؟ لانى ممكن اشترى كذا حاجه

و لو فى طريقه انا اعرف بيها عدد الصبابات لان التيل بايظ خالص و ممكن مقدرش اتحرك اصلا بيها.

اخر سؤال انا اسف, التوكيل اللى بتتعامل معاه اسمه ايه و فين و اسعاره كويسه ولا لأ؟

شكراااااااااااااااااااااا ااااااااااا بجد على المساعده بس انا فعلا رغم انى جايب العربيه من شهرين بس تعبان شويه فى قطع الغيار عشان لسه فى الاول بس :)

**Formulator** · 22-03-2011 04:46 PM

المشاركة الأصلية كتبت بواسطة killypunto

و لو فى طريقه انا اعرف بيها عدد الصبابات لان التيل بايظ خالص و ممكن مقدرش اتحرك اصلا بيها.

ده الموتور 1242 8v وأعتقد أنه ده اللى عندك:

By formulator at 2011-03-22

وده الموتور 1242 16v وماعتقدش انه عندك لأنه كان بينزل عـ البونتو speedgear فـ 2004:

By formulator at 2011-03-22

المشاركة الأصلية كتبت بواسطة killypunto

اخر سؤال انا اسف, التوكيل اللى بتتعامل معاه اسمه ايه و فين و اسعاره كويسه ولا لأ؟

التوكيل هو أوماترا... والفرع الرئيسى فـ جسر السويس أمام سوق القنال.. وفيه مراكز الصيانة المعتمدة زى النيل الهندسية (الوكيل القديم) والبرقان.. وده الناس بتشكر فيه أوى...!!