الموضوع: درفتاتى لانسر ايفو x صور + فديو منتظر رأيكو !!

جميل اوى اوى

المشاركة الأصلية كتبت بواسطة mr_vampire

ههههههههههههههه انا برده صدقت الصور وكنت فاكر الرصيف سور جنبها.

ياريت لو تقولي سعرهم او اقدر اجيب حاجة كدة ازاي . عايز اجيب واحدة لابن اختي لانه مجنووووووووووون عربيات ( بس طبعا هلعب بيها انا كمان ). وطبعا ياريت تكون شحن مش بطارية.

شكرا مقدما

اهلا فامبير ازيك

انصحك متفكرش فيها الا لو فلوسك كتير العربيه دى سحبت فلوس كتير منى من غير محس والله
لانها مش بتروح تجبها كدا وبس
العربيه بتتجمع وتتركب لدرجه انى انا اللى راششها بتيجى مش مرشوشه وبترش انتا البدى باللون اللى يعجبك

العربيه انا جتلى قطع كتير جدا جدا وركبتها فى 3 ايام متواصل قاعد شغال فيها لحد مضهرى اتقسم ههههه ودى صوره اول مطلعت القطع قبل مركب اى حاجه

http://www.linux-op.com/imgs/MyRC/08012011380.jpg

العربيه بيتكون عباره عن شاسيه وبتشترى الجنوط لوحدها والكوتشات والموتور برضه لوحده وبتختار قوته ايه وبتشترى الريموت لوحده والبطاريه لوحدها والشاحن لوحده .. الخ يعنى مفيش حاجه جايه مع حاجه كل حاجه انتا اللى بتشتريها وبتختارها

وكل حاجه فيه منها امكانيات
يعنى بالنسبه للريموت فيه مسافات وامكانيات زياده كل واحد بسعر مختلف
والبطاريه برضه بسعه معينه والشاحن برضه مش بيجى مع البطاريه انتا بتشتريه لوحده وفيه انواع كتير من الشواحن كل واحد بسعر مختلف حسب امكانياته
وبرضه البدى ممكن تجيب اكتر من واحد او تغير بمزاجك زى الافليوشن والنيسان اسكاى لاين وفيه جميع انواع كتير طبعا

طبعا فيه اكسيسوريز كتيير جدا ليها فوق ما تتخيل انا جبتلها طبعا شويه اكسيسوريس لكن مش كتير زى الفوانيس واللمبات الزينون البيضا والزرقه والحمرا وفيه اجهزه برضه بتتحكم فى الاضائه بتتجاب زياده بتتحكم فى الاشارات وهكذا

كانك جبت عربيه حقيقيه وبتظبطها اكسيسوريز

العربيه مفيش منها فى مصر جبتها من امريكا عن طريق الشحن اتكلفت لحد دلوقتى من غير محس مايعادل 5000 جنيه مصرى تقريبا تكلفتها الخالصه بالاكسيسوريز عملت 3500 جنيه ومصاريف الشحن 1500 جنيه وكانت صدمه جبتها DHL

وممكن توصل العربيه ل 10 تلاف جنيه كمان لو جبت موتور اعلى او اكسيسورز كفائه اعلى واكتر
من الاخر العربيه كانها حقيقيه بالظبط لا تختلف عنها شىء سوا الحجم
وللعلم ليها اجهزه ترصيص وضبط موتور ... الخ

المشاركة الأصلية كتبت بواسطة funnymickey

يانهار ازرق
انتا بتتكلم بجد
5000 جنيه
حتي الطفل لو حلم بايفو ابوه حيضربه
لا اله الا الله
يعني الواحد مش مكتوبله لا يركبها ولا حتي يلعب بيها
ههههههههههه
بس بجد
مش عارف انتا لو قدامي دلوقتي كنت عملت فيك ايه
:)

بس انتا ما شاء الله عليك
دماغك حلوه والله
انك تجيب حاجه زي كده وتركبها
وكمان تلعب كده
مش اي حد يعمل الدريفتات دي:)

ههههه على فكره ياباشا العربيه دى مش للاطفال دى هوايات للناس الكبيره وبيتعمل بيها مسابقات وبطولات بتعملها شركات كبيره اجنبيه حتى لو الطفل جه يلعب بيها مش هيعرف لان تحكمها صعب شويه لازم تتعود عليه

غير انى زى مقلتلك العمليه كانت بسيطه وبدات تكبر حبه حبه انا لو كنت شوفت سعر ال 5000 جنيه دا قبل مشتريها طبعا مكنتش جبتها

لكن فتحت كدا بالاغرائات يعنى مثلا حبيت اجيب بطاريه اكبر فى السعه علشان تعد وقت اطول فرق 10 دولار مثلا وشاحن اسرع علشان يشحن اسرع وامكانيات اعلى فرق عن اللى تحته 12 دولار حبيت جيب اجهزه الاضاءه علشان اتحكم فى اضائه فوانيس العربيه زى منتا شايف حبيت ازود واجيب زينون ابيض وازرق طبعا كل حاجه عمال تشوف الاحسن وتلاقى فروقات مش مستهله اوى لحد موصلت للمبلغ دا والصدمه الاكبر مصاريف الشحن مكنتش متوقع ان الجمارك صعبه جدا كدا فى الالعاب وفى الشحن

الموضوع كله جه فجأه وعن سرحان مش أكتر

لكن العربيه ممتعه جدا فى اللعب واقعيه 100%