سؤال للى غير طرمبة البنزين قبل كده

**mada_76** · 22-03-2011 10:51 AM

السلام عليكم
معايا عربية جيتز
العربية وانا ماشي بتنتش نتشة كده على السريع وتكمل عادي . وبعدين من حوالى اسبوعين كده وانا ماشي بيها بطلت خالص وركنت على جنب وحاولت ادور العربية مش عايزة تدور كأنها قاطعه بنزين . 10 دقايق كده من المحاولات وبعدين بتدور وبتمشي عادي جدا .
وبعدين عملت نفس الحركة من اربع ايام كده والمرة دي طولت اكتر على ما درات . وبعد مامشيت بيها فضلت تنتش كده برضه وانا على الرابع لكن مشيت بعد كده عادي .
روحت مركز الخدمة والعربية اتحطت على الجهاز وماطلعش اي مشكلة . وقالولي انها احتمال كبير تكون طرمبة البنزين ووصلوا الطرمبة بجهاز الضغط بس طبعا العربية كانت مظبوطة فالقياس طلع مظبوط برضه .
العربية بتدور الصبح عادي جدا ومافيش اي مشكلة والبوجيهات جديدة والسلوك كويسة ومغير الزيت والفلتر بتاع البنزين متغير من حوالى شهر وكله تمام .
المشكلة اني مش عايز اغير الطرمبة ويطلع العيب مش من الطرمبة خصوصا انها بـ 900 جنيه .
ياريت لو حد حصل معاه نفس الاعراض دي يقولي كان حلها ايه او لو حد غير طرمبة البنزين يقولي كان بيحصل ايه او لو حد يفسر لي اللى بيحصل ده من ايه اكون شاكر ليه جدا لان الموضوع ده قالقني خصوصا اني معظم مشاويري على الطريق الدائري وبيكون معايا مراتي والوضع الايام دي مش مستحمل العربية تقف بينا على الدائري خالص .

**CryptonX** · 22-03-2011 11:03 AM

انا غيرت الطرمبة مرتين .. مرة غيرت الطرمبة كلها على بعض 1250 جنيه و مرة جبتلها قلب فقط من سيارة اخرى ب 150 جنيه .

عامة الاعراض مختلفة بصراحة .. العربية عمرها ما نتشت معايا ... هي مرة واحدة كدة كنت راكن و سايبها شغالة فوق ال 20 دقيقة ... راحت مبطلة لوحدها و رفضت تدور تاني ابدا ...

وكان عيب بنزين مغشوش + اني دايما بستنى لحد ما التانك يفضى خالص قبل مامون و ده غلط

والمرة التانية نفس الحكاية .. تقريبا بس غيرت القلب بس ب 150 جنيه و اشتغلت .

فانت اصبر لما يحصل العييب و انقلها في ساعتها للورشة او التوكيل و خليهم يقيسوا الضغط .. لو ضعيف فعلا او في مشكلة ممكن تغير الطرمبة او القلب لو في عربية شبيهة او مماثلة في قطعة الغيار .

انا مغير قلب ببتاع سيارة لانوس .. وبقالها الحمد الله 40 الف كم تقريبا ولم اشتكي من شيء.

**ahmed_h_g** · 04-04-2011 03:48 AM

ممكن تكون الفيشه أو الفيوز الخاص بالطلمبه فيه مشكله

**sonystar** · 06-04-2011 03:43 AM

انا غيرتها مرتين مرة الطرمبة قطعت خالص

ومرة الكبس بتعها قل ولما الكبس قل العربية كانت مخنوقة فى المشى مش عايزة تمشى لازم تسايسها

وغيرتها العربية رجعت احسن من الاول لان تقريبا كان الكبس بتعها وحش من الاول

ودلوقتى الطرمبة تقريبا عايز تتغير لانها طالع منها صوت صفيرة مش زنة

وسعات زى ما انتا بتقول تنتش معايا بس كل فين وفين اقرص على غيار تنتش وتكن فا تقريبا منهاا

بس انا عندى الطرمبة ريخصة اليانى فى محلاتقطع الغيار بتاعت الميتسوبيشى 150 فا هبقى اجبها

بس حكاية التنتيش بتحصل مرة فى الاسبوع ممكن لاكن مش علطول

طب حضرتك مينفعش يركب عندك حاجة من بتاعت الانسر او الدايو الحاجات دى رخيصة جرب واتاكد