الموضوع: سؤال عن خروجة للاهرامات

ههههه.(بضحك على خروجة لله يا محسنين)

الاهرامات مفتوحة من الساعة 8.30 ل 4 والتذكرة ب 2 جنيه والعربية ب 2 جنيه.

طيب القرية اللى على المريوطية مشهورة بايه؟ انا اعرف قريتين واوحدة فى مدخل سقارة.

واحدة تاجير خيول وجمال والعاب اطفال.

واحدة اسمها فجنون وديه بتعلم الاطفال التشكيل بالطين والصلصال وميزتها انها مكان مفتوح وخضرة كتير.

قرية سقارة: ركوب خيل-جمال وشوى و تاجير شاليهات على حمام السباحة لمدة يوم (Day Use)

ولو محتاج تعرف حاجة تانى اسال بس.

المشاركة الأصلية كتبت بواسطة شريف

شكرا يا باشا بس اوصل ازاي القري دي ؟ و ايه نظام قريه سقارة ؟ هتعدي جامد في الفلوس ؟

قرية المريوطية : اول ما تنزل من نزلة المريوطية - الدائرى هتبقى القرية اللى على يمينك علطول

قرية فجنون (سبيل ام هاشم) على ترعة المريوطية وانت فى طريق سقارة تقريبا بعد مطعم العزبة بحوالى 5 كيلو.

قرية سقارة :Saqqara Country Club وللاسف مش هقدر افيدك فى سعرها بس مش غالية اوى ممكن انتوا الاتنين ما بين 200-350

ايه موضوع نزلة السمان دة - يعني اروح نزلة السمان و اركب خيل من هناك للاهرامات؟

بلاش بتوع نزلة السمان الا لو حيلك طويل فى الفصال.وعلى العموم متدفعش اكتر من 50 جنيه للفرد على حصان او جمل وبنسميها فى السياحة Sun set camel ride وبتبقى عبارة عن ساعة ونص لساعتين من اول ما تركب لحد مكان معين فى الصحرا تتفرج فيه على الغروب على الاهرامات.بس مش هتبقى جنب الاهرامات خالص.هتبقى على الاقل 3 كيلو بعيد عنهم.

بص بقى يا باشا ك لو انت وخطيبتك من محبى الغروب والنجوم والمناظر الطبيعية يبقى منظر الغروب على الاهرام هيشدك لكن لو لا خروجة والسلام يبقى خليك فى حاجة تانية بدل ما تركب ساعتين وتنزل رجليك مفككة وفى الاخر متكونش مبسوط.