الفرامل والفتيس!!!

**beshomilan** · 23-03-2011 07:59 PM

اهلا يا اخواتى...
مشكلتى ان الفتيس نقلاته تقيلة فى الاول والتانى وبلاقيه بيعدى على خبطة كده وانا جاى اجيب التانى وساعات بس قليل يجيب الاول من المور بصعوبة جدا ويفضل مكلبش فى المور وساعات بقى الاقى فجاة الفتيس عمل صوت خبطة جامده وبعد كده الاقيه ناعم جدا وماشى زى الفل..علما ان حاله الدبرياج عندى مش كويسة وساعات بيطلع ريحة شياط قليل وانا ماشى فمش عارف ده ليه علاقة بيه ولا لا؟؟
انا حاسس ان الفتيس عايز تزييت ويتغيرله زيت..مش عارف بقى فى حاجة تانى ولا لا؟؟؟
وايه هو افضل زيت للفتيس واجيبه بكام ومنين وكام لتر؟؟
وسؤال تانى معلش
زيت الفرامل مش واصل لل ماكسيمم وواصل لفوق النص كده بحبة ياترى ده عادى ولا لازم يكون واصل للماكسيمم..علما ان العربية مش بتقف الا لو دست قبلها بمده
وايه هو افضل زيت وبكام ومنين ودرجة لزوجته كام؟؟وانزل القديم واحط الجديد ولا اكمل عليه بس؟؟
العربية اكسيل 1500 سى سى
وشكرا لتعبكم معايا

**A.Saad** · 23-03-2011 09:07 PM

اللى اعرفه
ما تخلطش نوعين زبت فرامل
وحاول تغيره كحد اقصى كل سنتين لانه بيمتص رطوبة

**ahmed_h_g** · 24-03-2011 06:34 PM

بالنسبه للفتيس أبتدى بتغيير الزيت الأول
أشترى زيت شل لزوجته 90 اللتر هتلاقيه بحوالى 15 جنيه وعربيتك الأكسيل هتاخد حوالى 2 لتر
بالنسبه لزيت الفرامل مش لازم يبقى واصل للmax وفى نفس الوقت متوصلوش لل min