الموضوع: نداء الى اهل الخبره فى النوبيرا

معايا نوبيرا 2001 اوتوماتيك السحب فيها ضعيف جدا غيرت
1- سير الكاتينه
2- زيت فتيس وفلتلر
3-طقم بوجيهات 2شمعه
والميكانيكى عمال بيشتغلنى اخر حاجه بيقولى هات طلمبه بنزين
مش عارف اعمل بجد تعبت ارجوا الافاده

المشاركة الأصلية كتبت بواسطة sheko_010

معايا نوبيرا 2001 اوتوماتيك السحب فيها ضعيف جدا غيرت
1- سير الكاتينه
2- زيت فتيس وفلتلر
3-طقم بوجيهات 2شمعه
والميكانيكى عمال بيشتغلنى اخر حاجه بيقولى هات طلمبه بنزين
مش عارف اعمل بجد تعبت ارجوا الافاده

بص يا كبير
هناك فرق ما بين سحب العربية والطلعة التقلية
لو تقصد الطلعة فكل الاوتو طلعتة تقيلة جدا لا يقارن بالمانيوال
اما لو كنت تقصد السحب بمعني التسارع فهناك عدة اسباب لقلة التسارع اهمها :
1- الرشاشات و حلها هتجيب رشاشات بي ام e40
2- الحساسات وخصوصا حساس الأكسجين او ما يسمي بحساس الشكمان دي تعرفها بالكشف علي الكومبيوتر
3- اي اعطال قديمة علي سبيل المثال المكنة ممكن تكون خفيفة وتهرب كبس ودي تعرف تقيسها في اي محطة في قياس كبس

لا انصحك بالبوجية الأتنين شمعة لأنة بيدمر الموبينة و لكن لو انت عاوز اداء صح هات بوجيهات بلاتينيوم برقم BKR6E سعرهم في حدود 100 جنية بس كفائة جدا وخصوصا علي الأر بي ام العالي هتحس بأدائهم فعلا و انت بتعمل كيك داون

طلمبة البنزين لو ضعيفة هتلاقي العربية بتنتش و تبطل وانت ماشي او تبطل اول ما تطلع او الأر بي ام تلاقية بينزل تحت 1000 ويوصل الي 300 او 400 لما تفرمل تشك ساعتها في الطرمبة

و لازم نتفق علي بعض الحقائق
1- لا يمكن انك تقفل امبير اي عربية اوتو موتورها اقل من 2000 سي سي الا في بعض العربيات النادرة "جدا" في حين ممكن بسهولة في المانيوال في اغلب الموديلات انت لو جبت بعربيتك 180 تعرف انها ممتازة و متحاولش تزود عن كدة
2- لو التسارع من 0-100 في المانيوال 11 ثانية هيبقي في الاوتو 13 او 14 هو العادي
3- الأوتو بيشبع غياراتة فبياكل بنزين اكتر في السرعات الأقل و يوفر في السرعات الأعلي ولكنة لا يقارن بالمانيوال في التوفير
4- الاوتو يتحمل انواع بنزبن اسواء بسهولة و صعب جدا تلاقي عربية اوتو بتصفق علي بنزين 80 و لكن علي حساب عمر الفلاتر سواء فلتر الطرمبة او فلتر البنزين و فلاتر الرشاشات ايضا اللي بيسموها الباكسيت فلترز