ايهما اشتري جديد ؟؟316vs c180

**badr5** · 25-03-2011 05:00 PM

بسم الله الرحمن الرحيم

عاوز ااشتري ومحتار بينهم عاوز اعرف مقارنه دقيقه جدا ؟؟؟

وكمان عاوز اعرف a5 ولا 316 مو 1999؟ ولا مفيش مقارنه بينهم

شكرا ليكوا وارجوا التعاون منكم

**omar-saad** · 25-03-2011 05:10 PM

العربيتين لاغبار عليهم
بس انتا محتاج ايه
المرسيدس قطع غيارها اغلى من ال316
بس المرسيدس اقوى لانها 1600 تيربو
دا غير ان البى ام فى المناورت اخف واثبت من المرسيدس
الاوكتافيا ماينفعش تدخل مابين الاتنين
الا لو انتا مش عايز عربية موديل قديم
وتريح دماغك والاوكتافيا ارخص قطع غيار فى الاوروبى كله
انا من رايى بى ام بالفتيس الجديد

**M.Alaa92** · 25-03-2011 10:21 PM

لو ركيب و ليك فى اللعب يبقى بى ام وش و الاوكتافيا تحطها بعد اما تدور على و مش تلاقى حالة كويسة فى البى ام عشان حيبقى موديلها عالى و فرصة انك تلاقى حالة نضيفة كبيرة

**amrseba** · 25-03-2011 11:34 PM

انا بالنسبالى طبعا هشترى مرسيدس شكلها احلى و افخم شكل الفئه ال 3 الجديد مش عجبنى مش زى المرسيدس حاجه وهم
و الاوكتافيا طبعا فرق السما و الارض البى ام افضل بكتييييييييييييير كمان حتى لو موديل 90 مع انها المانى بس برده انت بتتكلم فى دفع خلفى ياعنى بس لو ليك فى التخميس و الدريفتات يبقى البى ام امال المرسيدس عايزه بزنس مان و راجل دماغ

**ghazy12** · 26-03-2011 04:18 AM

انت بتتكلم في البدايه عن مرسيدس c180 و bmw 316 و الاثنين زيرو

رأي مرسيدس c180 اكيد و الأسباب كتيير...

1- سعر اعادة بيع عالي
2- موتور قوي
3- فخامه و بريستيج
4- مريحه
5- شكل اجمل و اشيك ( دي اذواق طبعاً )

قطع غيار المرسيدس اغلى, لكن معمره اكتر...

الاحساس ان البي ام اثبت في المناورات من المرسيدس ده علشان عفشة
البي ام انشف من المرسيدس شويه, و بالتالي بتديك (احساس) انها اثبت
لكن الواقع العملي ان المرسيدس ثابته جدااا جداااا طبعاً و عن تجربه

بالنسبه للاوكتافيا موديل 99, ولا بي ام نفس الموديل... طالما مستعمل
يبقى الحاله هي اللي تحكم... ممكن حالة الاوكتافيا تبقى احسن من البي ام
و بالتالي هيكون اختيار الاوكتافيا افضل اكيد, لكن بشكل عام, الاوكتافيا
اوروبي بتمن رخيص نسبياً, قطع غيار ارخص من البي ام, صاجها
قوي جداااااااااا بشهادة ملاكها, عربيه كويسه جدااا بشكل عام, و كذلك البي ام
لكن اظن موديل 99 مش هتبقى الفتيس الجديد... الخلاصه ان الحاله هي اللي تحكم

ده رأي بشكل عام, و ربنا يوفقك للخير...

**badr5** · 26-03-2011 07:18 PM

شكرا ليكوا
وفيه كام استفسار علي الكلام دا
1) هل فعلا المرسيدس والبي ام ميتركبوش الا 1800 او 2000 cc ولا دا كلام مش مظبوط ؟
2) حكايه 180 فيها تربو دا يعتبر عيب فيها ولا ميزه ؟
3) لو حد معاه المواصفات بالضبط يبقي تمام قوي ؟
4) انا اصدي ان a5 اكيد موديل جديد مفيش منها قديم اصلا وبين بي ام 1999 والبي ام لقيت سعرها 100-120 في الحدود دي وa5
95-100 يعني الفرق بسيط قلت ممكن يبقا في مقارنه ؟

انا بجد شاكر ليكوا لسرعه التعاون منكم

**AhmadAlaktah** · 27-03-2011 09:26 PM

المشاركة الأصلية كتبت بواسطة ghazy12

انت بتتكلم في البدايه عن مرسيدس c180 و bmw 316 و الاثنين زيرو

رأي مرسيدس c180 اكيد و الأسباب كتيير...

1- سعر اعادة بيع عالي
2- موتور قوي
3- فخامه و بريستيج
4- مريحه
5- شكل اجمل و اشيك ( دي اذواق طبعاً )

قطع غيار المرسيدس اغلى, لكن معمره اكتر...

الاحساس ان البي ام اثبت في المناورات من المرسيدس ده علشان عفشة
البي ام انشف من المرسيدس شويه, و بالتالي بتديك (احساس) انها اثبت
لكن الواقع العملي ان المرسيدس ثابته جدااا جداااا طبعاً و عن تجربه

بالنسبه للاوكتافيا موديل 99, ولا بي ام نفس الموديل... طالما مستعمل
يبقى الحاله هي اللي تحكم... ممكن حالة الاوكتافيا تبقى احسن من البي ام
و بالتالي هيكون اختيار الاوكتافيا افضل اكيد, لكن بشكل عام, الاوكتافيا
اوروبي بتمن رخيص نسبياً, قطع غيار ارخص من البي ام, صاجها
قوي جداااااااااا بشهادة ملاكها, عربيه كويسه جدااا بشكل عام, و كذلك البي ام
لكن اظن موديل 99 مش هتبقى الفتيس الجديد... الخلاصه ان الحاله هي اللي تحكم

ده رأي بشكل عام, و ربنا يوفقك للخير...

+111111111111
وفعلا المرسيدس اثبت وحسن بكتيييييييير ودا عن تجربه شخصيه

**hummerhassan** · 28-03-2011 05:03 AM

ال c180افضل من 316بكتير والتيربو ميز يعنى الc180تربو بتدى156حصان وال316بتدى120حصان والتنين ماتورهم1600ccوc180مفهاش تربو فيها كمبروسر حاجة زى التيربو انا من رايى ؤ180افضل وكمان قوة متورالc180نفس قوة bmw320iالىمتورها2000ccواى سوال انا تحت امرك

**adel1414** · 28-03-2011 07:13 AM

نصيحتى ليك القط واحدة 320bmw كسر زيرو او حالة الزيرو احسن كتييير وحتوفر معاك فلوس كمان

**ahmedsadek82** · 28-03-2011 09:43 AM

بداية , عايز اوضح ان الفرق بين ال 316 و c180 فرق مش قليل في السعر ,المرسيدس ب300000 و البي ام ب263000 يعني في حوالي 40000 فرق , فمن الطبيعي ان المرسيدس تكون فيها ما يعطيها هذا السعر , بس عمليا الفرق الرئيسي هو المحرك ال156 حصان لمرسيدس مقابل 115 حصان ابي ام , طبعا بالنسبة للثبات مقدرش اقولك ان في واحدة فيهم تتعيب في نقطة الثبات بالذات و لكن الhandling في البي ام افضل شوية , و برده عشان اكون واضح جدا السي 180 اقل حاجة في مرسيدس من ناحية التجهيزات و الكماليات زي ما ال316 اقل تجهيزات في بي ام ,, لو تفكر في 320 كسر زيرو 2010 احسن من الاتنين بكتييييييييييييير و السعر حيكون في حدود 260000 تقريبا , نقطة مهمة جدا كمان احب اوضحها هي ان مرسيدس ارخص من بي ام في الصيانة (قطع الغيار) بس بفرق مش كبير.

الموضوع: ايهما اشتري جديد ؟؟316vs c180

LinkBack

أدوات الموضوع

عرض

-

-

-

-

-

-

المواضيع المتشابهه

عايز اشتري n76 جديد

عايز اشتري موبايل جديد

ايهما تفضل تغامر فى طريق جديد ام الانتظار ساكنا

ايهما افضل c180 or e200

عاوز اشتري كاسيت جديد؟

الكلمات الدلالية لهذا الموضوع

المفضلات

المفضلات

ضوابط المشاركة