الموضوع: محتاج معلومات عن الالفا روميو 2001 اتوماتيك 2000 سي سي T-spark

أهلا بيك يا dramir1 ...
أولا حضرتك لازم تبقى عارف أن الـ2.0 قليلة جدا فـ مصر.. (تكاد تكون نادرة) خصوصا لو الـSelespeed 6 نقلات.. وهقولك ليه؟
العربية راااااااااااائعة كـ drive.. مفيهاش كلام, ولو فايقة (بحالتها) الأداء ده ولا BM ولا Merc عـ الأقل فـ التسارع, أن لم يكن فـ الهاندلينج كمان رغم أنها FWD..!!

والـ2.0 اسم على مسمى.. 156 حصان, العربية قعدت معايا سنة ونصف تقريبا, دلوقتى مع أخويا.. أنا هقولك حاجة واحدة: The bast car i've ever driven

بالنسبة للصيانة وقطع الغيار:
سواء أوماترا, النيل الهندسية أو أى حد بيصين ألفا فـ مصر... الـ2000cc حاجتها نادرة عن الـ1600, بس موجودة (أو تحضر.. و تدفع يافندم)..!
الكيلانى فـ شارع شمبليون وفيات 2000 عندهم قطع غيار العربية..! (الـ1600 أكتر طبعا)..

وللأمانة.. لازم يبقى عندك القدرة المادية (والصبر أنك تلف) عشان تقدر تصرف عـ الحاجات الدورية, يعنى مش هكذب عليك: هتتعب شوية فـ التيل والطنابير مثلا.. وممكن العفشة.

الحاجات الأقل زى الفلاتر (هوا وزيت) موجودة, بتأخد مثلا طقمين بوجيهات NGK Iridium الطقم بـ360-375 جنيه على ما أذكر..؟!

بالنسبة لعيوب ومشاكل العربية:
ودى بقى أنت وحظك (+دقة الكشف عـ العربية)... المشاكل الوحيدة اللى ظهرت فـ الـ156 كانت الجيربوكس:
النتشة بين الغيارات 1st-2nd ودى بينزلها software من التوكيل بيحسنها كتير, فيه حاجات أرخم زى انها ممكن تـhang وماتاخدش أكتر من الـ3rd.. ممكن تروح بـrestart وممكن لأ...!!
الـ2000cc كانت بتاكل Clutch أسرع من الـ1600, وده طبيعى... فيه ناس كانت بتبدل الـoem اللى هو Borg-Beck انجليزى بحاجة أعلى زى الـLuk ألمانى أو Valeo.. وغالبا النتائج بتكون أحسن..!

أصعب حاجة بقى فـ الـSelespeed ممكن تحصل: الـElectro-Hydraulic Actuator Module اللى بيتعامل بالدبرياج ويعشقلك.. يبوظ..؟! طبعا مش هقولك الرقم..!!!

نصيحتى ليك: لو عاجباك الـ2.0 أكشف عليها كويس (بالذات الجيربوكس) فـ التوكيل بيعملوا Clutch Drive Test عـ الـExamino..!
وأعمل حسابك أنها عربية غير الـ1600 خالص: يعنى Clutch, عفشة, قواعد موتور وفتيس, تيل وطنابير, فلاتر, جوانات غير...؟؟!!!

رأيى الشخصى: دور على واحدة 1600 TS Selespeed برضه.. وياريت لولقيت الـFacelift بتاع 2003 (تغيير طفيف فـ الفوانيس الأمامية والشبكة)..! حتى هتلاقى الـSelespeed أجيال أحدث وأتحلت كتيييييييير من مشاكله..
(خد بالك أنها أول عربية كان يتنقل لها الفتيس ده من الفيررارى بعد الـF355)..!!

تليفونات أوماترا: جسر السويس أمام سوق القنال.
26630733-4-5
موبايل: 0182507000-0182508000
وبالتوفيق.. ان شاء الله.