ميجان ولا فلونس ولا نيسان سيلفى

**HazemSalah3** · 26-03-2011 05:35 AM

عاوز أشترى عربية موديل 2011 فى حدود 145000 جنيه (تقسيط طبعاً) تكون واسعة و ناعمة و أوتوماتيك و بجميع الكماليات عدا فتحة السقف و لا يهم سيدان أو هاتشباك، و إستقريت على عربية من الثلاثة:
1- رينو فلونس (جميع الكماليات عدا فتحة السقف)
2- رينو ميجان (جميع الكماليات عدا فتحة السقف)
3- نيسان سيلفى كاملة
بصراحة محتار ، أرجوكم ساعدونى..
بس يا ريت اللى يفضّل حاجة أو يستبعد حاجة يقول السبب

**prisoner** · 26-03-2011 08:25 AM

بسم الله الرحمن الرحيم ربنا يوفقك انشاء الله فى اختيار افضل عربية بس انصحك بالعربية الفولاذية العبقرية الميجان كانت اكتر عربية مش بحبها بس فى واحد صاحبى جابها موديل 2006 واتحدى الناس كلها والانتقاضات وكانت فعلا اجمل واشيك واحسن عربية يمكن مرحش بيها التوكيل غير 2 او 3 بالكتيير تكاد تكون اعطالها معدومة ماشاء الله وفيها امكانيات تحفة بصراحة وربنا يوفقك

**islam_audi** · 26-03-2011 09:30 AM

ابعد عن الخليجى و خليك فى عربيات الوكيل اضمن و الرينو خليك فى الفلوانس عشان مبيعاتها اكتر بكتير من الميجان و ده هيفرق فى توافر قطع الغيار بعد كده

**ghazy12** · 26-03-2011 02:22 PM

لو في الامكان زيادة المبلغ لـ155 ألف... ارشحلك سيات ليون و بقوه

لو هنلتزم بمبلغ الـ145 ألف... يبقى الفلوينس كويسه جدااا أو بيجو 308...

اسيوي... مازدا 3 أو كورولا...

ربنا يوفقك للخير...

**HazemSalah3** · 26-03-2011 07:53 PM

المشاركة الأصلية كتبت بواسطة prisoner

بسم الله الرحمن الرحيم ربنا يوفقك ان شاء الله فى اختيار افضل عربية بس انصحك بالعربية الفولاذية العبقرية الميجان كانت اكتر عربية مش بحبها بس فى واحد صاحبى جابها موديل 2006 واتحدى الناس كلها والانتقاضات وكانت فعلا اجمل واشيك واحسن عربية يمكن مرحش بيها التوكيل غير 2 او 3 بالكتيير تكاد تكون اعطالها معدومة ماشاء الله وفيها امكانيات تحفة بصراحة وربنا يوفقك

شكراً يا باشا على إهتمامك..
فعلاً أكتر من واحد شكر لى فى الـ "ميجان" و أنا كنت زيك فى الأول مش قابل شكلها بس بعد ما ركبتها مرة راح الإحساس ده على طول و إتمنيت يكون عندى زيها..
بس بصراحة بعد ما شفت الفلوانس بدأت أميل للأخيرة، لكن خايف منها لأنها جديدة و ما تمش تجربتها مدة كافية فضلاً عن خوفى من سعر إعادة البيع، و إن كنت مش ناوى أبيع قبل خمش سنين على الأقل.

**HazemSalah3** · 26-03-2011 08:05 PM

المشاركة الأصلية كتبت بواسطة ghazy12

لو في الامكان زيادة المبلغ لـ155 ألف... ارشحلك سيات ليون و بقوه

لو هنلتزم بمبلغ الـ145 ألف... يبقى الفلوينس كويسه جدااا أو بيجو 308...

اسيوي... مازدا 3 أو كورولا...

ربنا يوفقك للخير...

المشاركة الأصلية كتبت بواسطة islam_audi

ابعد عن الخليجى و خليك فى عربيات الوكيل اضمن و الرينو خليك فى الفلوانس عشان مبيعاتها اكتر بكتير من الميجان و ده هيفرق فى توافر قطع الغيار بعد كده

كتر خيركم يا أخوانى على الإهتمام و المشاركة.. أنا فعلاً كنت ميال للفلوانس عن الميجان على الرغم من عشقى السابق للميجان و بعد الكلام العظيم ده زالت تخوفاتى منها تقريباً و أصبحت مقتنع بيها..
بس كان نفسى لو حد عنده فكرة عن النيسان سيلفى يعطينى رأيه علشان أحسم رأيي نهائى.

**dr_radioooooo** · 26-03-2011 08:50 PM

فلوانس افخم و اكثر انتشارا

**Formulator** · 27-03-2011 01:34 PM

... طالما دائرة الأختيارات وسعت أوى كده ... هههههههههههههه

لو هتركب هاتشباك:
- البرافو تربو 120: موتور فااااااااااجر, أوتو Selespeed, ثبااااااات وأداااااء, وكل الكماليات اللى تتخيلها (مش هقولك غير الـpaddle shift والـBlue&Me والـCornering Light).. وطبعا شكلها Stunning..!
- الـ308: موتور الـBM-Mini الـ120 حصان, Style جااااااامد برضه, واسعة و ناعمة وكمالياتها تمام...!!

- الـMegane III: نفس الكلام... معظم الفئة دى (فـ الأوروبى) بتبقى متشابهة أوى حتى فـ أبعادها..!

- الليون: شاسيه جولف ثبات وهاندلينج وشياكة وفتيس DSG وكل حاااااااجة... بس مش مقتنع (رأيى الشخصى ) أن VW تركب فتيس غاية فـ الحداثة على موتور SOHC 8v قديم جدا وunder-powered كمان.. مع احترامى..!!!
وكمان الليون III هتنزل خلااااااااص فـ 2012.. يعنى الشيب ده كام شهر ويتغير..؟؟!

أما لو هتركب سيدان:
- الفلونس: مفيهاش كلام.. جااااااااامدة مووووت..! وواسعة جدا (زى ما انت عايز).
- المازدا3: شاسيه Focus وهاندلينج وثبااااااات ونعومة.. للصبح..!!

رأيى الأتنين يتفوقوا على الكورولا بشدة.. عـ الأقل فـ الثبات والأداء..؟؟!

بالتوفيق فـ الأختيار ان شاء الله...