الي كل ملاك البي واي دي

**gabri** · 26-03-2011 02:58 PM

السلام عليكم و رحمه الله وبركاته
انا احب اعرف نفسى
انا محمد رضوان اخوكم من بورسعيد و عايش في ايطاليا و ناوي انشاء الله اجي استقر في مصر في شرم الشيخ مع اسرتي و محتاج عربية و مضطر اجيبها مستعملة عاءلية في حدود 45 الي 50 كل ده زي مانتو عارفين الحياة في شرم غالية ازاي:0002014a::
انا طبعا معجب بالبي واي دي اوي ي ي ي ي ي ي ي ي ي ي ي على اد فلوسي و عاءلية
بس انا محتار بينها و بين الجين 2 و بين الاوبل فكترا 98 او الكورسا 2004 او الفورد مونديو
بس الاوبل عموما مهما قدمت حلوه بس تكييفها مش اد كده
والتكييف مهم اوى عندي دي شرم نار
بس انا لي نظرية
اهم حاجة في اى عربية
الموتور
الشاسيه
نظام التعليق طبعا علشان طرق مصر الجميلة
التكييف ده بالنسبه لي انا علشان شرم نار
و انا شايف ان كل ده متوفر في البي واي دي
انتوا ايه رايكوم
اسف للاطاله
و انتظر مشاركاتكم انشاء الله

**gabri** · 26-03-2011 08:34 PM

[marq="3;left;2;scroll"]متابع باهتمام رايكم[/marq]

#ff0000

**x_gomgom** · 26-03-2011 09:30 PM

هو عامه ال byd فيها اللي انت طالبه من ناحيه التكييف و رخص قطع الغيار بالنسبه لكل من الاوبل و الفورد و الجين 2 حيث ان قطع غيار التلاته الي حضرتك ذكرتهم قطع غيلرهم غاليه....
لكن على ما اعتقد ان مفيش توكيل لل byd في شرم الشيخ هو الوكيل في القاهره و الاسكندريه....
و تيجي بالسلامه ان شاء الله

**gabri** · 27-03-2011 08:41 PM

شكرا لمشاركتكم x_gomgom
بس كنت عايز اعرف ايه هية توكيلات صيانة السيارات بشرم الشيخ
علشان اعرف ارسى على عربية و اقدر اختار من واحدة والتانية حتى لو مستعملة
لاني بيني و بينك مش عايز اجيب صيني مستعمل
و ياريت لو حد مقيم في شرم يفيدني في موضوع التوكيل دة يبقي عمل في خير
شكرا جزيلا
انتظر مشاركتكم الكريمة

**x_gomgom** · 28-03-2011 01:28 AM

والله نفسي افيدك بس انا مقيم بالقاهره و شغلي في الاقصر الحاجه الوحيده اللي متأكد منها ان التوكيل بالقاهره و الاسكندريه فقط....
يمكن في شرم الشيخ في نا س شغاله فيها و الله اعلم...
في انتظار احد الاخوه المقيمين بشرم الشيخ يفيدنا في الموضوع دا...
وتقبل تحياتي

**elmanahry** · 28-03-2011 09:13 PM

سيادتك تريد ان تشترى سيارة مستعملة وتريد توكيل فى شرم الشيخ ميزة ال bydf3 ان قطع غيارها متوفرة فى كل مكان الموتور ميتسوبيشى والعفشة كورولا يعنى قطع غيار فى اى مكان اما من ناحية السيارة مستعملة فيوجد لقط انا اعرف سيدة جائت لها هجرة الى امريكا وسيارتها byd f3 تقفيل صينى عاملة 20 الف والسيارة فى الضمان وصيانة توكيل ولكن طبعا المبلغ الذى توفره سيادتك غير كافى لو زاد ممكن تشترى سيارة byd f3 بحالة ممتازة

**alrabeh** · 28-03-2011 09:38 PM

استاذ المناهرى ممكن باقى بيانات السيارة المعروضة للبيع من حيث
1- السعر
2- اللون
3- الكاملة ولا العادية
4-سنة الموديل
وشكرا جزيلا لك

**monyson** · 29-03-2011 06:06 AM

فين ردكم يا دكتور
؟؟؟؟؟؟؟؟؟ظظ

**gabri** · 29-03-2011 05:13 PM

شكرا لمشاركتكم يا استاز المناهرى
و انا على فكرة متابع اراءك و ردودك و بتعجبنى كتير
اما بالنسبة لموضوع قطع الغيار المتسيوبيشي و التيوتا
هو دة الي كان عاجبنى اوي في العربية دي
سؤالي هو
ممكن اي ميكانيكي يشتغل فيها من غير ما اروح للتوكيل
يعني لو لايت ميكانيكي كويس في شرم و دة اكيد موجود
هل يكفيني كدة بس
بالنسبة للسعر مطلوب ازود يعني كتير
شكرا لمشاركتك مره اخري
و اتشرفت بمعرفتك الكريمة
جزاك الله كل خير.

**elmanahry** · 30-03-2011 03:28 PM

المشاركة الأصلية كتبت بواسطة alrabeh

استاذ المناهرى ممكن باقى بيانات السيارة المعروضة للبيع من حيث
1- السعر
2- اللون
3- الكاملة ولا العادية
4-سنة الموديل
وشكرا جزيلا لك

اعتذر عن عدم الرد بسرعة والسيارة لم تباع وصاحبة السيارة عضوة فى نايل موتورز ولا اعرفها شخصيا ولكن اعرف ابيها اتصلت بسيادته وقال لى انه سوف يلفت نظر ابنته للرد عليك من ناحية السيارة على ان يكون التفاهم على الخاص