الموضوع: اعرف ازاى المكنة بترزع ولا دة صوت اية ؟؟

اولا السلام عليكم ورحمة الله وبركاتة
ثانيا
انا عامل نص عمرة من حوالى 5-6 شهور والمكنة كانت تمام وسحبها الحمد لله تمام بس جيت من حوالى شهر كدة شيلت فلتر الهوا خاااااااالص وجربت امشى من غيرة ولقيت السحب اتغير للاحسن وبقيت احرق جامد على الغيارات وكان فى صوت نعرة كدة فى اخر الغيار بعد ماشيلت فلتر الهواء كانت مكيفانى اوى فكنت بحرق جامد على المكنة

المهم صوت النعرة دة اتحول لصوت زى تخبيط فى الموتور زى كدة مثلا ترررررررررررررر اما اجى احرق على الغيار فقولت اركب الفلتر تانى يمكن الصوت يروح ركبتو و
الصوت فضل زى ماهو
المهم واحد صاحبى كان راكب معايا وقالى دة ممكن تكون كدة المكنة بترزع ؟؟!؟!!
السؤال هنا
انا الصوت دة بيظهر عندى اما بحرق بس غير كدة المكنة صوتها هادى جدا
السحب متأثرش بالصوت والاداء هو هو
انا ماغيرتش زيت بقالى فترة كبيرة داخل فى3 شهور وعملت بتاع تقريبا 3-4 الاف كيلو وهو الزيت 1000 كيلوبس ممكن يكون الصوت دة من الزيت ؟؟!!
او ممكن يكون الصوت دة نتيجة حاجة مفكوكة او اتفكت وبقت تخبط اما احرق على المكنة
يعنى من الاخر ممكن يكون فى اى سبب للترزيع دة غير البيلات وعمود الكرنك وقصة العمرة الكاملة وتغيير الموتور دى (ربنا يستر)
وهو الموتور لو بيرزع فعلا مش المفروض بيئثر على الاداء اواستهلاك الزيت او اى حاجة ولا الموضوع مجرد الصوت يظهر فقط يبقى بيرزع ؟

ولو بيرزع ماينفعش امشى علية كدة ييجى 5-6 سنين على ما افكر فى موضوع العمرة دة او تغييرالمكنة واوعدة انى مش حجرى بية تانى طالما هو مش حمل جرى كدة

المشاركة الأصلية كتبت بواسطة mrastra

السلام عليكم
احنا تملى بنقول ان لا يفضل عمل طقم شنبر فقط وحضرتك ممكن تقرا ردودى على مواضيع كتير هنا وذاكر بالنص ان عمل شنبر دة مسكن لمدة ست شهور وبعدها لازم تحل المكنة كلها ....لان اما بتحكم فوق لازم تحت يرزع زى ما حصل معاك
وبعدين يا راجل حد يشيل فلتر الهوا عشان يسمع صوت المكنة .... لا يا راجل طب لو انتى بقى من هواة الحركات دى ركب فلتر رياضى وباك فاير وديفيل والحركات دى

والله ياباشا انا سئلت الميكانيكى فى اى حاجة فى عمود الكرنك دة وهو شغال فى العمرة قالى لا الكرنك تمام دة حتى زيرو ما اتخرطش ولا مرة لحد دلوقتى !!!!
فماعرفش بقى هوحل المكنة كلها وكشف علية ولا اية بالظبط الله اعلم

بس انا سؤالى هنا مشممكن يكون الصوت دة نتيجة اى عطل تانى خصوصا انو مابيظهرش الا اما احرق اخر الغيار يعنى لو عندى ار بى ام من 7 يبقى بيظهر على 5-6 ار بى ام
يعنى ممكن مثلا يكون فى حاجة مفكوكة شوية فنتيجة الاهتزاز العالى للموتور وهو على ار بى ام عالى
الحاجة المفكوكة دى بتخبط فية ؟؟
طب لوالمكنة لا قدر الله اتأكدت انها بترزع فعلا تمشينى اد اية وهى على الحالة دى مع مراعاة انى ححاول قدر الامكان ماجريش بيها خالص