ريو ام صني

**م/محمد** · 29-03-2011 03:31 PM

ريو ام صني مانيوال
مع الاخذ في الاعتبار استهلاك البنزين لان مشوايري طويييييييييييييييله

**ahmedsadek82** · 29-03-2011 03:42 PM

المشاركة الأصلية كتبت بواسطة م/محمد

ريو ام صني مانيوال
مع الاخذ في الاعتبار استهلاك البنزين لان مشوايري طويييييييييييييييله

Sunny ya rayes

**ghazy12** · 29-03-2011 03:54 PM

هو بشكل عام... صني طبعاً

بس لو حطينا في الاعتبار انها مانيوال, و استهلاك البنزين فيها عالي نسبياً

و ده تحديداً ضد متطلباتك في العربيه... يبقى ممكن الريو تناسبك اكتر

هل مشكله بالنسبه ليك موضوع ان الصني مانيوال ولا لأ..؟؟؟

لو مشكله... يبقى انت رديت و قلت ريو, لو عادي رأي تخليك في الصني أفضل...

ربنا يوفقك للخير... تقبــل تحيــاتي

**BassamHafez** · 29-03-2011 03:56 PM

انا شايف ان الريو موتور احدث واكثر توفيرا للبنزين

**heartbreaker** · 29-03-2011 04:01 PM

الصني تقفيل مصري و الريو كوري كلها.....و اسأل برضو عن توكيل الأتنين في الصيانة..انا بسمع ان كيا كويس في خدمة ما بعد البيع...اسأل برضو

**ghazy12** · 30-03-2011 12:27 AM

المشاركة الأصلية كتبت بواسطة م/محمد

بالعكس ده انا عايزها مانيوال اصلا

وشكرا ليك ولكل الاخوة الي ساهمو برايهم

والسؤال هل الصني المانيوال هتبقي سفاحة بنزين ؟

لا يا فندم مش سفاحه ولا حاجه... المانيوال هيكون استهلاكها معقول جدا,
و خصوصاً ان اغلب استخدامك على طرق سريعه حسب ما فهمت من كلامك...

الصني اختيار موفق ان شاء الله.. تحيــاتي

**Formulator** · 30-03-2011 02:39 AM

صنى طبعا ياباشا.. لأسباب كتيييييييير:
- يابانى تقفيل المريخ.. أحسن من كورى origin وتقفيل..!
- المانيوال بيوفر فـ البنزين عن الأوتو..؟؟!! وكمان من 2010 عدلوا حاجات فـ الموتور (oxygen-sensor, MAF-sensor تقريبا).. عشان استهلاك البنزين..!
والكلام ده من مهندس فـ مصنع نيسان أوتو ايجبت (المريخ).. ههههههههههه
- توكيلها مفيش كلام عليه, وقطع غيارها منتشرة..؟!!

وتبقى تمااااااااام لو جبتها ABS (أعتقد تانى فئة فـ المانيوال).. وأصلا العربية دى تتقارن بالسيراتو والألنترا مش بالريو, بس تقول أيه بقى..؟؟!!!