السلام عليكم ,

انا دلوقتى بقدم لانى فى مدارس المعادى وقدمت فى مدرسه نور والعروبه

مدرسه نور عجبنى فيها بيحفظوا الاولاد قرآن والجانب الدينى كويس عندهم وفى نفس الوقت هى Semi-Internationl بيتهم باللغه برضه

انا سمعت ان ناس بتشكر فيها بس ياريت لو حد ليه تجربه او ولاده فيها يقولى التجربه

وياريت اى حد من سكان المعادى يقولى افضل مدرسه لغات خاصه بالمعادى

مدرسة أمجاد للغات بالمعادى من المدارس المحترمه جدا من الناحيه الدينيه والتعليميه

طيب ياريت برضو نعرف المدارس دى مصاريفها كام فى السنة وطريقة الدفع مرة واحدة ولا على اقساط .

وياريت لو فيه مدارس تانية الناس تقولنا عليها وجزاكم الله خيرا

نفس المطالب وخلي بالك لو لم يتم الاستجابه علي ميدان الحريه في المعادي واددددددددددددديها مظاهرات

أنا معاك يا باشا

بالنسبه لمدرسه النور

مصاريف كى جى : 8400
الكتب : 840

مدرسه امجاد اغلى من كده بحوالى 9 ونص تقريبا

مدرسه العروبه ب 8000 شامل الكتب

مدرسه نارمر بحوالى 13 الف والبشائر بحوالى 12

كل المدارس لغات وخاصه بس !!!

وفيه مدارس الفاروق قريبه من المعادي و semi

فيه سقارة والمفروض دي احسنهم
مصاريفها 14000 بالتبرعات

وفيه بقى امريكان كولدج بـ 10000 و 10000 تانيين تبرعات بس طبعا دي التوب بتعتهم
بس عيبها الدين ولعرابي فيها اختياري
آه نسيت أقول إن المصاريف دي $

اية اخبار المدارس حاليا؟

انا عاوز اقدم لبنتى kg1 ومش عارف ادخلها اية؟

والله يا باشا أنا في رأيي الشخصي "بس ماحدش يقول الكلام ده لحرمنا المصون"

كل المدارس دي زي بعض
يعني ياما مدرسة international أو مدرسة لغات عادية من أم 3 او 4 تلاف دي
مش لازم 15 عشان المدرسة اسمها semi معرفش إيه وفالاخر الشهادة زي اللي طالع من مدرسة تجريبية أو أي مدرسة خاصة ب 1000 جنيه وفيها لغات
وكل المدارس دي أنا قرايبي فيها بلا استثناء وكلهم جايبين مدرسين خصوصي ومصاريف اد كده
ده طبعا غير المدارس اللي مفيهاش تقديم في kg1 أصلا من بره ولازم تكون في ال pre-school بتاعتهم الأول ومدرسة زي MES مثلا معدية الكلام ده بكتير ومفيش تقديم أصلا في ال pre-school اللا لأخوات اللي موجودين فالمدرسة بس وعشان تقدم أصلا لازم يكون ليه واسطة جامدة

أنا بصراحة مش قادر أفهم إيه الفرق فالمدارس دي غير إن دي أنضف من دي شوية
وإن أنا ممكن اتفشخر قدام صحابي إن ابني في مدرسة معرفش إيه