عاوز أروح باب 14 جمرك الإسكندريه

**ABOHAZEM_NEW** · 30-03-2011 12:17 AM

السلام عليكم ورحمة الله وبركاته
ممكن وصف الطريق لباب 14 جمرك الإسكندريه من مدينة 6 أكتوبر
وأروح أحسن بالعربية ولا المواصلات
ولو بالعربية أركن فين
وجزاكم الله كل خير

**ABOHAZEM_NEW** · 30-03-2011 09:11 PM

المشاركة الأصلية كتبت بواسطة abohazem_new

السلام عليكم ورحمة الله وبركاته
ممكن وصف الطريق لباب 14 جمرك ميناء الإسكندريه من مدينة 6 أكتوبر
وأروح أحسن بالعربية ولا المواصلات
ولو بالعربية أركن فين
وجزاكم الله كل خير

فين ياوحوش الإسكندريه .. أنا فى إنتظار ردكم وشكراً

**AF_DIAB** · 01-04-2011 11:18 PM

طالما بتنادى وحوش إسكندرية يبقى انا مضطر أرد انت حتنزل صحراوى طبعا من 6 أكتوبر لغاية لما تدخل اسكندرية ومن مدخل اسكندرية حتمشى طوالى لغاية لما تلاقى البحر فى وشك حتخش يمين ومن أول يو تيرن حتلف وترجع وتفضل ماشى البحر على يمينك حتعدى وانت ماشى على مكتبة اسكندرية وبعدين على محطة الرمل كل ده وانت ماشى عدل والبحر على يمينك لغاية لما تلاقى الجندى المجهول على شمالك حتخش من بعده مباشرة طوالى لغاية لما يبقى إجبارى لازم تخل يمين حتمشى حوالى 200 متر وبعدين حتلاقى تفريعة طوالى ودة فيه سوق وزحمه وشمال انت حتخش مع الشمال بس مش يوتيرن لا شمال طوالى لان فيه يو تيرن قبل التفريعة ولما تكمل فى الشمال ده حتلاقى بنزينه على يمينك بعدها على طول حتلاقى شارع شمال وده اسمه شارع السكه الجديده حتخش فيه وتمشى شويه لغاية لما يتقاطع معاك ترام حتخش يمين تلاقى باب 14 فى وشك طوالى
أسف للأطاله ولكن الحته مكعبله وأرجو انك توصل بالسلامه

**ABOHAZEM_NEW** · 02-04-2011 11:44 PM

المشاركة الأصلية كتبت بواسطة af_diab

طالما بتنادى وحوش إسكندرية يبقى انا مضطر أرد انت حتنزل صحراوى طبعا من 6 أكتوبر لغاية لما تدخل اسكندرية ومن مدخل اسكندرية حتمشى طوالى لغاية لما تلاقى البحر فى وشك حتخش يمين ومن أول يو تيرن حتلف وترجع وتفضل ماشى البحر على يمينك حتعدى وانت ماشى على مكتبة اسكندرية وبعدين على محطة الرمل كل ده وانت ماشى عدل والبحر على يمينك لغاية لما تلاقى الجندى المجهول على شمالك حتخش من بعده مباشرة طوالى لغاية لما يبقى إجبارى لازم تخل يمين حتمشى حوالى 200 متر وبعدين حتلاقى تفريعة طوالى ودة فيه سوق وزحمه وشمال انت حتخش مع الشمال بس مش يوتيرن لا شمال طوالى لان فيه يو تيرن قبل التفريعة ولما تكمل فى الشمال ده حتلاقى بنزينه على يمينك بعدها على طول حتلاقى شارع شمال وده اسمه شارع السكه الجديده حتخش فيه وتمشى شويه لغاية لما يتقاطع معاك ترام حتخش يمين تلاقى باب 14 فى وشك طوالى
أسف للأطاله ولكن الحته مكعبله وأرجو انك توصل بالسلامه

شكراً على الوصف التفصيلى ويارب اوصل .. وسلامى لكل أهل الإسكندريه