تجربة رائعة مع عز العرب

**Mahmoud_405** · 30-03-2011 02:50 AM

السلام عليكم

انا عربية والدتي جين 2 2009 ومن يوم ماجبتها كام فيها عبيين الاول ان مؤشر البنزين عمروا مابيوصل لحد الاخر بيوصل بس للشرطة ال قبل الاخير يعني مابيجبشي اخر 10 لتر تقريبا.
المشكلة التانية لمبة الحزام منورة علي طول حتي لو حطيت الحزام وصت الصفارة المتقطع الي بيجي اول ماتحط المفتاح في العربية مش موجود.

انا من الاسماعيلية وكان صعب قوي اروح التوكيل مخصوص للحاجات فكنت بروح مواعيد الصيانة بس وكل مرة مهندس الاستقبال يقولي خلصنا الصيانة ومفيش وقت للحاجات دي ولازم تبات عندهم وطبعا استالحالة ابيت العربية في ابو رواش وارجع مواصلات خصوصا لو معايا حد من اهلي.

اه وفية كمان مشكلة كمان الاكصدام الخلفي كل شوية يفصل لوحده من عند الرفرف. واعملها مع الصيانة وترجع تاني
3 مرات علي الحال ده والضمان حيخلص السنة الجاية....... بعت ايمل لبروتون مالزيا حكتلهم علي الي حصل بالتفصيل
وبعدت ايميل للمهندس امر بعد كده المهندس امر رد عليا وبعتلي نمرتة وقالي كلمني لكن كان مغلق او ابعتلي نمرتك وانا اكلمك.

بعديها بييوم واحد مهندس محمد عبدالهادي كلمني وقالي حضرتك الي بعد ايميل مالزيا قولتلو اه وقالي حنحللك كل المشاكل وحجزت يوم الاتنين الي فات ده ورحت وكنت اول عربية واصل الساعة 7:30 طبعا التوكيل كان قافل واستلموا العربية مني الساعة 9 وبصراحة المهندس محمد عبد الهادي كان زوق قوي والشاهدة للة هو كل مرة كده مش علشان انا بعد ايميل مالزيا

وبعد ساعتين يس الساهة 11 العربية خلصت يافندم غيروا طرمبة البنزين بالعوامة ووراني المهندس سيد الطرمبة القديمة وغيروا وحده التحكم بتاحد الانذار هي دي كان السبب ان لمبة الحزام معلقة كل ده في ساعتيين وعملوا الاكصدام ربنا يستر ومرجعشي تاني ودخلت في النهاية للمهندس امر اشكره علي الي حصل وبجد الراجل قمة في الاحترام.

بصراحة التوكيل في تحسن ملحوظ وكمان ركبت العلامة الخلفية لانها اتسرقت ب 107 جنية بس انما العلامة بتاعت الموديل القديم ب 220 !!!!! علي العموم الحمدللة انا بس حبيت اكي تجربتي واشكر المهندس امر والمهندس محمد عبد الهادي والمهندي سيد مدير الورشة