نفسي .. نفسي .. نفسي .. نفسي اروح اسكندرية

**msafa** · 30-03-2011 03:04 AM

السلام عليكم

يا جماعة، انا كنت متعود اروح اسكندرية كل شهر كرة او مرتين صد رد و كل 3 شهور اروح اقضي اسبوع هناك
ده طبعا كان قبل انسحاب جهاز الشرطة

دلوقتي كل الناس بتقولي بلاش اسكندرية، ولية واحد صحبي ساكن هناك بيقولي انا مش عارف اروح

انا بصراحة عاوز الاسكندرانية يقولو ايه النظام هناك من ناحية الامن الامان و ايه المناطق اللي مش محبب ان اروحها و بخصوص الشفر ايه آخر معاد ممكن اسافر فيه

يا ريت تفيدوني عشان اسكندرية وحشاني جدا

**power** · 30-03-2011 03:50 AM

روح مكان ما انت عايز طالما قبل الحظر علشان الجيش بيقفل بعض الشوارع بعد الحظر اسكندريه الي حد معقول مفيهاش قلق بس الخوف من طريق السف لو الناس اللي بتسافر كتير علي الطريق ده قالتلك امان يبقي توكل علي الله وتنورنا

**AshTurbo** · 30-03-2011 03:57 AM

أسكندرية تنور بيك طبعاً ... هأتكلم عن نفسي أنا ساكن في ميامي وساكن كمان في المندرة على البحر الدنيا أمان هنا فضل من الله والشباب والبنات بيفضلوا في الشوارع لحد 12 عادي مفيش مشكلة وآخر مرة سمعت عن خناقة أو حرامية أو مشكلة كبيرة في المنطقتين دول كان من حوالي شهر وكان حرامي والجيش أتصرف دلوقتي البوليس منتشر ويكفي اني أقولك أن بلغنا عن سرقة عربية وكان الناس ماسكين الحرامي والبوليس بعت 3 عربيات شرطة متروسين عساكر بالسلاح عشان بلاغ سرقة بسيط ... في بوليس في الشارع والدنيا أمان وربك ساترها معانا وتعالى وانت مطمئن مع أتخاذ أحتياطات الأمان العادية وزيادة حبتين .

**yascro** · 30-03-2011 05:21 AM

باشا كله تمام الامن مستتب تشرف ف اى وقت

**msafa** · 30-03-2011 05:39 AM

نورتو الموضوع يا اسكندراني - البلد منورة باهلها و الله
هتوكل على الله و هاجي
انا بنزل عن واحد صحبي ساكن بعيد شوية في المكس عند استاد حرس الحدود و مكاني المفضل هو جرين بلازا فبستخدم شارع المكس رايح و الطريق الزراعي وطلع الصحراوي و بعدين الدائري
هل في اي قلق هناك؟

**M.Alaa92** · 30-03-2011 12:09 PM

بلاش الزراعى و المكس باليل عشان ما تضمنش انا بمشى على طول يا بحر يا ابوقير لو بعد الساعة التاسعة

**MohssenRashed** · 30-03-2011 12:25 PM

اسكندرية زي الفل ياباشا بس زي مالاعضاء قالو خليك في الطرق الرئيسية. حضر نفسك عشان الزحمة بقت مقرفة.

عامة تنور اسكندرية ياكبير و لو عايز اي حاجة كلنا تحت امرك

**chicobon** · 30-03-2011 04:41 PM

طيب و الطريق الصحراوي ايه اخباره ؟ هل امان زي زمان ولا في قلق

**A7MED_PHARMA** · 30-03-2011 04:55 PM

إسكندرية تمام يارجالة مفيش أي حاجة
أنا كنت هناك من 10 ايام تقريبا .. وراجع بعد 2 بالليل .. وكانت الشبورة عماااااااااا
بس عادي
البلد زي الفل مفيش أي حاجة

بس راجع زراعي مش صحراوي طبعاااااااااا